2 TIMOTHI 1:16 - KARANU KABI SAMTAM

¹⁶ Abangpiinii Onisi- poraski kalung mpung go lungsyii pyii matulo; dapokii mpounii n-gu kamage kalak kito tii ntajat jat pyiisii n-gu kapai sagyiireng hang jangpii mpounii nroupyii makle.

2 TIMOTHI 1:16 Iomraidhean Croise

METIU 25:17

Teitakumpii talent hangna doukalu kikaleipii teinii kaki talent hangna dou wotakle.

METIU 5:7

“Meigo lungset katimei sadoi bile, kadapokii ahnyiinii lungset kati tei doutangle!

TIILAMLWI KAPYIIMEI THA JUKAMATI 21:33

Teitinglang kitei kasagoipii kadipii teinii mpouda ma- nangliitsii mpougo jum wosii sagyii bah rangkat hangnapiinii peitang karam jangpii mwija pyiitakle, sa- teichii mpou ai tapo ninado mpounii kadapei tii aitakpo katu n-nhiitakle.

TIILAMLWI KAPYIIMEI THA JUKAMATI 28:20

Teipiinii aijangpii Inii gonyiigo kadoutang karam sateichii karashii njoitang karam jangpii lat leile. Ka- daponii Kretmeinii maning malumsii kalei mpou jang teipii n-gu bah sagyii rangkat aipii peibamle.”

1 KORENMEI 16:18

Kadapokii ahnyiinii n-gudo gonyii godo tii ntapyii takle, teijangpii gonyiinii tei kakum mei gotei jutiseilo.

IPISAMEI 6:20

Aitoi Inii kabang kito leisii leikado, kabi rasam aijangpii Inii sam kapungmei hangninii tiisii leile. Inii tam tang karam takum- piinii Inii lung disii tam wokabui jangpii riita khangpyiilo.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

2 TIMOTHI 1:17

Nlenii mpounii Romki gongsek-kii, mpounii lungliitsii n-gu fiisii dou- takle.

2 TIMOTHI 1:18

Teipiinei leimik mpounii Bangpii dato lungsyii kati tei dou wokabui tiisii Bangpiinii mpougo pyii matulo, sateichii mpounii Ipisas kito kadaziikapii moisii n-gu nga ngakapyii tei nangnii tiigatpii tile.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

2 TIMOTHI 4:19

Prescilla, Akuila sateichii Onisiporas ki kalungto kalei hang go gumah salam tei pyii leile.

PHILIMON 1:20

Teipiinii gusanapii tiikaha khangkalei ai Bangpii zeikito lungsyiisii n-gu tiiseilo, Krista zei kito sanapii hangninii tiisii tii-ntapyiilo.

PHILIMON 1:7

lungkasyii, kangsanapii gomah lungkasyii teipiinii n-gu hangkapii ka-nta ninado lung tiikamadi tei pung gongpyii takle; Saraamah meihangmah lung hangtei nangnii tii ntapyii takle.

HEBRUMEI 10:34

Kabangki kabam meimah kamage kalak njai tei gonyiinii dou njoi takle, sateichii gonyiimah mahbam hangtei soukalu tinglang kak, gonyiimah maga kalei tei gonyiinii nta ntasii leh wotakle, dapodinchii kalui tiisupiinii bam tang karam kisii bikaki tei doutakle katu gonyiinii tile.

HEBRUMEI 6:10

Kadapokii Saraanii majyii kasu gale, gonyiinii kamateimeigo tiikaha ninado aitoido tiihasii kalei gonyiinii tiikabam tha ninado mpou jangpii mangou kabam lungkasyii tei mpounii mangai lakle.