2 TIMOTHI 1:14 - KARANU KABI SAMTAM

¹⁴ Nyiilung kito lungsii kalei rangii kamatei paikito gudakii pyii kabam kabi tei jum wolo.

2 TIMOTHI 1:14 Iomraidhean Croise

LUKNII KARYII KABI RASAM JUKAMATI 16:11

Gonyiinii sazyii pouryii mah seh sana jum kalei ai malum wolak lepochiinii, kasang ka- majyii mah seh sana tei tanii gonyii dakii julosii pyiitangpo?

JONNII KARYII KABI RASAM JUKAMATI 14:17

Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

ROMMEI 3:2

Akaang hang kito hangkii leile, karei reisang kito Jehudimei dakii Saraanii mpoumah samtam tei kaipyii takle.

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

ROMMEI 8:13

kadapokii gonyiinii apum azai tai swisii lungleponii, gonyii taitangle; nlenii rangii paito gonyiinii apum azai mah tha hangtei tai malei aileponii gonyiinii ringtangle.

ROMMEI 8:9

Nlenii Saraa mah rangii teinii gonyii dato leileponii, gonyiinii apumzai kito bam makle, rangii dato leile, Nlenii mei kata hangniniida Krista mah rangii tei galeponii ahteinii mpoumah makle.

1 KORENMEI 3:16

Gonyiinii Saraa mah kamatei Saraa kamaning kile ninado Saraa- mah rangiinii gonyii lungto leile katu gonyiinii timakpo?

1 KORENMEI 6:19

Sateichii gonyii pum teinii gonyiinii Saraa dato doukalu, gonyii lungto kalei rangii kamatei mah kamatei kile katu gonyiinii timakpo? Sateichii gonyiinii gonyiimah roinamakle;

1 KORENMEI 9:17

Kadapokii gumah kamaning kamareipii Inii ai tiile- ponii, gumah alangh bamle, nlenii gumah kamaning kamarei teipii suleponii, gudakii mahbam kajumei mah tha tei lok kaipyii bam takle.

2 KORENMEI 5:16

Teipiinii aitoi sekpii, nyii mei hangninii kagodo meinah mah pum- zai lamto samtak tiisutakle, tinglang hangniniiki nyiinii meinah mah kamaning kito nyiinii Kristago samtak tiisii leikado, nyiinii mpougo teitiisii samtak tiiloi sutakle.

GALATIMEI 2:7

Nlenii malatpii tiigyii malem kaleimei hang jang- piinii kabi rasam tei Pitar dakii pyii- kabam takumpiinii, tiigyii malem kasumei hang jangpii gudakii kabi rasam ai pyiibam takle katu tei ahnyiinii ngou wosek-kii,

IPISAMEI 2:22

Mpougo njasii hangninii tiikalu kito Saraanii mpoumah rangii paikito lungsii kalei bam hangninii ki teikii mei kakimei hang go kaswisii gonyii godo tiimakhiibam takle.

IPISAMEI 5:18

Gonyiinii tiimagasii kalei, jou tei sak panhii sulo, nlenii rangiipii tokryiilo,

KOLOSIMEI 4:11

Justas siido lat kalei Joshuwaniido gonyiigo salam pyii leile. Jehudimei kamalum mei kak kito Saraamah sating sazyii jangpii n-gu kaswisii tha katii tei aimai hangtum ai roile, ahnyiinii n-gu hangkapii tiihale.

1 THESOLONIKAMEI 5:19

Rangiigo mazhii kasu tiisulo.

1 TIMOTHI 1:11

Satoi pyiikati pumtei kava Saraamah kabi rasam n-gu tam matilosii gudakii pyii kabam tai swisiile.

1 TIMOTHI 6:20

He Timothi, tiilosii godakii pyii kabam tei ryii wolo, mei kangkanii “Swirek kati” lesii lat kalei kiteito kapat Saraa haikasu sam katam kamalhii hang kito sateichii kaka- daksam kazyiisii kalei hang kiteito mpaa wolo.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

2 TIMOTHI 2:2

Sateichii sakchyii meihangkii doito nangnii gudato shiikalu tei mei kakimei dakiido ralipyii kabuimei dakii tiilosii tampyiilo.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.