2 TIMOTHI 1:12 - KARANU KABI SAMTAM

¹² Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

2 TIMOTHI 1:12 Iomraidhean Croise

METIU 12:21

Sateichii mpou zei kito lui kakimei hangnii maning malum tangle.”

METIU 24:36

“Nlenii teimah leimik ninado tinglang teinii Pfii teisupiinii, sating gamluinado, meinah sapfii mpou teiniido meikaniido timakle.

METIU 7:22

Teipiinei leimik mei hangkanii gudakii tam tangle, Bangpii, Bangpii, nyiinii gozei kito Saraa sam saa mpat makde, go zei kito sara kashyii go baatoi makde, sateichii go zei kito mei tiikalak sung kaga tha hangkii tiimakde?

LUKNII KARYII KABI RASAM JUKAMATI 10:12

Inii gonyii dakii tam leile, samtak katii piinei teimah namdi gotei sung Sodom namgo Saraanii kisii lungsyiipyii tangle.

LUKNII KARYII KABI RASAM JUKAMATI 23:46

Jisunii rok sagoisii saasii tamle, “Pfii-o, gobah kikii gu rangii pyii aitakle!” aitiisii tamsii mpounii tai takle.

JONNII KARYII KABI RASAM JUKAMATI 17:15

Ahnyiigo sazyii pouryiito poitoi losii Inii godato riita makle, nlenii kashyii kiteito ahnyiigo koipyiilosii Inii godato riitale.

JONNII KARYII KABI RASAM JUKAMATI 6:44

N-gu lang kamagong Pfii teinii ahgo gudakii chyiigong pyii suleponii, mei kaniido guda gongpei wolakle, sateichii Inii mpougo kalui piinei leimik tiimaringpyii tangle.

TIILAMLWI KAPYIIMEI THA JUKAMATI 13:46

Teito Pol nei Barnabasnii lungdisii tamle, gonyii dakii Saraa mah kabi rasam ai tamrei tang karamle. Nlenii teitei gonyiinii gonyii dato kataitoisii kalui kaga karing doutang karam ai doumajyii maklesii gonyii roinapiinii maning kalu jangteipii, julo, nyiinii lui kakimeida tat tutakle.

TIILAMLWI KAPYIIMEI THA JUKAMATI 13:50

Nlenii meinii sadzyii ngariit katii ninado Saraago kamalum mei sapwimei hang go Jehudimeinii katwikai pyiisanii Pol nei Barnabas phyiiryiikii tiikamage pyiitang karam jangpii sam kamoi tii mpat pyiisanii, ahnyii mah sazyii kiteito baatoi aitakle.

TIILAMLWI KAPYIIMEI THA JUKAMATI 21:13

Nlenii mpounii khekalatle, “Gonyii kadapei tiileipo, aitiisii hatsii ninado gulung tiipaksii? Jerosalem kito n-gu reng peitang karam jangpiinii Inii tiikada takle.”

TIILAMLWI KAPYIIMEI THA JUKAMATI 7:59

Sateichii Bangpiigo kalat sateichii “Bangpii Jisu, Gu rangii ai poipyiilo” sii riita leibangpii ahnyiinii mpougo kuitupii rotsii bamle.

TIILAMLWI KAPYIIMEI THA JUKAMATI 9:16

Kadapokii mpounii guzei jangpii kadaziika kamage kalak leh tangle katu tei Inii mpou dakii matipyii tangle.”

ROMMEI 1:16

Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.

ROMMEI 9:33

aitiisii ryii kabam takumpiinii, “Julo Sijon kikii pi pasui tang karam kuitu ninado ahnyiigo tiikou tang karam kuitu kadi Inii kaibamle, sateichii mpougo kamalum mei gotei nrou matu lakle.”

1 KORENMEI 1:8

Sateichii nyii Bangpii Jisu Krista mah leimik piinei gonyiinii kakui kama gatang karam jangpii mpounii gonyiigo kalui katang tei tiisangting pyiitangle.

1 KORENMEI 3:13

Kadapokii Krista mah leimik piinei teitei mangou tangle, kadapokii teitei mipiinii tam mangou tangle sateichii mei nsang nsangnii tiikabam tha tei kadapeipo katu mipiinii ruju tangle, sateichii ah mah tei kabimanii kashyiipo katu tei mangou tangle,

PILIPIMEI 1:20

Inii samah kado nroulakle, nlenii ting- lang kaleita lungdisii kalei takumpii aitoido Inii ringkado taikado, gu pum kito Kristago tam matoi tangle katu ai ai gumah saryiisii koikalei ninado maning kamalum teile.

PILIPIMEI 3:10

katunii, Inii mpougo ninado mpoumah ringkakhii mah teimaham gotei tikabui jangpii, sateichii mpoumah kamage kalak hangtei dou njoi kabui ninado mpoumah katai kito mpougo njoi kabui jangpii,

PILIPIMEI 3:21

Mpounii apum tiisii kalung kangkii mahlyii hang go mpounii poigoi kalumah teimaham tei jumsii, tai kabui gakabui kasui nyii pum hang go mpounii tiiranupyii tangle ninado mpoumah kangam pum takum matu tangle.

PILIPIMEI 3:8

Gu Bangpii Krista Jisugo kati tei kisii maiteeng kaki jangpii mahlyii hangtei Inii kagale katupii poitakle. Mpou jangpii mahlyii hangtei Inii rat toi aitakle, sateichii mazhii kasulesii Inii poi takle.

1 THESOLONIKAMEI 2:16

Jehudimei kasu luikakimeigo keipyii tang karam sam katam tei ahnyiinii namle; teipiinii ahnyii mah kem kama mah ajhii kamashak kaleita tei tiitokryiile. Nlenii Saraa mah rakarhii tei aitoinii ahnyii phyiiryii gong takle!

1 THESOLONIKAMEI 5:4

Nlenii kangsanamei, teipiinei karagamei takumpii gonyiigo tii asung gamatu tang karam jangpii, gonyiinii kamyii kito bam makle.

1 TIMOTHI 6:20

He Timothi, tiilosii godakii pyii kabam tei ryii wolo, mei kangkanii “Swirek kati” lesii lat kalei kiteito kapat Saraa haikasu sam katam kamalhii hang kito sateichii kaka- daksam kazyiisii kalei hang kiteito mpaa wolo.

2 TIMOTHI 1:14

Nyiilung kito lungsii kalei rangii kamatei paikito gudakii pyii kabam kabi tei jum wolo.

2 TIMOTHI 1:16

Abangpiinii Onisi- poraski kalung mpung go lungsyii pyii matulo; dapokii mpounii n-gu kamage kalak kito tii ntajat jat pyiisii n-gu kapai sagyiireng hang jangpii mpounii nroupyii makle.

2 TIMOTHI 1:18

Teipiinei leimik mpounii Bangpii dato lungsyii kati tei dou wokabui tiisii Bangpiinii mpougo pyii matulo, sateichii mpounii Ipisas kito kadaziikapii moisii n-gu nga ngakapyii tei nangnii tiigatpii tile.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

2 TIMOTHI 2:9

Inii kabi rasam katam karali jangpii mei tiikanhii tiikaleimeigo takumpii reng kapei katang kamage kalak tei Inii leh takle; nlenii Saraamah samtam teinii peinei aimakle.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

TAITAS 3:8

Tam kalei ai kasangle, Saraago kamalum mei teinii kabi tha tiitang karam jangpii, ahnyiimah tinglang tei ahnyii roinapii jumatou kabui tiisii nangnii tiigatpii kaang aihang ai tam kapyii Inii mareile, aihang ai meihang jangpii bi kabui ninado liipat doukabui mareile.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

HEBRUMEI 2:18

Kadapokii mpou pum sekpiinii kahem ninado kamage kalak leh katu doukalu jangpii kahemnii hem kalei meigo mpounii tiiha wobuile.

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

1 PITAR 1:5

Keikapyii karing tiilung jangpii kalui ting- langki mangou tang karam jangpii tiida kabam, kamalum kito Saraa- mah teimahampii bisii kaidek kabam hangtei gonyii jangpiiniile.

1 PITAR 4:16

Nlenii gonyiinii Kristen mei hang- ninii tiikatu jangpii kamage kalak tei pungsii lei leponii, teikito nrou sulo, nlenii teimah zei kito ahnii Saraago tam matoi matulo.

1 PITAR 4:19

Tei jangpii Saraamah kamaning kamazhii taiswisii kamage kalak pungsii kaleimeiniido malum kabui Saraa dakii kabi tha tiisii ahnyiimah rakot tei pyii matulo.

JUD DATO KAGONG CHITI JUKAMATI 1:24

Aitoinii koutang karam kito gonyiigo masat kabui ninado sajek gasii rangasii mpoumah pumtei kava doikii gonyiigo masatto kabui kangam–