1 TIMOTHI 6:9 - KARANU KABI SAMTAM

⁹ Nlenii mahni kanyii- mei hangteinii kahem ki, mphee ki, kapang kamang hangki, sateichii meigo deng mashyii tang karam pumzai mah kamarei ka-ntha hang kitei takliitle, ai kakum ainii meinahgo tiikamaga ninado tiikakou kikii chyiikai matule.

1 TIMOTHI 6:9 Iomraidhean Croise

METIU 13:22

Sateichii tu tiirat kak kikii ralikai kabam ahnyii teinii samtam tei shii wosii, sazyii pouryii swi kamaning ninado kani kahii kamarei teinii samtam gotei giitnei wosii ti mati leimakle.

METIU 19:22

Rahang kaleipii tei ai shii wosek-kii mpou swi kamagesii tat-tu takle; kadapokii mpounii mah hangkapii nile.

METIU 26:15

“Jisugo Inii gonyii dakii bailapyii leponii, gonyiinii n-gu kadapei pyii- tangpo?” Sateichii ahnyiinii mpougo sanahgyii pum tamrhii fiipyii takle.

METIU 6:19

“Kharak ninado dwihetnii tiikamaga sateichii karagameinii ki ramsii karaga sazyii aikikii gonyii jangpii kani kahii tei poi nkom sulo;

MARK 4:19

sazyii pouryiigo kamarei, kani kahiigo kamarei mei ninado kaki kaki kamaning kamarei tei liitsii kabi sam gotei tiimaga kaleimei teinii, atu tiirat teinii pokpat giitrangsii ati mati kasu takumle.

LUKNII KARYII KABI RASAM JUKAMATI 12:21

Sateichii Jisunii tamle, “Saraa mah mik doito mah nisupiinii mpou- jangpii roinii kani kahii poi nkomsii kalei tei aitakumle.”

LUKNII KARYII KABI RASAM JUKAMATI 21:35

Kadapochiinii leimik tei Sazyii pouryii bamlyii hang kito lung kalei matum madum phyiiryii mphee takumpiinii gong tangle.

TIILAMLWI KAPYIIMEI THA JUKAMATI 8:20

Nlenii Pitarnii tamle, “Go sana tei n-go kaswisii gamatulo, kadapokii Saraa mah luha kapyii gotei sanapiinii lyiiwo builesii nangnii maningle.

IPISAMEI 4:22

Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.

1 TIMOTHI 1:9

Nlenii ajaitingshang ai mei jangpii tiimakle, nlenii ajaitingshang tiika- pakmei sateichii katam swikasumei, Saraago tikasumei, kem kamamei, matei kasumei, sateichii tiikama- hongmei jangpii, pwi pfiigo kagimei, meigo kagi kabamei,

1 TIMOTHI 3:7

Mpounii nrou sangamsii seitan mah mphee kitei liit kasu tiisii, sabato kaleimei hangnii mpougo sadzyii ngariit tiisii kaleimei hangninii tang karamle.

1 TIMOTHI 6:10

Kadapokii sanahgo kamarei ainii kashyii hangmah abang teile, mei kangkanii ai ai hangkapii doukanyii kito ahnyii tei kamalum kito dhiisii tat tutakle sateichii ahnyii lungtei swi kamage katu teipiinii ngiipii kahui kumpii hui aitakle.

1 TIMOTHI 6:17

Aitoi sazyii pouryii aito mah kanimei hang go tam kakhat pyiilo, katunii, ahnyiinii detdi matu sulo, nlenii tisek kasu kani kahii hang kikii supiinii, nyiigo samou matu tang karam jangpii mahlyii hang mah lasii kapyii Saraa dakii ahnyii mah kamaning kamalum tei sat matulo.

2 TIMOTHI 2:26

Sateichii ahnyiinii ahnyiimah swi kitei swiling gongsii ahnyiigo jumsii mpoumah kamaning kamarei teitei swi matusii kalei seitan mah mphee kiteito ahnyiinii nlek aido malahle.

TAITAS 2:12

Nyiinii Saraa maning kasu ninado sazyii pouryii mah kamarei ka-ntha tei haisupii, lungswi jum matwisii, kanat bisii, sateichii Saraa maningsii aitoimah sazyii pouryii aito lungtang karam jumage kapyii ainii nyiigo ralipyiisii leile.

2 PITAR 2:3

Ahnyiimah lukanyii kito kasang kasu ralikapyii meinii kasang kasu kanat kanhii hang tei gonyii dakii tamsii gonyii phyiiryiito liipat tei fiitangle. Ndoukato ahnyiimah sam- tam tiitang karam tei tiikadabam takle sateichii ahnyiigo tiimaga tang karampii Saraa teinii zyiisii bam makle!

JUD DATO KAGONG CHITI JUKAMATI 1:11

Ahnyii jangpiinii kadaziikapii kamagepo! Kadapokii Ken mah pwidi tei ahnyiinii swiwo takle, sana jangpii Balam mah kama kiteikii ahnyii roinapii ahnyiigo pyii aitakle, Koranii rangkapa takumpii ahnyiinii rangpale sateichii Kora takumpii ahnyiigo tiimaga aitakle.