1 TIMOTHI 6:17 - KARANU KABI SAMTAM

¹⁷ Aitoi sazyii pouryii aito mah kanimei hang go tam kakhat pyiilo, katunii, ahnyiinii detdi matu sulo, nlenii tisek kasu kani kahii hang kikii supiinii, nyiigo samou matu tang karam jangpii mahlyii hang mah lasii kapyii Saraa dakii ahnyii mah kamaning kamalum tei sat matulo.

1 TIMOTHI 6:17 Iomraidhean Croise

METIU 12:32

Sateichii meinah sapfii mpougo mazhii kasu sam katam meihang gotei kaleipyii tangle, nlenii rangii kamatei go mazhii kasu sam katam meihang gonii sazyii pouryii kitodo gongtang karam kiteitodo kaleipyii lakle.

METIU 19:23

Jisunii mpou-boumei dakii tamle, “Inii gonyii dakii kasangpii tam leile, mah kanimei hangninanii sating gam sazyiiki liit tang karam ai hangkapiinii hungle.

METIU 25:16

Manoisek-kii talent mangii doukalupii teinii maasii teiteipii li-laa tiikalu kito, kaki talent mangii douki wotakle,

METIU 27:57

Tingkhii lam liit sek-kii Ari- matiya kito mah kanimei hangninii gongle, sateichii mpoudo Jisu mah boumei hangniniile.

METIU 6:32

Kada- pokii Jehudimei kasu Lui kakimeinii pot aihang ai fiile, sateichii sating gam gonyii Pfiinii aihang ai gonyiinii dousu shyiile katu tile.

MARK 10:24

Teito mpou boumeinii mpou sam tei shii wosii sung gatakle, nlenii Jisunii nlailoisii ahnyii dakii tamle, “Gunahmei kani kahii kikii kamalum meinii Saraa mah sating sazyiiki liit tang karam ai daziikapii hungpo!

LUKNII KARYII KABI RASAM JUKAMATI 19:2

Sateichii julo, zei Zakaiyas sii kalat ha kahamei kakto phyii kasat sapfiimei hangninii leile; sateichii mpou ai mah kanimeile.

LUKNII KARYII KABI RASAM JUKAMATI 3:11

Sateichii mpounii ahnyii dakii khekalatle, “Mei kata kangkii paijou hangna kabam mei teinii, gakok koksii kabam mei gotei njailo; Kachii kasak kabam mei teiniido teitakum matulo.”

TIILAMLWI KAPYIIMEI THA JUKAMATI 14:17

Nlenii mpoumah sak- chyii gasanii kaibam makle, katunii mpounii kabi tiipyiisii sating gamto tingryii ninado ati kamati tingkum tinglang hang tiipyiisii gonyii lung ai kachii kasakpii ninado kasamou teipii kasaat pyiile.”

TIILAMLWI KAPYIIMEI THA JUKAMATI 14:27

Sateichii ahnyiinii gongtang wosek-kii, Charsh hang go lat ndwi wosii, Saraanii ahnyiigo kaswisii tiikapyii tha hang mah ninado lui kakimei hang dakii mpounii kama- lum mah takam laatpyii takle katu tei ahnyiinii ahnyii dakii tampyii takle.

TIILAMLWI KAPYIIMEI THA JUKAMATI 17:25

sateichii mpoumah tang kalak leisii meinah bahpiinii mpou nga kanga gale, kadapokii mpounii mahlyiihang go karing, chyiingai ninado mahlyii hang pyiile.

ROMMEI 11:20

Teitei kasangle, ahnyii tei malum kasu jangpii tuiga takle, nlenii nangnii gomah kamalum paito sat leile, teipiinii detdi tusulo, nlenii hinglo;

IPISAMEI 5:5

Gonyiinii ai tigat tolo, katunii kashyii kahong tha katiimei, matei kasu, mak-kii lukanyii... (kadapokii lukanyii ai tingtugo kariita hang- niniile) mei teinii Saraamah ninado Kristamah sagong sazyii kiteito njai dousang doulakle.

KOLOSIMEI 3:16

Kristamah samtam tei gonyii lung kito moisii leimatulo, swirek kabi hang kito hangninanii hangniniigo ralipyiilo sateichii dwisii tiimajyii tiimatui pyiilo, sateichii Saraago tam kamatoi lhii, Saraago kamata lhii ninado rangii lhii hang- teipii gonyiihang lung kito Saraago hakalang katam teipii lhii tei tiilo.

1 THESOLONIKAMEI 1:9

Nyiinii gonyiida kagong kak gonyiinii nyiigo kada takumpii lukaipyiipo, sateichii gonyiinii tingtugo matasii kalei kito, kasang ninado karing Saraago nga ngatang karam jangpii,

1 TIMOTHI 1:3

Inii Mesidoniya ki gongtang karam jangpii tat leibangpii, n-go tiilosii katam takumpii, Inii n-go Ipisas kito bam matunyiile, mei kangkanii teikito kasang kasu kanat kanhii ralipyiisii leile, teimei gotei ntak ailosii nang tamlo.

1 TIMOTHI 3:15

Nlenii Inii poi mathang tuleponii, Saraamah kikalung mpung kito kada kakum jairali tat tangpo katu nangnii tiwo kabui jangpii, Inii godakii sam hang ai ryii leile...ki kalung mpung teinii ringkalei Saraamah lat mpat kalu- mei, kasangmah ki kacheng ninado sakui ki teile.

1 TIMOTHI 4:10

Kadapokii aijangpii nyiinii kamagesii tha tiile sateichii ngam kabui tiisii mahung leile; kadaponii meihang jangpii routiisanii kamalum meimah keikapyii Bangpii tiisii kalei karing Saraa dakii nyiimah maning kamalum tei satto takle.

1 TIMOTHI 5:21

Meiju jusii kagu kaphang mah kado tiisupii, reipii samtak katii tei haisupii nangnii sam hang ai ryiikabui tiisii, Saraa doito, Krista Jisu doito, sateichii kalai kalumei hang doito Inii godakii pyii leile.

1 TIMOTHI 6:13

Mahlyii hang go karing pyiisii kalei Saraa sateichii Pontios Pailat doito mpoumah kamalum tei sang- tingsii tam ka-mpat Krista Jisu doito, Inii n-go kakhat leile.

1 TIMOTHI 6:9

Nlenii mahni kanyii- mei hangteinii kahem ki, mphee ki, kapang kamang hangki, sateichii meigo deng mashyii tang karam pumzai mah kamarei ka-ntha hang kitei takliitle, ai kakum ainii meinahgo tiikamaga ninado tiikakou kikii chyiikai matule.

2 TIMOTHI 4:10

Kadapokii Demasnii sazyii pouryii aigo lungkasyii kito n-gu toi aisii Thesolonika ki tat tutakle; Kresens- nii Galatiyaki tat tutakle, sateichii Taitasnii Dalmotiyaki tat tutakle.

TAITAS 2:12

Nyiinii Saraa maning kasu ninado sazyii pouryii mah kamarei ka-ntha tei haisupii, lungswi jum matwisii, kanat bisii, sateichii Saraa maningsii aitoimah sazyii pouryii aito lungtang karam jumage kapyii ainii nyiigo ralipyiisii leile.

TAITAS 3:6

Mpou mah jumage kapyii teipiinii tiimajyii tiimatui pyiisanii, kalui kaga karing doutanglesii nyiinii maning malumsii koikalei taiswisii nyiigo mahtou katoumei tiimatu tang karam jangpii,

2 PITAR 1:11

Kadapokii aitii- sanii nyiimah Bangpii ninado nyiigo keikapyiipii Jisu Kristamah kalui kaga sagong sazyiiki liit tang karam majyii tei gonyiigo pyiitangle.