1 TIMOTHI 5:10 - KARANU KABI SAMTAM

¹⁰ Sateichii mpoupeinii tha kabi hang jangpii zei katat katunii, mpoupeimah nahmeigo tiigatpii makot kamakhii, juti kasu saba- meigo pyiichii kaleimeigo tiikaha, sateichii mahlyii hang kito mpoupei roiniipii kabi tiitang karam jangpii lungswi pyiisii leileponii, mpoupeigo kamipwimei mah safii kitei haimatulo.

1 TIMOTHI 5:10 Iomraidhean Croise

METIU 25:17

Teitakumpii talent hangna doukalu kikaleipii teinii kaki talent hangna dou wotakle.

METIU 5:16

Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

LUKNII KARYII KABI RASAM JUKAMATI 7:38

Jisu pibang teito satsii, hatsii mpoupei mah mikdwi teipii Jisu pi tiimatum tutakle, sateichii mpoupeinii mpoupi tei matwumsii manam kabi thao teipii manuk kaipyii takle.

LUKNII KARYII KABI RASAM JUKAMATI 7:44

Sateichii mpounii sapwi mpei lam tei nryiigongsii Simon dakii tamle, “Nangnii sapwi mpei aigo ngou- makpo? Inii goki gongle, nangnii gopi jangpii dwi seimakle; nlenii sapwi mpei ainii mikdwipii gopi tiima- twumsii mpoupei taampii tiimathang pyiile.

TIILAMLWI KAPYIIMEI THA JUKAMATI 10:22

Sateichii ahnyiinii tamle, “Saryiimei mei hai phyiiryiito apum tiikaleipii Kornilius, kasang ninado Saraago kahing sateichii Jehudimei lui hangnii tam ka-mbipii dakii, mpou kikii n-go pang gong matutang karam jangpii ninado godato sampao tei shii tang karam jangpii kamatei sating gamluinii tampyii ralipyii takle.”

TIILAMLWI KAPYIIMEI THA JUKAMATI 22:12

“Sateichii teibam kito kalei Jehudimei hangnii kahi kalei, ajai tingshang taiswisii Saraago kama- lum mei Ananiyas sii lat kalei sapfiimei hangninanii guda gongsii,

TIILAMLWI KAPYIIMEI THA JUKAMATI 6:3

Teijangpii kangsanamei, rangii kamateipii ninado swirek kabi piinii tokryiisii kalei sapfiimei sana ai gonyii kak kito kalai wolo, sateichii nyiinii ahnyiigo tha ai phyiiryiikii bam kaipyii tangle.

TIILAMLWI KAPYIIMEI THA JUKAMATI 9:36

Sateichii Jopa kito zei Tabitha sii kalat, kadat mpat sek-kii Dorkas sii kalatpei sapwimei boumei mei hangninii bamle, sapwi mpei ainii taksupii tiikalei hangtei tha kabipii ninado lungsyii lungset kati piinii tokryiile.

TIILAMLWI KAPYIIMEI THA JUKAMATI 9:39

Teito Pitarnii tusat tosii ahnyiigo kaswisii tat tutakle. Sateichii mpounii teiki tei gongliit takle sek-kii, ahnyiinii mpougo ki shang kasagoipii kitei pangtu takle. Sateichii kamipwimei hangteinii hatsii hatsii, Dorkasnii ahnyiigo kaswisii lungkalei kak peijou ninado kaki kaki peimani sarui kapyii hangtei mangousii mpou dato sat takle.

ROMMEI 12:13

Kamateimei hang mah bitang karam jangpii pyiilo; siisang meigo nta ntasii lukeilo.

IPISAMEI 2:10

Kadapokii Saraanii reipii tiida kabam kabi tha hang kito nyiinii tat matutang karam jangpii, Krista Jisu dakii tii mpat kabam nyii ai mpoumah tha katiimei takle.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

1 TIMOTHI 2:10

Kanat kabi pwilesii tam kalei sapwimei jangpii ai ai tiimajyiile.

1 TIMOTHI 3:2

teijangpii doi kamajaang mei teinii zeigo kafii kaga sapwimei hangninii mah naa katii lung kasana, ah roinapii ahpum jum kati, ache adok katii, juti kasumeigo lukakai, meigo rali kabuimei tang karamle,

1 TIMOTHI 3:7

Mpounii nrou sangamsii seitan mah mphee kitei liit kasu tiisii, sabato kaleimei hangnii mpougo sadzyii ngariit tiisii kaleimei hangninii tang karamle.

1 TIMOTHI 5:16

Ka- malum sapwimei kata hangninii kilung kamipwimei lei leponii, mpoupeinii ahnyiigo tiiha matulo, sa- teichii charshnii kasang kamipwimei hang go tiiha kabui tiisii, charsh go tiimaswi matu sulo.

1 TIMOTHI 5:25

Teitakumpii tha kabi hangtei ngoule, sateichii mangou mak kido kabaipeiwo lakle.

1 TIMOTHI 6:18

Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo;

2 TIMOTHI 1:5

Godato kalei kasang kamalum tei Inii maning gongle, kamalum jaitiikasu ai kareiki gopei Luis ninado gopwi Unish dateito leile, sateichii aitoinii teitei godado leitakle katu Inii malumle.

2 TIMOTHI 2:21

Teijangpii mei kata kangkanii mpou roinapiinii mpougo kamala kito aihang tiimatei aitakle- ponii, mpounii maihungsii kajum tiimatei kalei ki apumpiinii jumtang karam jangpii kabi, sateichii tha kabi hang jangpiinii tiida kabam koklat hangninii tiitangle.

2 TIMOTHI 3:15

Sateichii Krista Jisugo kamalum kito keikapyii karing kiteikii pang kagong n-go swirek kabi pyii kabui kamatei kabi rasam hangtei tiina kaleidouto nangnii titakle katu nangnii maning ziile.

2 TIMOTHI 3:17

Madhii pyiitang karam jangpii kama gotei n-gitang karam jangpii, tiimajyii pyiitang karam jangpii, sateichii kasang kamajyii tiilung lungtang karam mah kaang kito tiiralipyii tang karam jangpii ai bile.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

TAITAS 2:7

Mahlyiihang kito goroinapii n-go tha kabi jangpii nda tiisii mangoulo.

TAITAS 3:1

Ahnyiinii apum katiimei satei- chii teimaham kajum mei kang nkang matu tang karam, katam swimatu tang karam, sateichii kabi tha tiitang karam jangpii tiida kabui tiisii,

TAITAS 3:14

Sateichii nyiimah mei hang teinii tikasu tiimatulak tang karam jangpii, pat kalak liit kalak kito tiiha tang karam jangpii kabi tha katii kiteikii nyiihang mah tinglang tei pyiirali matulo.

TAITAS 3:8

Tam kalei ai kasangle, Saraago kamalum mei teinii kabi tha tiitang karam jangpii, ahnyiimah tinglang tei ahnyii roinapii jumatou kabui tiisii nangnii tiigatpii kaang aihang ai tam kapyii Inii mareile, aihang ai meihang jangpii bi kabui ninado liipat doukabui mareile.

HEBRUMEI 10:24

Hangninanii hangniniigo tiihasii lungkasyii mangou tang karam ninado kabi tha tiitang karam jangpii, hangninanii hangninii jang- pii maningde.

HEBRUMEI 13:2

Juti kasumeigo lung- kasyii mangoutang karam tei mangai sulo, kadapokii aitiisii mei kangkanii tisang tisupii sating gamlui hang go lukai takle.

HEBRUMEI 13:21

Kamajungmah Saraa teinii Jisu Krista paikito mpou mikjot kito dzyii karanga tei nyii lung kito tiipyiisii, mpoumah kamaning kamazhii tiitang karam jangpii kabi tha hang kito gonyiigo tiimatui tiimashangpyii matulo; ahgo kalui tiisupii tam kamatoi tei matulo, Amen.

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

1 PITAR 4:9

Tiikarou gasii hangninanii hangniniigo pyiichii pyiisakti sii kalungsyiilo.

3 JON 1:12

Meihangnii sateichii kasang sek teinii Deumitrios mah sakchyii pyiitakle, Iniido mpougo sakchyii pyiileile, sateichii gumah sakchyii ai kasangle katu nangnii tile.