1 TIMOTHI 4:7 - KARANU KABI SAMTAM

⁷ Nlenii tam kakadak, Saraa haikasu meinahnii likalu kakadak rasam ki teito mpaa wolo. Nang goroinapii Saraago kama- ning kiteito tiiralilo,

1 TIMOTHI 4:7 Iomraidhean Croise

TIILAMLWI KAPYIIMEI THA JUKAMATI 24:16

Tei- jangpii Inii tinglang kaleita Saraa doitodo mei doitodo lung mateisii mbam tang karam jangpii tiile.

1 TIMOTHI 1:4

Meinahnii likalu rasam sateichii meilui lung kapat apeipaomei mah zei kathang hangtei rat toi ailosii tamlo; kadapokii ai kakum hang aipiinii kamalum kito kalei Saraamah nga ngamatu supii kisiipou koikamoi tei pat matule.

1 TIMOTHI 1:9

Nlenii ajaitingshang ai mei jangpii tiimakle, nlenii ajaitingshang tiika- pakmei sateichii katam swikasumei, Saraago tikasumei, kem kamamei, matei kasumei, sateichii tiikama- hongmei jangpii, pwi pfiigo kagimei, meigo kagi kabamei,

1 TIMOTHI 2:10

Kanat kabi pwilesii tam kalei sapwimei jangpii ai ai tiimajyiile.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

1 TIMOTHI 4:8

kadapokii pumzaimah tiikarali teinii cheng- niikii jangpii roinii mai bamle, nlenii Saraago kamaning teinii aitoi jangpii sateichii gong tang karam mah ringtang karam riishii jumsii kalei jangpiinii mahlyiihang jangpii maiteengle.

1 TIMOTHI 6:11

Nlenii Saraamah mei, gojang- piinanii aihang ki aito pakgalo; sateichii kasang kamajyii, Saraa kamaning, kamalum, lungkasyii, lung leh kati, ninado lung kamanoi kiteikii mik leenglo.

1 TIMOTHI 6:20

He Timothi, tiilosii godakii pyii kabam tei ryii wolo, mei kangkanii “Swirek kati” lesii lat kalei kiteito kapat Saraa haikasu sam katam kamalhii hang kito sateichii kaka- daksam kazyiisii kalei hang kiteito mpaa wolo.

1 TIMOTHI 6:3

Mei kata kangkanii kataam dormo mah karaligo sateichii nyii Bangpii Jisu Krista mah kasang samtam gotei mazhii supii kaki ka- tham ralipyiisii leileponii,

1 TIMOTHI 6:5

sateichii swikaga sateichii kasang kagamei dato tak supii kazyii katu hang ai pung gongle. Dormo ai mahni tang karam pwidilesii ahnyiinii maningle.

2 TIMOTHI 2:16

Saraa dato meigo kisii kisii chyiitai katu kakadak ninado kapang ka- mang mah sam karashii katu kiteito mpaa wolo.

2 TIMOTHI 2:23

Nlenii kapang kamang ninado tikasu ngoukasu sam kajyii katu teipiinii n-gi razyii tii-mpatle katu tei tisii teiki teito nlek wole.

2 TIMOTHI 3:12

Krista Jisu dato Saraa kamaning tiilung lung kanyiimei hang gotei kaset kalak pyiisii tiikamage tangle,

2 TIMOTHI 3:5

Saraago kamaning jai kapoi, nlenii teimah teimahamgo mazhii kasu, tei kakum meihang dateito nlek wolo.

2 TIMOTHI 4:4

Ahnyiinii kasang sam shiitang karam kiteito mpaasii tat nrek tutangle sateichii meinahnii likalu kakadak rasam hang kiteikii ahnyiinii lung maswitangle.

TAITAS 1:14

Kamalum kiteito sang- ting kabui tiisii, ahnyiigo tiigatpii n-gipyiilo.

TAITAS 2:12

Nyiinii Saraa maning kasu ninado sazyii pouryii mah kamarei ka-ntha tei haisupii, lungswi jum matwisii, kanat bisii, sateichii Saraa maningsii aitoimah sazyii pouryii aito lungtang karam jumage kapyii ainii nyiigo ralipyiisii leile.

TAITAS 3:9

Nlenii ka- mang sam kajyii katu, meilui meiha lungpat saroisam katam, n-girazyii katii, sateichii ajaiting- shang mah kaang kito ka n-gi katu, aihang kito nlek wolo; kadapokii aihang ai liipat gale ninado kadakle.

HEBRUMEI 5:14

Nlenii chiitak katei teinii “Tiikamadhii paikito kabi kashyii tikabui kangam,” katingmei jangpiile.