1 TIMOTHI 4:6 - KARANU KABI SAMTAM

⁶ Nangnii sam hang ai kang- sanamei lung kikii kaipyii leponii, nangnii kamalum samtam hangteipii sateichii nangnii swikalei kabi karali hang teipiinii n-go tiisangting pyiisii, nang Krista Jisumah kabi kikaleimei hangninii tiitangle.

1 TIMOTHI 4:6 Iomraidhean Croise

METIU 13:52

Teito mpounii ahnyii dakii tamle, “Teijangpiinii sating gam sazyii jangpii ralikapyii doukalu ajaitingshang kati ojamei hangteinii mpoumah poi ka-ndwi ki shang kiteito pot kasatai ninado kaham poi mpatsii kalei ki apumpii hangninii takumle.”

LUKNII KARYII KABI RASAM JUKAMATI 1:3

Teipiinii teimaham kadipii, pat kaleihang ai Inii karei reisang kito ti kalu taiswisii, Inii gojangpii adoidoi tiisii ryiikapyii ai bitanglesii ma- ningle.

TIILAMLWI KAPYIIMEI THA JUKAMATI 1:15

Sateichii leimik teihang kak kiteito, Pitarnii kangsanamei sumto tusat tosii tamle, (ndwi kalu meihang tei mei haisii makaikii kakumle.)

TIILAMLWI KAPYIIMEI THA JUKAMATI 20:31

Teijang teipiinii tingkum hangtum katang tei Inii tinghum tingna mikdwi patsii meihang go ralikapyii matou makle katu tei gonyiinii maning wosii sakai wolo.

TIILAMLWI KAPYIIMEI THA JUKAMATI 20:35

Mahlyii hang kito Inii gonyiigo tiimangou pyiitakle, katunii, tha teisii katii aipiinii nyiinii kasuimeigo tiiha tang karamle, Bangpii Jisunii tam kabam mpoumah samtam hang gotei maningsii, ‘Kadou sung kapyii teinii kisii sadoi bile.’ ”

ROMMEI 15:15

Nlenii lui kakimeihang dakii Inii Krista Jisumah nga kangamei tiitang karam jangpii Saraanii gudakii pyii kabam jumage kapyii tei kaang kiteito, gonyiigo maningloi matu katu takumpii, Inii gonyii dakii akaang chingniikii pyiiryiikii lung- disii ryii bamle.

1 KORENMEI 4:17

Teijangpii Bangpii zei kito gumah lungkasyii ninado katam kaswi gunah sapfii mpou Timothigo gonyii dakii Inii lang magong leile. Bamlyiihang kito, Charsh hang kito, Inii ralikapyii takumpii, Jisu Krista dato kalei gumah jaitingshang hang tei mpounii gonyiigo tam maningloi pyiitangle.

2 KORENMEI 11:23

Ahnyii Krista ki kaleimeipo? Inii swibi kasumei hangninii takumpii tamsii leile. Nlenii Inii ahnyii sung bikaki kikaleimei hangniniile! Inii kisii teisii tha tiikile, Inii kabangki nlai nlailoisii liitle, Inii kisii tingrang kadat tei doule, sateichii nlai nlai loisii taitang karam kanatei Inii doule.

2 KORENMEI 3:6

Sat tang karam karanu samtam mah nga kangamei tiitang karam tiikamajyii tei mpounii nyiigo pyiile, ainii ryii kabam ajaitingshang tei- makle, nlenii rangii mahle. Kadapokii ryiikabam ajaitingsang teinii katai tei poigongle, nlenii rangiinii karing tei pyiile.

2 KORENMEI 6:4

Nlenii kamage, kalak kanhii ninado sadoi kashyii hang kito, leh kati teipii, nyiinii katii kapung hang kito nyii ai Saraa nga kangameile katu tei nyiinii ma- ngoule.

IPISAMEI 6:21

Sateichii gonyiiniido I-kada takumpiinii leipo katu titang karam jangpii, Bangpii zei kito malum kabui tha katii ninado kamanang lungkasyii Taichikasnii gonyii dakii matum madum tam matipyii tangle.

PILIPIMEI 2:20

Kadapokii gonyii- mah kaang kito majyiisii jumatui seitang karam, mpou takumpii mei kaki hangninii kado I-gale.

PILIPIMEI 2:22

Nlenii Timothimah kasang tei gonyiinii tile, katunii, nahnii Pfiigo nga kanga takumpiinii, mpounii n-gu kaswisii kabi rasam tam ralikapyii kito kaswisii nga nga njoipyii takle.

PILIPIMEI 3:16

Nlenii kata kado, aitoi katang nyiinii swipi kalu njoi katu ajaihang taiswisii nyiinii doilam tatde.

KOLOSIMEI 2:19

sateichii apum mah aphyii kasat tiisii kalei Krista gamkii jum kabam tei matou aitakle, pum hang ai Krista kangto chiitak doule sateichii mpoumah ashaang shaang ninado abiit-biit hangteipii jum njabamle, sateichii teitei Saraanii mimatu kanyii taiswisii dileile.

KOLOSIMEI 3:16

Kristamah samtam tei gonyii lung kito moisii leimatulo, swirek kabi hang kito hangninanii hangniniigo ralipyiilo sateichii dwisii tiimajyii tiimatui pyiilo, sateichii Saraago tam kamatoi lhii, Saraago kamata lhii ninado rangii lhii hang- teipii gonyiihang lung kito Saraago hakalang katam teipii lhii tei tiilo.

KOLOSIMEI 4:7

Abangpiimah tha kito malum kabui tha tiisii kalei sateichii kaswisii kikaleimei hangninii tiisii kalei, lungkasyii nyii sanapii Taichi- kasnii gumah nha hangtei gonyii dakii tam mangou tangle.

1 THESOLONIKAMEI 3:2

sateichii kamage kalak ainii mei kata hangninii godo tii nlai matu kasu tiisii, gonyiimah kamalum mah kaang kito tiisangting pyii matu katu sateichii gonyiigo tiiha matu tang karam jangpii nyii kangsanapii sateichii Kristamah kabi rasam katam kito Saraa tha tiisii kalei Timothigo lang magong leile;

1 TIMOTHI 1:10

Kashyii kahong tha katiimei, mei tiikasu kashyii tha katiimei, meipwi mei- nahgo karagamei, chuisii kasang kasu sakchyii kapyiimei mak-kii kasang kabi ralikapyii kito mazhii kasu tha katiimei jangpii ajaiting- shang ai tiibamle, katu ai mangailak tang karamle.

1 TIMOTHI 4:16

Goroinapii n-go julo sateichii gomah karali gotei julo. Aihang ai taksupii tiisii leilo, dapokii nangnii tiisii leileponii, nangnii goroinapii n-godo sateichii gosam shii kalumei godo keipyii tangle.

1 TIMOTHI 6:3

Mei kata kangkanii kataam dormo mah karaligo sateichii nyii Bangpii Jisu Krista mah kasang samtam gotei mazhii supii kaki ka- tham ralipyiisii leileponii,

2 TIMOTHI 1:6

Kaang aijangpii gubah poikai kapyii jangpii godato kalei Saraamah luha tei nangnii mi kashong takumpii shong matutang karam jangpii Inii n-go tam maning leile.

2 TIMOTHI 3:10

Nlenii gumah ralikapyii, gu jairali sateichii Gutiilung kito Inii mikleeng kalei gumah kamalum, gulung lum kati, gu mah lungkasyii, gumah lung leh kati;

2 TIMOTHI 4:3

kadaponii kabi ralikapyii gotei meinahnii shii kalak tinglang gongtangle, nlenii ahnyii pumzai mah kamarei ka-nta hang teitei switangle sateichii ahnyiinii shiinyiisii khoi mataksii kalei sam tei ahnyiigo tampyii tang karam ma- dhiikapyiimei gotei ahnyiinii ahnyii jangpii kisii kisii poi nkomtu tangle.

TAITAS 2:1

Nlenii gojangpiinii, kabi rali- kapyii jangpii kabi tei ralipyiilo.

1 PITAR 2:2

nahmei karanumei takumpii, tinglang kaleita kamatei rangiimah nadwi gotei mangwilo; dapokii tei sak kalu teipii gonyiinii dikakhii thang kakhii ninado keikapyii karing doukido malahle.

2 JON 1:9

Mei kata hangninanii Kristamah karali gotei kaswisii leikasu, nlenii teigo majusii tat kalei teinii Saraago doumakle. Kristamah karali kito kaleimei hang teinii Pfii godo, nah sapfii mpou godo doule.

JUD DATO KAGONG CHITI JUKAMATI 1:5

Aitoinii gonyiinii aihang ai tikado, Saraanii Isrelmeinah go Izip sazyii kito keipyii takpokii, tei taito malum kasumei hang go kada takumpii tiimaga aipo katu Inii gonyiigo maningloi matunyiile.