1 TIMOTHI 3:16 - KARANU KABI SAMTAM

¹⁶ Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

1 TIMOTHI 3:16 Iomraidhean Croise

METIU 1:23

“Julo, ralhiipei kamatei pei teinii moi mpungsii, nah sapfiimei hangninii lung tangle, sateichii ah- nyiinii mpou zei tei Immanual lattangle” (teimah kaangnii, “Saraanii nyiigo kaswileile”).

METIU 13:11

Sateichii mpounii ahnyiigo khekalatle, “Sating gam sazyii mah kamakum samtei timatu tang karam jangpii gonyii dakii pyiibam takle, nlenii ahnyii dakiinii pyiimakle.

METIU 28:2

Sateichii julo, hangkapiinii malyii chyii takle, kadapokii Bangpii mah sating gamlui hangninii teinii sating gamto humsii kuitu tei koktoi aitakle sateichii tei phyiiryiito bam wotakle.

METIU 3:16

Sateichii Jisunii dwi mpum kaleitai, mpounii dwi kito pat takle, sateichii ‘Julo, sating gam laat takle sateichii Saraa mah rangii teinii mahou takumpii humsii mpou phyiiryii hum vakapyii tei mpounii ngoutakle,

METIU 4:11

Teito seitan teinii mpougo toi aitakle, sateichii julo, sating gamlui- hangnii humsii mpougo tiihale.

MARK 1:13

Teiki teito mpougo zangrekdai-nii Seitan nii hemsii bamle sateichii ranam kounahgo kaswisii bamle, nlenii sating gam rangiinii humsii mpougo kaswi pyiile.

MARK 16:19

Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

MARK 16:5

Sateichii ahnyiinii rou lungtei tat kaliit kak, peira kaha bakalei sapfiimei karanumei hang- ninii ajiilam teito bam kalei tei ngou wosii ahnyii hangkapii sung gatakle.

LUKNII KARYII KABI RASAM JUKAMATI 2:32

Nangnii lui kakimei hang dakii gomah kamaning kamarei tei mangoutang karam jangpii, kava hangninii sateichii Gomei Isrelmei lui mah pumtei kava tei tiipyiile.”

LUKNII KARYII KABI RASAM JUKAMATI 20:44

Devit nii mpougo Bangpii sii latle; teitii lepochiinii kada takumpiinii mpou ai Devit nah tangpo?”

LUKNII KARYII KABI RASAM JUKAMATI 22:43

Sateichii mpougo teimaham kaikapyii sating gamto Sating gamlui hangninii mpougo mangoule.

LUKNII KARYII KABI RASAM JUKAMATI 24:4

Sateichii ahnyiinii teijangpii sung gasii sat leibangpii, julo, pei hakamating basii mei hangna binasek-kii ahnyiida gong sat takle.

LUKNII KARYII KABI RASAM JUKAMATI 24:51

Sateichii mpounii ah- nyiigo satoi pyii leibangpii, mpounii ahnyii dato n-nou aisii, mpougo sating gam pangkhiitu takle.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 13:3

tingkhii malot poileibangpii Jisunii, Pfiinii mpou bah kikii kalei kaga pyii aitakle ninado mpounii Saraa dato gongle ninado Saraada tat tutang takle katu tei tiwosanii,

JONNII KARYII KABI RASAM JUKAMATI 15:26

“Nlenii Pfii dato lang magong tang karam tiikahapii tei; katunii Pfii dato kagong kasang mah rangii teinii kagong tinglang kak; ahnii gumah kaang kito sakchyii pyii tangle;

JONNII KARYII KABI RASAM JUKAMATI 16:28

Inii Pfii dato gongle sateichii Inii sazyii pouryii aiki gong takle, nlailoisii Inii sazyii pouryii ai toi aisii Pfiida tat tutang takle.”

JONNII KARYII KABI RASAM JUKAMATI 17:5

Sateichii Pfii-o, sazyii pouryii tii mpat kasuniito n-gu kaswisii leikatu gumah pumtei kava teipiinii godoito aitoi n-gu pumtei kava tei pyiilo.

JONNII KARYII KABI RASAM JUKAMATI 20:12

sa- teichii Jisu mah pumrong kaikabam nitei peimani kaha kaikalei sating gamlui hangna, hangninanii phyii- bunglam pang ninado hangninanii pilam pangto bam kalei tei mpou- peinii ngoutakle.

JONNII KARYII KABI RASAM JUKAMATI 6:62

Teitiileponii meinah sapfii mpou teinii nubam kitei khii katu gonyiinii ngouleponii, kadale tang?

TIILAMLWI KAPYIIMEI THA JUKAMATI 1:19

Sateichii Jerosalem kito kaleimei hangnii teitei tigong takle; teijangpiinii lubam tei ahnyii latpiinii ‘AKEDAMA’ katunii zai mah lubam sii latle.

TIILAMLWI KAPYIIMEI THA JUKAMATI 10:34

Teito Pitarnii mwi kokgasii tamle, “Kasangpii Inii titakle, Saraa- nii meiju kabi kashyii jumakle,

TIILAMLWI KAPYIIMEI THA JUKAMATI 14:27

Sateichii ahnyiinii gongtang wosek-kii, Charsh hang go lat ndwi wosii, Saraanii ahnyiigo kaswisii tiikapyii tha hang mah ninado lui kakimei hang dakii mpounii kama- lum mah takam laatpyii takle katu tei ahnyiinii ahnyii dakii tampyii takle.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

ROMMEI 10:12

Kadapokii Jehudimei nei Grikmei kak taam kaki samah kado gale; kadaponii kalei kaga mah Bangpii tei hangniniile, sateichii mpounii mpougo kalat hang go mpoumah kani kahii tei mangou pyiile.

ROMMEI 10:18

Nlenii Inii n-nhiile, ahnyiinii shiitak makpo? Nle, kasangpii shiitakle; kadapokii “Ahnyiimah roktei sazyii hangki gong tang wotakle, sateichii ahnyiimah samtam tei sazyii pouryii nlai katang tei gongtangwo takle.”

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

ROMMEI 16:26

Tingkum tinglang katangkii ka- makum sam tei kabaisii kai kabam tei aitoinii matimangou pyii takle, sateichii Saraamah lungkakalingmei mah ryiikabam paikito kalui kaga Saraamah kakhatsam taiswisii luihang dakii kamalum mah katam switang karam jangpii mati mangoupyii takle.

ROMMEI 3:4

Teisang teimakle, meihangnii kachuitu kado Saraanii kasang tei tangle, ryii kabam aitakumpii: “Gosam tam kito n-go tiimajyiipyii wokabui jangpii, sateichii n-go samtak katii ngam wokabui jangpii.”

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

ROMMEI 9:5

Ahnyii teinii Hebrumei peipao dato lung humle, sateichii meinah hangninii tiisii Krista tei, ahnyii mah atat areng kitole, kalei kaga hang pyiiryiito apum tiikalei Saraago tei kalui gasii tam matoi matulo. Amen.

1 KORENMEI 15:47

Karei Adam tei, buineipii katii, sazyii rangrhii kitole; hangna kashang Adam teinii sating gam tole,

1 KORENMEI 2:7

Nlenii sazyii pou- ryiihang tii-mpat kasuniito Saraanii nyiimah pumtei kava jangpii ndouto reipii tiida kabam kamakum satei- chii kabai kabam Saraamah swirek kabi tei nyiinii tam mpat leile.

2 KORENMEI 1:19

Kadapokii Silvanasnii, Timothinii sateichii Inii gonyii kak kikii tam rali kapyii Saraa nah sapfii mpou Jisu Krista, teinii “nle” katu sateichii “makle” katupii tei makle; nlenii mpounii Saraa mah “nle” katupii teile.

GALATIMEI 2:8

kadaponii tiigyii malem kaleimeimah tiilamlwi kapyiimei tha kito Pitar jangpiinii tiikapyii ah teinii Jehudimei kasu luikakimei hang dakii n-gudo tiipyii takle;

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

IPISAMEI 1:9

Saraanii tii- tanglesii kamaning tei mpounii sat kalu tiitang karam kamakum kamaning tei nyii dakii matipyiile.

IPISAMEI 6:19

Sateichii kabi rasam mah kathok kamakum tei Inii tamsii timatu wokabui jangpii, sateichii Inii tam tang karam jangpii gu mwi kokga kapat tinglang kak, tam tang karam samtei Saraanii n-gu pyii kabui tiisii gujangpiiniido riita khangpyiilo.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

KOLOSIMEI 1:6

Saraamah jumage kapyiimah kaang kito gonyiinii karei reisang ki shiiwosii teigotei tigong kalu sekpii gonyii kak kito pat kalei takumpii, kabi rasam teinii satoi tei taksupii punghumsii sazyii pouryii bamlyii kikii jai nhasii bamle.

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

2 THESOLONIKAMEI 2:7

Kadaponii kama- kum kathokmah kashyii kahong teinii aitoido tha tiisii leitakle; nlenii aitoi namsii kalei ahgotei pwidi kiteito poitoi kasuta teinii dang tangle.

1 TIMOTHI 3:9

Ahnyiimah kamalum mah kamakum kathok samtei ahnyiinii kabi kashyii tikabui kamatei lungswi teipii jum tang karamle.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

HEBRUMEI 7:7

Satoi pyiisii kaleipii teinii satoi kadoupii sung kisii dile katu ai mah kado maning kariirhii katu gale.

HEBRUMEI 8:1

Nyiinii tam kalei sam aikito kaang hangteinii aile: sating gam pumtei kava kadi mah sagongbam mah ajiilapangto kabam,

1 PITAR 1:12

Lungkaka- lingmeinii saa mpat kalei kabi rasam hangtei ahnyii roinii jangpii kabi tei roisupii, gonyii hang jangpiile katu tei Saraanii lungkakalingmei dakii mati mangoupyii takle. Ahnyiinii katam tei kabi rasam katam mei teinii gonyii dakii aitoi mati mangoupyii takle. Ahnyiinii kabi rasam tam kalei kitei, sating gamto Saraanii m-mang kapyii rangii kamatei teinii ahnyiigo kaswipyiile, sateichii aihang ai rangii kamatei katangniido tinyiisii kalei teile.

1 PITAR 1:20

Sazyii pouryii tii mpat kasunato Saraanii mpougo kalaiwo takle, nlenii kalui tinglang kinii gonyii jangpii mangoupyiile.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

1 JON 1:2

Sateichii karing tei mangou takle, sateichii nyiinii teitei ngoutakle teijangpii nyiinii teimah kaang kito sakchyii tiisii sateichii Pfiigo kaswisii kalei ninado nyii dakii mati kapyii kalui kaga karingmah kaang kito nyiinii gonyii dakii saa mpat leile.

1 JON 3:5

Sateichii kem hang poitoipyii tang karam jangpii mpounii gongle, sateichii mpouda kem gasangle gale katu gonyiinii tile.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

MATIMANGOU KAPYII 17:5

Sateichii mpoumah saiphang gamkii kabai kabam kamakum sam: “Kadi Bebilon, saha kahamei mah ninado sazyii pouryiimah ngou kasaba hangmah pwi,” sii ryii kabam zei aileile.

MATIMANGOU KAPYII 17:7

Nlenii sating gamlui teinii n-gu tamle, “Kadajangpiinii nang sung galeipo? Inii godakii sapwi mpeimah ninado ahgo pungkalei saramkow ninado, phyiibung sana kha kearii kapung- mah kabai kabam kamakum samtei tampyiine.

MATIMANGOU KAPYII 7:9

Aitaito Inii ngoutakle, sateichii julo, mei kaniido meiphyii fiipei kalak, lui hang kito sadung, mei, ninado lat hang kito paijou kathang kaha nat kai kalei sateichii bah hang kiteikii kananhii poi kalei meimoi moisang sagongbam ninado Jaonah dateito satsii,