1 TIMOTHI 3:1 - KARANU KABI SAMTAM

¹ Tam kalei ai kasangle, katunii, meihangninanii charsh kito doimajang katatmei hangninii tiinyii leponii, ahnii tha kabi tei marei leile,

1 TIMOTHI 3:1 Iomraidhean Croise

LUKNII KARYII KABI RASAM JUKAMATI 15:10

Tei takumpiinii Inii gonyii dakii tam leile, Kem kama katiimei hangninanii lung kali kalu jangpii Saraa mah Sating gamlui hang doito ka-nta teile.”

TIILAMLWI KAPYIIMEI THA JUKAMATI 1:20

Kadaponii tam kamatoi lhii- bung kikii aitiisii ryiibamle, ‘Mpouki tei marong matulo; meikaniido teiki tei lungsu matulo;’ sateichii ‘mei kakimeinii mpou tung tha tei tiimatulo.’

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

ROMMEI 11:13

Aitoinii lui kakimei gonyii dakii Inii tam leile, kadapochiinii Inii lui kakimei mah tiilamlwi kapyiimei hangninii tiisii, Inii tiikalei gumah atha ai sadzyii ngariit tiile.

IPISAMEI 4:12

Kristamah pumtei tiimakhii kabui tiisii, Saraamah meihang teinii Kristenmei mah nga kanga tha tiitang karam jangpii tiikada matu tang karam jangpii, mpounii ai ai tiile.

PILIPIMEI 1:1

Krista Jisumah kikaleimei tiisii kalei Pol ninado Timothi dato, Charsh kito doimajang kapyiimei ninado tiikahamei hang go njasii Philipiya kito kalei Krista Jisu zei kito kamateimei hang dakii:

1 THESOLONIKAMEI 5:14

Sateichii kangsanamei, nyiinii gonyiigo tam katwi leile, kamahat meigo mahat sulosii tampyii ralipyiilo, rangii kasuimeigo lung tiimadi pyiilo, kasuimeigo tiihalo sateichii ahnyiihang dato lungleh tilo.

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

1 TIMOTHI 4:9

Tam kalei samtam ai matwisii lukai tang karam ninado malum tang karam jangpii kasangle.

2 TIMOTHI 2:11

Tam kalei sam ai malum wobuile. Nyiinii mpougo kaswisii tai aitakleponii, nyiinii mpougo kaswisii ringdo ring njoitangle.

TAITAS 1:7

Kadapokii charsh ki doimajang katatmeinii Saraamah mahbam kashangmei hangninii tiisii, mpounii tam mashyiipei kalak, ajaipalhii dikasu, mak-kii lung maring kasu, jou sak panhii kasu, mak-kii n-gi razyii kaga, mak-kii sanahgo lunyii kasumei hangninii tang karamle;

TAITAS 3:8

Tam kalei ai kasangle, Saraago kamalum mei teinii kabi tha tiitang karam jangpii, ahnyiimah tinglang tei ahnyii roinapii jumatou kabui tiisii nangnii tiigatpii kaang aihang ai tam kapyii Inii mareile, aihang ai meihang jangpii bi kabui ninado liipat doukabui mareile.

HEBRUMEI 12:15

Saraa mah jumage kati kiteito tai nlaitu kasu tiisii machyiigat wolo. Mei kado “kakaabang” hangninii tiisii pokpat ahmah hiikara teipiinii kaki hang- kiigo tiimashyii katu takum matu sulo.

1 PITAR 2:25

Kada- pokii gonyiinii Jaonah takumpii maga aisii tat tutakle, nlenii aitoinii Jaokakoipii ninado gonyii rangiigo jukapyiipii Kristada gonyiinii nlai gong takle.

1 PITAR 4:15

Nlenii gonyii mei kaniido meigo kagimei mak-kii, kara- gamei, mak-kii kama tha katiimei, mak-kii mei kakimeimah samki hai katimei katii jangpiinii kamage kalak tei punglak tang karamle.

1 PITAR 5:2

Tiirou tiirousii katii teipii supiinii, tiinyii tiinyiisii katii teipii sateichii seh sanahgo lunyii supii lung liitsii, gonyii kak kito kalei Saraamah Jaokoi gotei jumatou pyiilo;