1 TIMOTHI 2:8 - KARANU KABI SAMTAM

⁸ Teipiinii sapfiimeinii rakarhii sateichii n-gi tei gasii bah kamatei tei poimatusii bamlyii hang kito kariita tei Inii mareile.

1 TIMOTHI 2:8 Iomraidhean Croise

METIU 21:21

Jisunii ahnyiigo khekalatle, “Inii gonyii dakii kasangpii tam leile, gonyiinii malum leponii sateichii maning riirhii suleponii, kadhiitbang gamkii Inii tiikabam ai gonyiinii tiikabui roisupiinii ai zang ai katang godo. ‘Nang gungtusii dwijai lungkii goroinapii toikai ailo’ sii tamleponii, teitei tiitangle.

METIU 5:44

Nlenii Inii gonyii dakii tamleile, gonyiinii sating gamto kalei gonyii Pfiimah nahmei tei tiitang karam jangpii ngoukaroumeigo lung- syiilo, sateichii gonyiigo tiimaset tiimalaksii kaleimei jangpiinii riita pyiilo,

METIU 6:12

sateichii nyiiniido nyiidakii kama katiimeigo kaleikapyii takumpii, nyiinii tiikama hangtei kaleipyiilo.

LUKNII KARYII KABI RASAM JUKAMATI 23:34

Teito Jisunii tamle, “He pfii-o! ahnyiigo maga pyiilo; kadapochiinii ahnyiinii kadapei tiiziipo katu tei ahnyiinii timakle.” Sateichii ahnyii kak kito doi kabi tei kajusii, ahnyii kakto mpou mah peimani tei njaitu takle.

LUKNII KARYII KABI RASAM JUKAMATI 24:50

Sateichii mpounii ahnyiigo Be- tani ku katang tei chyiipat pyiisanii, mpoubah poi matusii ahnyiigo satoi pyiitakle.

JONNII KARYII KABI RASAM JUKAMATI 4:21

Jisunii mpoupei dakii tamle, “Sapwi mpei n-gu malumlo, Pfii gotei zang ai gamto ninado Jerosalem kitodo gonyiinii matalak tang karam tinglang tei gongtangle.

TIILAMLWI KAPYIIMEI THA JUKAMATI 10:2

Mpou ai Saraa go kamalum mei hangniniile sateichii mpouki kalungmei matum madum Saraa go matale, mpounii kangmeigo hangkapii tiihasii tak- supii Saraago matasii bam leile.

TIILAMLWI KAPYIIMEI THA JUKAMATI 10:31

‘Kornilius,’ gomah kariita tei shiipyii takle sateichii nangnii meigo lungsyii lungset kati hangtei Saraa doito mangai supii maningsii bamle.

TIILAMLWI KAPYIIMEI THA JUKAMATI 10:4

Teito mpounii mik karangsii hingsii tamle, “Kadapeipo, Bangpii.” Teito Ahnii mpou dakii tamle, “Gomah kariita ninado nangnii meigo lungsyii lungset kati hangtei Saraa doito mangai supii maningsii bamtang karam jangpii sating gam pitakle.

TIILAMLWI KAPYIIMEI THA JUKAMATI 21:5

Sateichii leimik tei sang sekkii aitiisii pat takle, nyiinii tat n-nou wosii nyii tiibui pwidi tei tat tutakle, sateichii ahnyii-noumei ninado ahnyii nah meihang kaswisii nyiigo namdi ki kajang katang tei kapoupyii takle, sateichii dwijaiku teito kok kumsii riitasanii nyii hangninanii hangni- niigo n-nou tang karam sam tam takle;

TIILAMLWI KAPYIIMEI THA JUKAMATI 7:60

Sateichii mpounii kok kumsii lat sagoisii riitale, “Bangpii, ahnyii phyiiryiikii kem ai kaipyii seisulo.” Teito sam ai tamsii mpounii majutu takle.

1 KORENMEI 1:2

katunii kamateimei tiisii lat kalu, Krista Jisu dato tiimatei kalei ahnyii dakii sateichii nyii Bangpii, ahnyii mahdo nyii mahdo tiisii kalei Jisu Krista zeigo bamlyii hang kito matasii kaleimei hang dakii mati leile:

1 KORENMEI 7:7

meihangnii gu takum matu katu Inii mareile, nlenii mei nsang nsang- nii mpou mpou mah luha tei Saraa dato doutakle, mei hangninanii luha hangninii sateichii kaki hangninanii luha kaki hangninii doutakle.

2 KORENMEI 2:14

Nlenii Saraago halangle! Kada- pokii Kristago kaswisii hangninii tiisii nja kalu kito Kristamah saryii ngam kalu mah pareng beekatu kitei maringpouchyiimei takumpii nyiigo Saraanii pangsang pangtat pyiile. Kristamah swirek kabi tei manam kabi keirum takumpiinii bamlyii hang kikii jai nha tang karam jangpii Saraanii nyiigo poisii tha tiipyiile.

PILIPIMEI 1:12

Kangsanamei, guphyiiryiito pat kalei hangteinii kabi rasam tei kasangpii kisii bisii timatu tang karam jangpii pat takle katu tei Inii gonyiigo matinyiile.

1 THESOLONIKAMEI 1:8

Kadapokii Bangpiimah kaang kito kabi rasam tei gonyii dato Mesido- niya ninado Akaiya ki roinii kahi- makle, nlenii Saraa dakii gonyiimah kamalum mah nha tei bamlyii hangki shiigong takle, teipiinii nyiimah hangninii kado tam tang karam kabi tei gale.

1 TIMOTHI 5:14

Teipiinii nyiigo ngou karoumeinii nyiigo tam mashyii tang karam jangpii bam pyii kasu tiisii, pumzai lamto karanu kamipwimei hangteinii kalakna katii, athiinaa kalung, sateichii ahnyii ki kalung mpung go ju kamatou tei Inii mareile.

TAITAS 3:8

Tam kalei ai kasangle, Saraago kamalum mei teinii kabi tha tiitang karam jangpii, ahnyiimah tinglang tei ahnyii roinapii jumatou kabui tiisii nangnii tiigatpii kaang aihang ai tam kapyii Inii mareile, aihang ai meihang jangpii bi kabui ninado liipat doukabui mareile.

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

JEMS 4:8

Saraada manang liitlo, teito mpounii gonyiida manangliit pyii tangle. Gonyii bah tiimatei ailo, gonyii kem kama mei, sateichii gonyii lung tiimatei ailo, gonyii lungswi hangna kapungmei!

1 PITAR 3:7

Tei takumpii gonyii naamei, gonyii noumei ai kisii kasui pumle katu tei tiigatpii tikasei tei njasii gonyii noumeigo kaswisii lung tang karamle. Ahnyiigo sadzyii ngariit tii- sii jupyiilo, dapokii gonyiigo kaswisii, ahnyiiniido Saraanii matapii kapyii kalui kaga karing tiilung tei doutangle. Gonyiimah kariita hang kito mah kado doidang matulak tang karam jangpii ai ai tiilo.