1 TIMOTHI 2:5 - KARANU KABI SAMTAM

⁵ Kadapokii Saraa hangninii leile sateichii Saraa ninado meinahgo poigong nja kapyii hangniniido leile;

1 TIMOTHI 2:5 Iomraidhean Croise

METIU 1:1

Devit ninado Abraham nah sapfii mpou Jisu Kristamah adoidoi tiisii lungkahum Pfiitat mah larek.

METIU 1:23

“Julo, ralhiipei kamatei pei teinii moi mpungsii, nah sapfiimei hangninii lung tangle, sateichii ah- nyiinii mpou zei tei Immanual lattangle” (teimah kaangnii, “Saraanii nyiigo kaswileile”).

LUKNII KARYII KABI RASAM JUKAMATI 14:22

Kikaleipii teinii tamle, ‘Bangpii, gomah kakhatsam taiswisii tiitakle, nlenii teitii kido, aitoido-rei bam bamle.’

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

TIILAMLWI KAPYIIMEI THA JUKAMATI 4:12

Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”

ROMMEI 1:3

Nah sapfii mpou teinii Devit mah atat areng kito lungle;

ROMMEI 10:12

Kadapokii Jehudimei nei Grikmei kak taam kaki samah kado gale; kadaponii kalei kaga mah Bangpii tei hangniniile, sateichii mpounii mpougo kalat hang go mpoumah kani kahii tei mangou pyiile.

1 KORENMEI 8:4

Teijangpiinii tingtu dakii pyiitoi kalei chiitakgo kachii mah kaang kitonii, “Tingtuparam teinii kasang karing tei gale,” sateichii “hangninii tei roisupiinii Saraa kaki gale katu nyiinii tile.”

1 KORENMEI 8:6

nyiijangpiinii Saraa hangninii, katunii, Apfii tei leile; mpou dato mahlyii hang patle, sateichii nyiinii mpou jangpii ring leile, sateichii Bangpii hangninii katunii, Jisu Krista tei leile; mpou paikito mahlyiihangdo nyiihangdo ring leile.

GALATIMEI 3:20

Aitoinii akakto katat hangninii teinii matikapyii tei hangninii sung kile, nlenii Saraanii hangniniile.

IPISAMEI 4:6

mahlyiihang kito tha tiisii kalei, mahlyii hang mah Bangpii, meilui kalung hang mah Pfii sateichii Saraa hangninii leile.

1 TIMOTHI 6:13

Mahlyii hang go karing pyiisii kalei Saraa sateichii Pontios Pailat doito mpoumah kamalum tei sang- tingsii tam ka-mpat Krista Jisu doito, Inii n-go kakhat leile.

HEBRUMEI 12:24

sat tang karam karanu samtam tiida kapyii Jisuda, ninado Abel mah zai sung kisii kabi pyiitangle sii tamsii kalei kajui kakai zai datei gonyiinii manang gong wotakle.

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

HEBRUMEI 8:6

Nlenii ai- toinii Jisunii Saraa ninado mpoumah meihang kak kiteikii sat tang karam samtam hangninii tiida kapyii tei bibwi katu takumpii, ahnyiimah sung kisii bikaki kanat kajum atingmei tha tei mpou dakii pyiibam takle. Kadapokii ai ai kisii kabi riishii hang phyiiryiito tiibamle.

HEBRUMEI 9:15

Teijangpii Saraanii lat kalumeihang teinii riishii tiikabam kalui kaga satoi hangtei doumatu tang karam jangpiinii sat tang karam karanu samtam kak kiteito kamajung tha tiisii kalei ai Kristale, sazyii pouryiimei hangnii sat tang karam karei samtam kangto tiikabam kama kito matapii laat mpat kapyii taikapyii hangninii kalei taiswisii ai ai tiiwo buile.

1 JON 2:1

Gunahmei, gonyiinii kem tiikasu tiisii Inii ai ai gonyii dakii ryii leile; nlenii mei kata hangninanii kem tiileponii, Pfii doito nyii jangpii satsii sam tampyii tang karam, kasang kamajyii Jisu Krista leile.

MATIMANGOU KAPYII 1:13

Sateichii thaomi kadungpii sana kak kiteito meinah sapfii mpougo karai, njou kathang pi rot katang kai kalei, ninado mpoumah takou kiteikii sona mah haikak kak kalei hangniniigo ngoutakle.