1 TIMOTHI 1:5 - KARANU KABI SAMTAM

⁵ Pyii kalei mwija aimah kaangnii lung kamatei kito kabi kasang kamajyii tikabui lungswi kito, ninado kasangpii kamalum kito kagong lungkasyii tei tiimakhii tang karam jangpiile.

1 TIMOTHI 1:5 Iomraidhean Croise

METIU 12:35

Kabi meinii poi ndwi kabam kiteito kabi tei poi mpatle, sateichii kashyii meinii poi ndwi kabam kiteito kashyii tei poi mpatle.

METIU 5:8

“Lung kamateimei tei sadoi bile, kadapokii ahnyiinii Saraago ngoutangle!

TIILAMLWI KAPYIIMEI THA JUKAMATI 15:9

Sateichii kamalum mah paikito ahnyii lung tiimatei pyiisanii, mpounii nyii nei ahnyii ai samah kado tam kaki ai mbam makle.

TIILAMLWI KAPYIIMEI THA JUKAMATI 23:1

Teito Polnii samtak katii katingmeigo ju kalingsii tamle, “Kangsanamei! Inii tingnei katangpii Saraa doito lung mateisii lungpi leile.”

TIILAMLWI KAPYIIMEI THA JUKAMATI 24:16

Tei- jangpii Inii tinglang kaleita Saraa doitodo mei doitodo lung mateisii mbam tang karam jangpii tiile.

ROMMEI 10:4

Kadapo- chiinii Kristanii kamalum mei hang go tiimajyii pyiitang karam ajai- tingshang mah kalui teile.

ROMMEI 12:9

Lungkasyii tei matwisii kasang tang karamle, kashyii gotei nraanglo, kabi tei tiigatpii jumlo;

ROMMEI 14:15

Kadaponii nangnii kachii pot teipiinii gosanapiigo rajam matu leponii, nangnii lungkasyii kiteito tat sutakle, Kristanii mpoutung tiisii taipyii kalei ahgo, gomah kachii kasak pot teipiinii tiimaga aisulo.

ROMMEI 9:1

Inii Krista zeikito kasang tei tam leile. I-choimakle; kabi kashyii tikabui gulung teinii n-gu rangii kamatei zeikito sakchyii tiileile.

1 KORENMEI 13:1

Inii meinah mah sateichii sating gamlui hang mah lat katham katham tambuisii lei kido malahle, nlenii Inii lungkasyii tei gu dato galeponii, I-ai sagyiikoi kapat mak-kii lak kalei pung hangninii takumle.

2 KORENMEI 1:12

Kadapokii det tiikalei teinii aile; kabi kashyii tikabui nyii lungswi mah sakchyii, katunii, sazyii pouryii aito nyiinii tiilung lung kamatwi sateichii arou tiisii nyiinii gonyiigo ahai areng kabam kito, Saraanii pyiikabam kamatei ninado kasamsang teipii apum tiile, sazyii pouryiimei mah swirek kabi teipiinii makle; nlenii Saraamah jumage kapyii teipiiniile.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

1 TIMOTHI 1:18

Gunah Timothi, gumah kaang kito Saraa sam katam meinii sung kareiki tam kabam samkang hang taiswisii, kakhatsam ai Inii godakii pyii leile. Nangnii bisii saryii tiikabui tiisii kabi kashyii titang karam lung- swi tei (teimah samkang hangtei) beitui tiisii jumlo.

1 TIMOTHI 1:19

Sateichii gumah kamalum ninado kamatei lungswi titang karam lungswi tei leilo. Mei kangkanii ahnyiimah kabi kashyii titang karam lungswi gotei shii supii ahnyii mah kamalum tei tiimaga aitakle.

1 TIMOTHI 3:9

Ahnyiimah kamalum mah kamakum kathok samtei ahnyiinii kabi kashyii tikabui kamatei lungswi teipii jum tang karamle.

2 TIMOTHI 1:3

Gupei gupaomeinii tiikalei takumpii Inii lung mateisii nga ngakalei Saraago Inii halangle. Gumah kariita hangkito Inii n-go taksupii tinghum tingna maning kagong kak Inii mpougo halangle.

2 TIMOTHI 1:5

Godato kalei kasang kamalum tei Inii maning gongle, kamalum jaitiikasu ai kareiki gopei Luis ninado gopwi Unish dateito leile, sateichii aitoinii teitei godado leitakle katu Inii malumle.

2 TIMOTHI 2:22

Teijangpiinii rahang ralhii mah marai majang hang kiteito nlek wole, kamatei lung- swi kiteito Abangpiigo kalatmeigo kaswisii kasang kamajyii lungkasyii sateichii kamajung teitei swilo.

TAITAS 1:15

Kamateimei datonii mahlyiihang ai mateile; nlenii tiimahong kalei ninado malum kasu ahnyii datonii samah kado kamatei tei gale; dapokii ahnyii swi ninado kabi kashyii tikabui ahnyii mah lungswi teido tiimahong aitakle.

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

HEBRUMEI 13:18

Nyii jangpii riitaseilo, kada- pokii mahlyii hang kito kasang tei tiinyiisii kalei, kabi kashyii tikabui lungswi kamatei tei nyiida leile katu nyiinii malumle.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

JEMS 4:8

Saraada manang liitlo, teito mpounii gonyiida manangliit pyii tangle. Gonyii bah tiimatei ailo, gonyii kem kama mei, sateichii gonyii lung tiimatei ailo, gonyii lungswi hangna kapungmei!

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

1 PITAR 3:16

Krista dato gonyiimah jairali kabi gotei tam kamashyii meinii gonyii phyiiryiikii tam mashyiisii katam kiteito ahnyiinii nrouwo kabui tiisii, gonyii lungswi tei mateisii mbamlo.

1 PITAR 3:21

Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.

1 PITAR 4:8

Mahlyiihang phyii- ryiito gonyii hangninanii hangni- niigo kalungsyii katu kito lung liitlo; kadapokii lungkasyii teipiinii kem hangkii gomtwum pyiile.

2 PITAR 1:7

Gonyiimah Saraa kamaning ki- teikii asanamei takumpii kakukabi, sateichii gonyiimah asanamei ta- kumpii kaku kabi kiteikii lungkasyii tei kai mpam kalu tiilo.

1 JON 3:10

Saraamah nahmei tei tatapo, sateichii seitanmah nahmei tei tatapo katu aipii ngou wobuile: Kasang tiikasumei ninado mpou sanapiigo lungsyii kasu mei tei Saraa dato makle.

1 JON 3:23

Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.

1 JON 3:3

Sateichii mpougo maning kamalum meihangnii, mpounii kamatei takumpii mpou roinapii mpougo tiimateile.