1 TIMOTHI 1:2 - KARANU KABI SAMTAM

² Kamalum kito Gunah sapfii mpou Timothi dakii: Pfii Saraa ninado nyii Bangpii Jisu Kristanii jumage kapyii ninado kamajung tei pyii matulo.

1 TIMOTHI 1:2 Iomraidhean Croise

ROMMEI 1:7

Rom kito kalei, Saraanii lung- kasyii meihang kamateimei tiimatu tang karam jangpii lat kalumei hang go nyii Pfii Saraa sateichii Bangpii Jisu Kristanii jumage kapyii Sateichii kamajung tei gonyiigo pyii matulo.

GALATIMEI 1:3

Nyii Pfii Saraa ninado Bangpii Jisu Krista dato jumage kapyii ninado kamajung tei gonyii dato leimatulo.

1 THESOLONIKAMEI 3:2

sateichii kamage kalak ainii mei kata hangninii godo tii nlai matu kasu tiisii, gonyiimah kamalum mah kaang kito tiisangting pyii matu katu sateichii gonyiigo tiiha matu tang karam jangpii nyii kangsanapii sateichii Kristamah kabi rasam katam kito Saraa tha tiisii kalei Timothigo lang magong leile;

1 TIMOTHI 1:12

N-gu tiisangting kapyii nyii Bangpii Krista Jisugo Inii halangle, dapokii nga ngamatu tang karam jangpii mpounii n-gu kalaipyiisii malum kabuimei hangninii tiipyii takle.

1 TIMOTHI 1:18

Gunah Timothi, gumah kaang kito Saraa sam katam meinii sung kareiki tam kabam samkang hang taiswisii, kakhatsam ai Inii godakii pyii leile. Nangnii bisii saryii tiikabui tiisii kabi kashyii titang karam lung- swi tei (teimah samkang hangtei) beitui tiisii jumlo.

1 TIMOTHI 6:20

He Timothi, tiilosii godakii pyii kabam tei ryii wolo, mei kangkanii “Swirek kati” lesii lat kalei kiteito kapat Saraa haikasu sam katam kamalhii hang kito sateichii kaka- daksam kazyiisii kalei hang kiteito mpaa wolo.

2 TIMOTHI 1:2

Lungkasyii gunah sapfii mpou Timothi dakii, nyii pfii Saraa sateichii nyii Bangpii Krista Jisunii n-go jumage kapyii, lungsyii kati sateichii kamajung tei pyii matulo.

2 TIMOTHI 2:1

Teijangpii gunah sapfii mpou Krista Jisu dato kalei jumage kapyii kiteito nang sangtingsii bamlo.

TAITAS 1:4

Kamalum njoi katu kito kasang gunah sapfii mpou Taitas dakii: Pfii Saraa ninado nyiigo keikapyii Bangpii Krista Jisunii jumage kapyii ninado kamajung tei n-go pyii matulo.

TAITAS 2:2

Kamalum kito, lungkasyii kito, sateichii lung leh kati kito sangting wokabui tiisii lung manoilo, nrou sangam tilo, sateichii mpouroinapii mpou pum jum matui tilo, katupii sapfiimei katingmeigo tam ralipyiilo.

TAITAS 3:15

N-gu kaswisii kalei meihangnii n-go salam pyii leile. Kamalum kito nyiigo lungkasyii meigo nyiimah salam tei pyiilo. Saraamah jumage kapyii tei gonyii hang go kaswipyii matulo.

1 PITAR 1:2

Apfii Saraamah kama- ning kamarei ninado reipiinii tikalei taiswisii gonyiigo kalai wotakle, sateichii mpoumah rangii teipii gonyiigo kamateimei hangninii tiipyii takle; Jisu Kristanii katam swisii mpoumah zai teipiinii tiima- teipyii matu tang karam jangpii: Jumage kapyii ninado kamajung tei gonyii dato moibui matulo.

2 JON 1:3

Pfii Saraa dato sateichii Pfii Saraa nah sapfii mpou Jisu Krista dato, kasang kito, ninado lungkasyii kito, jumage kapyii kito, lungsyii kati kito, ninado kamajung tei nyiigo kaswipyii tangle.

3 JON 1:4

Gunahmeinii kasang kito tat leile katu shii katu aidoito Inii kisii ka-nta tei gale.

JUD DATO KAGONG CHITI JUKAMATI 1:2

Lungset kati, kamajung ninado lungkasyii tei gonyii dato moibui matulo.