1 TIMOTHI 1:1 - KARANU KABI SAMTAM

¹ Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

1 TIMOTHI 1:1 Iomraidhean Croise

LUKNII KARYII KABI RASAM JUKAMATI 1:47

Sateichii n-gu Keikapyiipii Saraa dato gu rangiinii ntale,

LUKNII KARYII KABI RASAM JUKAMATI 2:11

Kadapochiinii tingnei leimik Devit namdi kiteito gonyiigo Keikapyiipii Bangpii Krista tei manaa takle.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

ROMMEI 1:1

Jisu Krista ki kalaipii, tiilamlwi kapyiimei hangninii tiisii lat kalu, Saraa mah kabi rasam jangpii kalaikalu Polnii,

1 KORENMEI 1:1

Saraamah kamaning kamarei paikito Jisu Krista mah tiilamlwi kapyiimei hangninii tiisii lat kalu Polnii sateichii nyii sanapii Sostenesnii Koren kito kalei charsh dakii,

1 KORENMEI 9:17

Kadapokii gumah kamaning kamareipii Inii ai tiile- ponii, gumah alangh bamle, nlenii gumah kamaning kamarei teipii suleponii, gudakii mahbam kajumei mah tha tei lok kaipyii bam takle.

2 KORENMEI 1:1

I-Pol, Saraanii kamaning kamarei kito Krista Jisu mah Tiilamlwi kapyiimei hangninii tiisii kalei sateichii nyii kangsanapii Timothi dato, Koren kito Saraanii lat mpat kalumei sateichii Akaiya sazyii lungto kalei kamalum meihang dakii:

GALATIMEI 1:1

Meinah dato kasu, meinah mah paikitodo kasu, nlenii Jisu Krista sateichii mpougo katai kito tiimaring kapyii Pfii Saraamah paikito Tiilamlwi kapyiimei hangninii tiisii kalei Polnii,

GALATIMEI 1:11

Kangsanamei, Inii gonyiigo mati leile, katunii Inii gonyiigo tam ralikapyii kabi rasam teinii meinah mah makle,

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

2 THESOLONIKAMEI 2:16

Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,

1 TIMOTHI 1:12

N-gu tiisangting kapyii nyii Bangpii Krista Jisugo Inii halangle, dapokii nga ngamatu tang karam jangpii mpounii n-gu kalaipyiisii malum kabuimei hangninii tiipyii takle.

1 TIMOTHI 2:3

Meihang go keipyii kanyii sateichii kasang gotei timatu kanyii,

1 TIMOTHI 2:7

teijangpii lui kakimeimah kabi rasam katam mei ninado tiilamlwi kapyiimei hangninii tiisii kamalum ninado kasangmah sam tam matu tang karam jangpii n-gu kalaiwo takle. I-chuimakle, I-kasang tei tam leile!

1 TIMOTHI 4:10

Kadapokii aijangpii nyiinii kamagesii tha tiile sateichii ngam kabui tiisii mahung leile; kadaponii meihang jangpii routiisanii kamalum meimah keikapyii Bangpii tiisii kalei karing Saraa dakii nyiimah maning kamalum tei satto takle.

TAITAS 1:3

ai toinii ajhii kabi tinglang kiteito, mpounii tiilosii gudakii pyiikabam kabi rasam teipii Saraanii mpoumah tiimatu kanyii kaang tei nyiigo mati mangoupyii takle. Ai ai Inii nyiigo keikapyii Saraamah mwija teipii saa mpat leile.

TAITAS 2:10

mak-kii ahnyii dato mah raga supii, tinglang kaleita kasang kabi ninado malum kabui tha tei ahnyiinii tiimangou tang karamle.

TAITAS 2:13

Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

TAITAS 3:4

Nlenii nyiigo keikapyiipii Bangpii Saraamah lung- syii kapyii ninado meigo lungkasyii tei gongpyii sek-kii,

TAITAS 3:6

Mpou mah jumage kapyii teipiinii tiimajyii tiimatui pyiisanii, kalui kaga karing doutanglesii nyiinii maning malumsii koikalei taiswisii nyiigo mahtou katoumei tiimatu tang karam jangpii,

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

1 JON 4:14

Sateichii Pfiinii nah sapfii mpou gotei sazyii pouryiimah keikapyiipii tiisii lang m-mangpyii takle katu nyiinii ngoutakle sateichii sakchyii pyii leile.

JUD DATO KAGONG CHITI JUKAMATI 1:25

Nyii Bangpii Jisu Krista zei kito hangniniisang hangninii roinii kalei Saraa, nyiigo keikapyiipii dakii pumtei kava, magong kalei kadi kathang, apum katii, ninado teimaham kajum tei ndou karei tinglang hang kito, aitoi ninado kalui kaga tei matulo, Amen.