1 PITAR 4:2 - KARANU KABI SAMTAM

² teipiinii gonyiinii gonyiimah mashak kalei tiilung tei sazyii pouryiimah kamarei ka-ntha taiswisii lungkai supii, Saraanii kamaning kamazhii tai- swisii lung tang karamle.

1 PITAR 4:2 Iomraidhean Croise

METIU 12:50

Kadapokiisating gamto kalei gu pfiinii kamaning kamazhii katiimei hangtei gu sanamei, gu taipwimei ninado gu pwile.”

METIU 20:4

Teito mpounii ahnyii dakii tamle, ‘gonyiido maasii darkha toipyiilu kito tha tiitulo, sateichii pyii kamajyii tei Inii gonyiigo pyii tangle’ sii tam takle; teipiinii ahnyiinii tat tutakle.

METIU 21:31

Hangna kak ki aito tapiinii mpou pfiimah kamaning kamazhii tei tiipo?” Ahnyiinii tamle, “Katingpii teiniile.” Jisunii ahnyii dakii tamle, “Inii gonyii dakii kasangpii tam leile, Aha kahamei ninado sahapwimei teinii gonyii doi reisii Saraa mah sating sazyiiki tat leile.

METIU 7:21

“N-gu Bangpii, Bangpii sii kalat mei hangteinii sating gam sazyiiki liit lakle, nlenii sating gamto kalei gu pfiinii kamaning kamazhii tiisii kalei mei teinii liit tangle.

MARK 3:35

Dapokii Sa- raanii kamaning kamazhii tiisii kalei meihang tei gusanameile ninado gutaipwi meile ninado gu pwile.”

MARK 7:21

Kadapokii meinah lung, mei mah malungki teito, kashyii swi ai patsii kashyii tha hang; katu- nii, kashyii kahong tha katii, karaga, meigo kagi,

JONNII KARYII KABI RASAM JUKAMATI 1:13

ahnyii teinii zai mah kito, mak-kii pumzai mah kito mak-kii meinah mah kamaning kamazhii kito manaamakle, nlenii Saraa datole.

JONNII KARYII KABI RASAM JUKAMATI 7:17

Mei kata hangni- nanii mpoumah kamaning kamazhii tei tiinyii leponii, ralikapyii ai Saraa dato manii, mak-kii gumah teima- ham kito tam leipo katu aimah kaang kito ahnii titangle.

ROMMEI 12:2

Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

ROMMEI 14:7

Kadaponii nyii meikado mpou roinii jangpii ringmakle, sateichii mei kado mpou roinii jangpii taimakle.

ROMMEI 6:11

Teijangpiinii gonyiido gonyii roinapiinii kem lamto taitakle, nlenii Saraa lamto Krista Jisu dato ring leilesii maning tang karamle.

ROMMEI 6:2

Teisang teimakle! Kem lamto taikalei nyiinii teikito kisii thaangsii kada takumpiinii lungwo tangpo?

ROMMEI 7:4

Tei takumpiinii he kangsanamei, Gonyiinii kaki hangninii mah, katunii katai kito ringkhii kalu Ahmah tiitang karam jangpii, gonyiido Krista mah apum paito Ajaitingshang lamtuito tai takle, ai ai nyiinii Saraa dato ati-matitang karam jangpiiniile.

2 KORENMEI 5:15

Sateichii ringkalei mei- hangnii ahnyii jangpiinii ringloi supiinii, ahnyii jangpii taisii ringkhii kapyii ah jangpiinii ringtang karam jangpii, mpounii meihang jangpii taipyii takle.

IPISAMEI 2:3

Ai kak kito nyiihang ai tinglang hangninii kinii apum ninado lungswinii kamareitai tei swisii nyii pumnii kamaning kamarei kito lungsii leile. Teijangpii meinah lui kakimei takumpiinii, nyii ai nunuto Saraanii rakarhii mah nahmeile.

IPISAMEI 4:17

Teijangpii Bangpii zei kito Inii gonyiigo kakhatsii tam leile; luikakimeinii kakadak lungswi hang kito lungkalei takumpii gonyii lungsii bamloi sulo.

IPISAMEI 5:17

Teijangpii gonyiinii kapangmei tiisulo, nlenii Bangpiimah kamaning kamarei tei kadapeipo katu tilo.

IPISAMEI 6:6

Meimah dzyii kabi katiimei takumpiinii mik kangoumah nga kanga tei tiisupiinii, Kristamah kikaleimei takumpii lungto Saraamah kamaning tei tiipyiilo.

KOLOSIMEI 1:9

Kaang aijangpii nyiinii gonyii kaang kito shii kalu piinei sekpii, gonyiinii rangiimah swirek kabi ninado swikati hang kito mpoumah kamaning kamarei tei swirek kati teipiinii tokryiipyii matutang karam jangpii nyiinii gonyii jangpii Saraa dato kariita tei takmakle.

KOLOSIMEI 3:3

Kadapokii gonyiinii taitakle, sateichii Kristago kaswisii gonyiimah karing tei Saraa dakii kabaibamle.

KOLOSIMEI 4:12

Gonyiimei tiisii kalei, Krista Jisu kikalei Ipapronii gonyiigo salam pyii leile; Gonyiinii Saraamah kama- ning kamarei tiitang karam jangpii katam kaswi kito mishang kaleimei ninado tiigatpii malum kalu kris- tenmei tiisii, gonyiinii sangtingsii sat matutang karam jangpii Saraa dato khangsii mpounii gonyii jangpii tinglang kaleita riitasii bamle.

1 THESOLONIKAMEI 5:18

tinglang hang kito hakalang tei tamlo, kadapokii ai ai gonyii jangpii Krista Jisu dato Saraamah kamaning kamarei teile.

HEBRUMEI 13:21

Kamajungmah Saraa teinii Jisu Krista paikito mpou mikjot kito dzyii karanga tei nyii lung kito tiipyiisii, mpoumah kamaning kamazhii tiitang karam jangpii kabi tha hang kito gonyiigo tiimatui tiimashangpyii matulo; ahgo kalui tiisupii tam kamatoi tei matulo, Amen.

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

1 PITAR 1:14

Katam kaswi nahmei takumpii, gonyiinii tikasu tinglang kareiki pumzai mah kamaning ka- marei hangtei fiiloi supii,

1 PITAR 2:1

Teijangpii kachui, kabijai katii, meigo kamaimhii, kalet kalou katii lat, sateichii kashyii kahong kiteito gonyii roinapii gonyii mpaa wosii,

1 JON 2:17

Sazyii pouryiido sateichii sazyii pouryiimah kamarei ka-ntha hang teido gatule. Nlenii Saraamah kamaning kamazhii katiimei teinii kalui gasii taksupii ringleile.