1 PITAR 1:3 - KARANU KABI SAMTAM

³ Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

1 PITAR 1:3 Iomraidhean Croise

JONNII KARYII KABI RASAM JUKAMATI 1:13

ahnyii teinii zai mah kito, mak-kii pumzai mah kito mak-kii meinah mah kamaning kamazhii kito manaamakle, nlenii Saraa datole.

ROMMEI 12:12

gonyii mah maning kamalum kito rangalo, kamage kalak kito leh wolo; kariita kito taksulo.

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

ROMMEI 4:25

Jisu go nyii kem jangpii gitoi takle, sateichii nyiigo tiimajyii pyii tang karam jangpii tiimaring pyii takle.

ROMMEI 5:10

Nyiinii Saraago ngou karoumei tiisii leile, nlenii mpounah sapfii mpounii taikapyii paito mpounii nyiigo mpou kangmei tiipyiile. Aitoinii nyii ai mpou kangmei tiikalutai swisii, Kristanii taikapyii teipii kadaziika kisii nyiigo keipyii tangpo!

ROMMEI 8:11

Sateichii Jisugo katai kito tiimaring kapyii mpoumah rangii teinii gonyii dato leileponii, Krista Jisugo katai kito tiimaring kapyii mpou teinii gonyii dato kalei mah rangii paito gonyii mah taiga kabui pumhang godo karing tei pyii tangle.

ROMMEI 8:24

Kadaponii maning kamalum kito nyiigo keipyii takle. Aitoinii mikpii ngou kaleigo maning kamalum teinii maning kamalum su- takle, kadapokii Ahnii ngousii kalei gotei tanii malum leipo?

1 KORENMEI 13:13

Teijangpiinii maning kamalum sateichii lungkasyii ai taksupii leile; sateichii ai hangtum kak kito kadi disang teinii lungkasyii teile.

1 KORENMEI 15:20

Nlenii aitoinii taiga kaleimei ahnyii kak kito riiti karei tiisii Kris- tago kataimei kak kito tiimaringpyii takle.

2 KORENMEI 1:3

Nyii Bangpii Jisu Krista mah Saraado, Apfiido tiisii kalei, lungsyii kati mah Apfii sateichii tiikaha hang kapyii Saraa, Ah gotei tam matoile!

GALATIMEI 6:16

Ajai aipii tat kaleimei hang phyiiryii sateichii Saraamah Isrel dakii kamajung ninado lungsyii kapyii tei matulo.

IPISAMEI 1:17

Sateichii gonyiigo tiisakai pyii tang karam ninado gonyiinii mpougo tikabui jangpii, gonyii dakii Saraago mati mangoupyii tang karam, rangii tei gonyii dakii pyii matulosii, kangam Pfii, nyii Bangpii Jisu Krista dato Inii khangsii leile.

IPISAMEI 1:3

Nyii Bangpii Jisu Kristamah Saraa ninado pfii gotei tam matoileje! Kadapokii nyiinii Kristago nja kalu kito mpounii sating gam sazyii hang kito nyiigo rangiimah satoi pyiisii kalei teipii mpounii nyiigo satoi pyiibam takle.

IPISAMEI 1:7

Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo,

IPISAMEI 2:4

Nlenii Saraamah lungset kati teinii hangkapii nile, sateichii nyii jangpiinii mpoumah lungkasyii teinii hangkapiinii dile;

IPISAMEI 3:20

Aitoinii nyii lung kito tha tiisii kalei mpoumah teimaham teipiinii nyiinii kakhang mak-kii kamaning hang sungdo kisii moisii tikabui mpougo,

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

1 THESOLONIKAMEI 1:3

Kadapokii gonyiimah kamalum tei dakumpii poisii tha tiileipo, gonyii mah lungkasyii teinii dakumpii gonyiigo teisii tha tiimatupo, satei- chii nyii Bangpii Jisu Krista dakii gonyii maning kamalum tei daziikapiinii sangtingpo katu tei nyiinii maningle.

1 THESOLONIKAMEI 4:13

Nlenii kangsanamei, maning kamalum kaga kakimei takumpii gonyiinii lungswi kamagelak tang karam jangpii taikaleimeimah kaang kito gonyiinii tikasu tei nyiinii mareimakle,

2 THESOLONIKAMEI 2:16

Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,

1 TIMOTHI 1:14

Sateichii nyii Bangpiinii mpoumah jumage kapyii kamoi tei guphyii- ryiikii ruikaipyiile ninado Krista Jisugo nyiinii njasii hangninii tiikalu kito kamalum sateichii lungkasyii tei n-gu pyiitakle.

TAITAS 2:13

Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

1 PITAR 1:13

Teijangpii gonyiimah lungswi tei tiikada wolo, gonyii roinapii gonyii pumpotgo jum matwilo, sateichii Jisu Kristago kamangou kak, gonyiigo pyiitang karam satoi kiteikii roinii gonyiimah kamalum tei kai wolo.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

1 PITAR 1:23

Kadapokii gatuwo kabuimah lwirou kito supii, gatupeiwo kalakmah kito karing ninado Saraamah kalui kaga samtam paikito gonyiigo nlailoisii manaapyii takle.

1 PITAR 2:2

nahmei karanumei takumpii, tinglang kaleita kamatei rangiimah nadwi gotei mangwilo; dapokii tei sak kalu teipii gonyiinii dikakhii thang kakhii ninado keikapyii karing doukido malahle.

1 PITAR 3:15

Nlenii gonyii lung kito Krista ai Bangpiilesii sadzyii ngariit tiilo. Gonyii lung kito kalei maning kamalum mah kaang tei gonyii dato n-nhii katumei hang go kekhalatpyii tang karam jangpii tinglang kaleita tiikadasii leilo, nlenii lung kamanoi ninado sadzyii ngariit katii tei njasii tiilo.

1 PITAR 3:21

Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.

1 PITAR 3:5

Kadapokii tinglang kareiki Saraago kamalum sapwimei teinii ahnyii naamei kang nkangsii kalung teipii ahnyii roinapii ahnyiigo ngoukabi tei tiileile;

1 JON 2:29

Mpou ai kasang kamajyii teile katu gonyiinii tileponii, kasang tiisii kaleimei hang godo mpounii manaapyii takle katu gonyiinii tile.

1 JON 3:3

Sateichii mpougo maning kamalum meihangnii, mpounii kamatei takumpii mpou roinapii mpougo tiimateile.

1 JON 3:9

Saraa dato manaa kalumei hang- tei kem tiimakle. Dapokii Saraamah lwirou tei mpou dato taksupii leile, sateichii mpounii kem tiisii leiwo lakle. Dapokii ahnyii Saraa dato manaa takle.

1 JON 4:7

Lungkasyiimei, nyiinii hang- ninanii hangniniigo kalungsyiide, dapokii lungkasyii tei Saraa datole sateichii lungkasyiimei hang Saraa dato manaa takle, sateichii Saraago tile.

1 JON 5:1

Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

1 JON 5:18

Saraa dato manaa kalu meihangnii kem tiisii leimakle, kadapokii Saraanah sapfii mpou teinii ahgo tiigatpii jumatousii leile sateichii sara kashyii teinii ahgo tiimashyiipei wolakle katu nyiinii tile.

1 JON 5:4

Kadapokii Saraa dato manaa kalumei hang teinii sazyii pouryiigo ngamle sateichii sazyii pouryiigo jangsai tiikalu kangam tei aile, katunii, nyiimah kamalum teile.