1 JON 1:2 - KARANU KABI SAMTAM

² Sateichii karing tei mangou takle, sateichii nyiinii teitei ngoutakle teijangpii nyiinii teimah kaang kito sakchyii tiisii sateichii Pfiigo kaswisii kalei ninado nyii dakii mati kapyii kalui kaga karingmah kaang kito nyiinii gonyii dakii saa mpat leile.

1 JON 1:2 Iomraidhean Croise

JONNII KARYII KABI RASAM JUKAMATI 1:18

Saraago mei kaniido ngousang ngoumakle, Saraago njoisii kalei, Pfii dato kalei, nah sapfii mpou teinii mpougo mati mangou pyiile.

JONNII KARYII KABI RASAM JUKAMATI 1:4

Mpou dato karing tei leile, sateichii karing tei meinah mah kava teile.

JONNII KARYII KABI RASAM JUKAMATI 10:28

Inii ahnyii dakii kalui kaga karing tei pyiile, ahnyiinii madou kado gasang gatu- lakle sateichii mei kaniido ahnyiigo gubah kito numpoitu wolakle.

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 15:27

sateichii gonyii hangdo sakchyiile, dapodinchii saroisekto gonyiinii n-gu kaswisii leile.

JONNII KARYII KABI RASAM JUKAMATI 16:28

Inii Pfii dato gongle sateichii Inii sazyii pouryii aiki gong takle, nlailoisii Inii sazyii pouryii ai toi aisii Pfiida tat tutang takle.”

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

JONNII KARYII KABI RASAM JUKAMATI 17:5

Sateichii Pfii-o, sazyii pouryii tii mpat kasuniito n-gu kaswisii leikatu gumah pumtei kava teipiinii godoito aitoi n-gu pumtei kava tei pyiilo.

JONNII KARYII KABI RASAM JUKAMATI 19:35

Sateichii gonyiiniido malum matutang karam jangpii mikpiinii ngou kalu ah teinii sakchyii tei pyiitakle, sateichii ah mah sakchyii tei kasangle ninado ahnii kasang tam leile katu Mpounii tile.

JONNII KARYII KABI RASAM JUKAMATI 21:14

Jisunii kataimei kak kito ringkakhii tai boumei dakii mangou kapyii tei aipiinii hangtum kashangle.

JONNII KARYII KABI RASAM JUKAMATI 3:13

Sating gamto kahum meinah sapfii mpou tei supiinii, mei kaniido sating gam khiimakle.”

JONNII KARYII KABI RASAM JUKAMATI 7:29

Inii mpougo tile, dapokii Inii mpou datole, sateichii mpounii n-gu lang magongle.”

JONNII KARYII KABI RASAM JUKAMATI 8:38

Gu Pfiinii n-gu kama- ngou kaang hang kito Inii tam leile, sateichii gonyiiniido Pfii dato shiikalu hangtei tiile.”

TIILAMLWI KAPYIIMEI THA JUKAMATI 1:22

nyiigo kaswisii bangpii Jisunii tatpat tatliitsii tinglang kaleihang kito nyiigo kaswisii tat kaleimei sapfiimei kak kito mei hangninanii nyiigo kaswisii mpounii ring kakhii mah sakchyii tiitang karamle.”

TIILAMLWI KAPYIIMEI THA JUKAMATI 10:41

Meihang dakii makle, nlenii Saraanii reipii kalai kabam sakchyii mei hang dakiile katunii, mpounii kataimei kak kito ringkhii kalutai mpougo kaswisii chii njoi sak njoisii kaleimei dakiile.

TIILAMLWI KAPYIIMEI THA JUKAMATI 2:32

Jisu aigo Saraanii tiimaringpyii takle, tei kaang kito nyiihangnii sakchyii tii- ziile.

TIILAMLWI KAPYIIMEI THA JUKAMATI 3:15

Sateichii karing bangpiigo gi aitakle; mpougo Saraanii kataimei kak kito tiima- ringpyii takle, aikaang kito nyiihang- nii sakchyii tiileile.

TIILAMLWI KAPYIIMEI THA JUKAMATI 5:32

Sateichii nyiinii aisam hang mah sakchyii teile, sateichii Saraanii mpou sam kaswimei hang dakii pyii kabam rangii kamatei teiniido sakchyiile.”

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

2 TIMOTHI 1:10

Nlenii aitoinii nyiigo kei- kapyiipii Krista Jisunii hum kapyii teipiinii mangoupyii takle, Mpounii katai gotei tii maga aisii kabi rasam paito karing ninado nlaikasu katai kaga tei kava kikii pung gongpyii takle.

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

1 PITAR 5:1

Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile,

1 JON 1:1

Nukarei kito kabam, nyiinii shiikalu, nyii mikpiinii ngou kalu, nyiinii ngou wosii nyii bahpiinii dengkalu karingmah samkangmah kaang kito–

1 JON 2:25

Sateichii mpounii nyii dakii pyii tanglesii riishii tiikabam tei aile, katunii, kalui kaga karing teile.

1 JON 3:5

Sateichii kem hang poitoipyii tang karam jangpii mpounii gongle, sateichii mpouda kem gasangle gale katu gonyiinii tile.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

1 JON 4:14

Sateichii Pfiinii nah sapfii mpou gotei sazyii pouryiimah keikapyiipii tiisii lang m-mangpyii takle katu nyiinii ngoutakle sateichii sakchyii pyii leile.

1 JON 4:2

Aipiinii Saraamah rangii gotei gonyiinii tiwo buile: Jisu Kristanii pumzai pungsii gonglesii katam rangii hangtei Saraa datole;

1 JON 5:11

Sateichii sakchyii tei aile, katunii Saraanii nyii dakii kalui kaga karing tei pyiile, sateichii karing tei mpounah sapfii mpouda leile.

1 JON 5:13

Saraa nah sapfii mpou zei kito kamalum gonyii dato kalui kaga karing leile katu gonyiinii titang karam jangpii, Inii ai ai ryii leile.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.