Mateus 26:15 - Txa²wã¹sũ̱³na² Wãn³txa²

¹⁵ Nxe³sxã³ ĩ³ye³kxi²te³nah¹lxi¹: — Je³su²jah³la² ã³yũ³nx2ta¹kxai²nãn²tu̱³ ĩh¹nxe² ũ³yho³hi²sah¹lxi³hĩ̱³nxãn¹ji¹wi¹? Ta¹hxai²hẽ¹la². Nxũ²la² pra²ta²ki³a² ũ³yho³hi²ki³a² hxi²ka²hxan³sxã³ ha¹li¹ ha¹li¹ wxa²sa²wa²la³kxi²sxã³ nxe³ki³nãu³xa² 30 nxe³ki³a² ũ³yho³hi²nyhain¹ta¹hxai²hẽ¹la².

Mateus 26:15 Iomraidhean Croise

Mateus 10:4

Si³mãu²ah³lo²su² ha²kxai³ a²nxe³te²a² ã̱³lxi³sxã³ se³lo²ti³nũ̱³ka̱³txi³si²ta¹hxai²hẽ¹la². Jã¹nxe³sxã³ Ju³tas² Is³ka³ri³o²jah³lo²su² yxan¹nãu³u¹ta²kxai³ ko̱¹ko̱¹xa² hxi²ka²nãu³a¹ Je³su²jah³la² ã³yũ³ain¹jah¹lo²nũ³su² ha²kxai³ ta¹hxai²hẽ¹la².

Mateus 26:16

Nxe³hĩ¹nãn¹te²tu̱³ Ju³tas² Is³ka³ri³o²jah³lai²na² hi²sen³kxai³lu² Je³su²jah³la² ã³yũ³ain¹si¹jau³nũ³su² o²la³kxi²ta¹hxai²hẽ¹la².

1 Timoteo 3:3

Jã¹nxe³ju³kxai³lu² yain³jau³xa² ũ̱n³jau³xa² ĩ³na²sxã³ wen¹ki̱³sxa³ha²kxai³ txa²wã¹nũ̱³ka̱³txa² kwa² ã³nhe¹kxi²nyhu¹ki̱³sxa³ha²kxai³ nxe³hĩ̱³ki̱³tã³la². Te²yã¹nxe³sxã³ a²nũ²a² hãi¹nxe³ti³xa¹ wi¹lhin¹sxã³ ĩ²ha²kxai³ hãu²non³sxã³ yxau³ha²kxai³ yen³kxa² yxo²kwa̱in³nẽ³lxa³ha²kxai³ nxe³hĩ̱³ki̱³tã³la².

2 Petro 2:3

Jã¹nxe³jut3su² tũ̱¹ka̱³txai²li² ã³ke³tũ¹nx2tai¹nha²kxai³ kãin² yen³kxi³hain¹tu¹wa². Ko̱³nxe³ti³ kãi³ai¹nha²kxai³ yen³kxa² kãin² so¹sxã³ hãi³a² ũ³wha¹ain¹tu¹wa². Nxe³kxa² ha³ta̱³nxãn²txi³ nxe³hĩ¹nãn¹te²tu̱³ ko̱³nxe³ti³ ĩ³yĩ¹li²hain¹ju³ta² yũ³tu¹wa². Ĩ³yĩ¹li²hain¹jah¹la² ye³te³nxa² ĩ²ain¹tu¹wa². Ko̱³nxe³ti³ ĩ³yĩ¹li²hain¹ju³tan¹te²kxa³ya̱³lhu² kãin² khãuh³lxa³thin¹sxã³ yxau²xai³lain¹ju³ta³nũ³a² yũ³yah³lxi³tu¹wa².