Mateus 21:19 - Txa²wã¹sũ̱³na² Wãn³txa²

¹⁹ Nxe³ka³tu̱³ ai³tãu³ãn²tu̱³ hi³sa³ka³txa² fi²ko³nxẽ³kxa² ka̱x3ka³na³ka³nat3sxã³ ĩ²ta¹hxai²hẽ¹la². Yxau³son³tãu³ a²nxã̱³kxa² yũ²nxa³ki³su¹ a²nxã³nxa² so¹lxi³ yũ³kxi³sã¹ ĩ³ye³kxi²te³nah¹lxi¹: — Fi²ko²nxã³ki³nũ³a² yũ¹ti³he¹nxa³lho³li¹. Nxe²e³te³na¹ a²kwẽn¹tai²na¹ a²nxe²kxai²na² ĩ³ya³nat3sã³ya³lu²ta¹hxai²hẽ¹la².

Mateus 21:19 Iomraidhean Croise

Mateus 21:20

A²nxe³ju³kxai³lu² a²sa³wi³ha³lxi³nãu³xa² ĩ³wã̱³wã̱³txi³sxã³ ĩ³ye³kxain¹te³nah¹lxi¹: — Ĩh¹nxet3sa²kxai³ fi²ko²nxẽ³kxa² a²kwẽn¹tai²na¹ ĩ³ya³nat3sxã³ ya²lun¹jã¹nxẽn³ta²? Nyhain¹ta¹hxai²hẽ¹la².

Markos 11:14

Nxe³te³na¹ Je³su²jah³la² wãn³txi³kxai³lu¹ a²yain³txa²ka³tai²na² ĩ³ye³kxi²te³nah¹lxi¹: — Nxe³hĩ¹nãn¹te²tu̱³ wen¹nxã²nxa³lho³li¹. Nĩn¹ka³tu̱³ wxa²nxã̱³kxa³la³ a²nũ²la³ ĩ³yain³kxi¹ti³he¹nxẽ²nxai¹nx3tho³li¹. Nxe³ta¹hxai²hẽ¹la². Nxe³jau³xai²na² a²sa³wi³ha³lxi³nãu³xa² ain³kxi²khaix1ain¹ta¹hxai²hẽ¹la².

Markos 11:20

Ka³nxa³ha²ta³kxai³lu¹ ã³nxai³ain¹ka³tu̱³ yain³txa³ka³tai²na² sa²kxai³lu² ã³wa²tot1sxĩ²ain¹ta¹hxai²hẽ¹la². A²nxe³ka³ta² ĩ³ya³nat3sxã³ ya³lu²ju³tu¹tai²na² ĩ²ain¹ta¹hxai²hẽ¹la².

Joãu 15:2

Nxe³nxa²ha¹te¹, a²nũ̱³kxan²tu̱³ yain³txa³ki³a² ãn³ki³i²nxa³tũ̱³ka̱³txi³su² a²yxo²ha³kxan²tu̱³, Txa²wĩ³nai²na² ĩ³nũ̱³kxi²lho¹sxã³ ã³sxã³ ã³na¹te²ju²hẽ³li¹. Yxãn¹ta¹, a²nũ̱³kxa² yxo²ha³kxa¹ yain³txa³ki³a² ãn³ki³i²tũ̱³kxan²tu̱³, hãi¹nxe³sxã³ ũ³nhũ̱³we²kxi²te²ju²hẽ³li¹, ã²la² ka³lxa¹txi³ ã³ki³i²si¹jau³su².

Joãu 15:6

A²nũ²a² nxũ²kwa̱i³yxau³sai¹nxa³kxai²nãn²tu̱³, Txa²wĩ³na² hi²sen³kxai³lu² on³si¹hai¹nxa³jau³su² ĩ³ye³kxai¹nhĩ̱³nx2na³li¹. Wa³lu³la³nxũ̱³kxa² o³nxa³tũ̱³kxa² wxa²sa²ki³nũ²ki²sxã³ ha³nxe²a² sa²ya̱³ki̱³te²ju²hẽ³li¹. Jã¹nxe³kxe³hũ̱³nxe², Txa²wĩ³na² on³si¹hai¹nxa³jau³su² ĩ³ye³kxai¹nhĩ̱³nx2na³li¹.

2 Timoteo 3:5

Nxe³sxã³ Txa²wã¹sũ̱³na² wãn³txa² kwa² sa²yxo²we¹kxan²ti³ a²ẽ¹nãu³ai²na² Txa²wã¹sũ̱³na² nũ̱³kxũn³ju³ta² yxo²ĩ²ai¹nxa³wa². Nxe³jah¹lo²su² kxai²nãn²tu̱³ ã³sxã³ ã³waix3txai¹nhẽ³la².

Tito 1:16

A²nxe³jah¹la² Txa²wã¹sũ̱³na² yxo²ĩ²ki³lxo³nxe³hĩ̱³nx2na³la². Yxãn¹ta¹ o²la³kxi²ke³su² sa²yxo²ã³ai¹nhĩ̱³nx2na³la². Yxo²kwĩn¹kxi²ju³ta² so¹lxi³ o²la³kxi²hĩ̱³nx2na³la². A²ẽ¹nãu³ai²na² sa²kxai³lu² Txa²wã¹sũ̱³na² wãn³txa² sa²yxo²ã³i² nxai¹nhĩ̱³nx2na³la². Nxe³ha²kxai³ wi¹lo²la³ki²ju³ta² hxi²ka¹nai¹nhĩ̱³nx2nxa³wa². Nxe³te²ju²hẽ³la².

Jutas 1:12

A²nxe³tũ̱³ka̱³txai²na² ã³nũ²kxi¹nx2tain¹sxã³ ya̱³lxi²nyhu¹sxã³ yain³ki̱³ju³ta² yain³yah³lxin¹kxai²nãn²tu̱³ tũ̱¹ka̱³txai²li² hai³txi³ wain³txi³ yai³nai¹nxa³wa². Ko̱³nxe³thi¹nain¹kxan²ti³ yain³kxi²nyhu¹e¹nx2tain¹na³la². Yain³txi³yau³xa² ũ̱n³jau³xa² kãin² ĩ³na²ain¹te²ju²hẽ³la². A²yan³txi³nũ³khai³xa² so¹lxi³ wã²nxũ̱h¹ yen³kxi³sxã³ yxo²kwa̱i³no³nhyain¹te²ju²hẽ³la². Oh³sĩ̱³na² yã¹nxain¹na³la². Kãin² sĩ̱³nxuh¹lxi²kxan²ti³ hai³txi³ wẽ³ha²yau³la³ wẽ³hã¹te²sxa³yu²hẽ³la². Te²yã¹nxe³sxã³ hi³sa³ka³txa² yã¹nxain¹nũn³na³la². A²nxe³ka³txai²na² a²nxã̱³kxa² hai³txi³ wi¹lã³nxã̱³kxi²te²sxa³yu²hẽ³la². Nxe³tẽ³tẽ¹kxai²li² sa²ha³txu²kxa²sai¹sxã³ki̱³kxai²nãn²tu̱³ ĩ³ya³nat3sxã³ ya³lu²te²ju²hẽ³la². Ya³lu²khaix1te²ju²hẽ³la². A²nxe² in³txai²li² nxe³kxa²yã¹nxe³kxe³hũ̱³nxe² wi¹lye²nyhu¹nx2tain¹kxan²ti³ wain³txi³ kãi³ain¹te²sxa³yu²hẽ³la².

Apokalipse 22:11

Nxe³ha²kxai³ a²kxã³nxa² ko̱³nxe³ti³ kãi³te² ĩ³nxai²na² sa²kxai³lu² ãh¹ kãi³yxau²xai³jah³lxu¹li¹. A²kxã³nxa² ko̱³nxe³thin¹sxã³ o²la³kxi²te² ĩ³nxai²na² sa²kxai³lu² ko̱³nxe³thin¹sxã³ yxau²xai³jah³lxu¹li¹. A²kxã³nxa² wain³ju³ta² kãi³te² ĩ³nxai²na² sa²kxai³lu² ãh¹ wain³txi³ kãi³yxau²xai³jah³lxu¹li¹. A²kxã³nxa² wi¹lhin¹sxã³ yxau²xai³te² ĩ³nxai²na² sa²kxai³lu² ãh¹ wi¹lhin¹sxã³ yxau²xai³jah³lxu¹li¹. Nxe³sain¹na²hẽ³la².