Markos 7:29 - Txa²wã¹sũ̱³na² Wãn³txa²

²⁹ Nxe³nxa²ha¹te¹ Je³su²jah³la² a²wãn³txi³kxai³lu¹ ĩ³ye³kxi²te³nah¹lxi¹: — Wxa²wãn³txai²na² wain³nũn³na³ni¹. Na¹ha²kxai³ a²yen³kxa² te³nĩn¹kxa², kãi³sxã³ ũ³hũ¹nxa²ha¹tũ¹xĩ¹. Ko̱³nxe³te² a²yãu³ka³txai²na², wxa²ka³ne³lxa² nxũ²kwa̱i³li³na²ni¹. Wa²su¹wa²su¹xai³txu¹ni¹. Ta¹hxai²hẽ¹la².

Markos 7:29 Iomraidhean Croise

Mateus 5:3

A²nũ²a² ĩ²li³te²na² a²ẽ¹nãn¹jau³kxai³lu¹: — “Txa²ẽ¹nãu³ai²na² a̱u³txi³ hxi²ka¹nha¹ju³ta² yũ³ti³hex1sa²nxa³nha¹. Txa²wã¹sũ̱³na² so¹lxi³ hxi²nũn¹sa²jah¹lai²la¹wi¹.” Nxe³yah³lxin¹kxai²nãn²tu̱³ ka³lih³jah¹lxi³hẽ¹li¹. Kxãn³nãu³a¹ Txa²wã¹sũ̱³na² A²hxi²kan¹ta² Si³yxau³tãu³lot3ju³ta³nũ³a² yxau²xai³yah³lxin¹tu¹wi¹.

Markos 7:28

Yxãn¹ta¹ txu¹ha³ka³lxai²na² ĩ³wa²lũ³xi²te³nah¹lxi¹: — Txa²hxi²kan¹jah¹lãi³. Wxa²wãn³txa² wain³khai¹nx2na³li¹. Yxãn¹ta¹ wẽ³ha³lxi³nãu³xa² ĩ³yai³nain¹kxai²nãn²tu̱³ a²yain³txa²nũ̱³xa² a²yu³hxai²na² a³hi²te²su² ã³yã̱³nũ̱³nũ̱¹tã³tũ̱³xa², a²wai³a³lxi³nãu³xa² sa²kxai³lu² ũ³yhai¹tain¹te²jai¹ti²tu³wi¹. Ta¹hxai²hẽ¹la².

Markos 7:30

Nxe³ka³tu̱³ txu¹ha³ka³lxai²na² sa²kxai³lu² ĩ³xi²ka³tu̱³ a²wẽ³sai²na² sa²kxai³lu² a²sxa³ka³lo³a² wi¹lain³kxi²nha²sxã³ sxa³ta¹hxai²hẽ¹la². Ko̱³nxe³te² a²yãu³ka³txai²na² yũ³ti³he¹yxe²ta¹hxai²nxa³hẽ¹la².

1 Joãu 3:8

Yxãn¹ta¹ ko̱³nxe³ti³ kãi³sxã³ yxau²xai³te²nãn²tu̱³ a²ta³a² sa³wi³sa² te²ju²hẽ³la², a²wi¹lhĩn¹khai¹xu¹tai²na² a²ta³a² ko̱³nxe³ti³ kãi³sa²tẽ³jah¹lo²su² ha²kxai³la². Ain¹sxã³ a²yen³kxa² a²ta³a² hxi²ka² kãi³kxa² a²yxo²ha³kxa¹ ko̱³nxe³khaix1te²ju²hẽ³la². Yxãn¹ta¹ Txa²wã¹sũ̱³na² A²ta²ha² Je³su²jah³la² wxã³na²hẽ³la². Ain¹sxã³ a²ta³a² kãi³kxe³su² te²yen³kxa² ha³kxa² wxa²hxa³te³lhxã³ Je³su²jah³la² wxã³na²hẽ³la².