Markos 7:19 - Txa²wã¹sũ̱³na² Wãn³txa²

¹⁹ A²yain³txai²na² ĩ³yain³sxã³ txa²wã¹ẽ¹nãu³ai²na² ã³wih¹sxã³ tan³sa²tã³ki̱³te²jai¹ti²ti¹. Ta¹hxai²hẽ¹la². Nxe³jau³xai²na² a²si³yxau³tãu³a¹ yain³txa² yxo²ha³kxa¹ wi¹te²ju²hẽ³la².

Markos 7:19 Iomraidhean Croise

Mateus 15:17

Yain³txa² ĩ²li³te²la³ txa²wã¹yxo²ai²na² ũh³yxo²wih¹nha²sxã³ ĩ³yo¹ki̱³kxai²nãn²tu̱³ txa²wã¹ẽ¹nãu³lon³sxã³ tan²sa²tã³ki̱³te²jai¹ti²tu³wi¹.

Markos 7:18

Nxa²ha¹te¹ Je³su²jah³la² ĩ³ye³kxain¹te³nah¹lxi¹: — Wxãi²na² ã³ne³to³nxa²lxi³nũn³ta²lu¹wi¹. Jã¹nxa¹jau³su² ĩ³ye³kxi¹nx2ta¹wi¹. Ko̱³nxe³ti³ kãi³ki̱³ju³tai²nãn²tu̱³ yain³txi³la³ ĩ²li³te²la³ ĩ³yain³ki̱³kxa² ha³ta̱³nxãn²txi³, hai³txi³ ko̱³nxe³ti³ kãi³ki̱³te²sxa³yu²hẽ³li¹. Jau¹xai²na² ã³ne³wxe³nx2ti³xa³ji¹wi¹?

Lukas 11:41

Nxe³ha²kxai³ ko²pẽ³na² pra²to²ka³lo³ai²na² yen³kxa² wxi²sxa³te²a² tẽ³nũ²la² a²nũ²a² yen³kxi³txa²sxã³ sxa³te²a² wã²nhũ¹txai¹yah³lxi³hẽ¹li¹. Nxe³yah³lxin¹kxai²nãn²tu̱³ wxa²ẽ¹nãu³a² ĩ³ha³ne³nx2ti³jut3sũ̱³nxe² wi¹lhin¹nxa²lxi³tu¹wi¹.

Atos 10:15

Nxa²ha¹te¹ oh³xan¹jah¹la² wãn³txa² ain³kxi²te³nah¹lxi¹: — Nxe²nxa³wi¹. Ka³yxuh³xai²li² Txa²wã¹sũ̱³na² wi¹te²lo³kxe³su² ko̱³te²lo³txa³hẽ¹li¹. Nxe³ta¹hxai²hẽ¹la².

Atos 11:9

Nxa²ha¹te¹ oh³xan¹jau³xa² ãh¹ain³kxi²na¹te³nah¹lxi¹: “Ka³yxuh³xai²li² Txa²wã¹sũ̱³na² wi¹te²lo³jau³su² nxe³nxain¹kxai²nãn²tu̱³ ĩ³so¹jĩ²sẽ¹li¹. Ka³yxuh³xai²li² ko̱³nxe³te²lo³jau³su² ĩ³ye³txa³hẽ¹li¹.” Nxe³sain¹na²hẽ³li¹.

1 Korĩntios 6:13

Ĩ²li³jah¹lai²na² wãn³txi³kxai³lu¹ e³kxi²te³nah¹lxi¹: — Yain³txa² so¹lxi³ yain³weh³na²ki̱³ta³yxo²ka³nũ³su² te²ju²hẽ³li¹. Nxe³ha²kxai³ txa²wã¹yxo²kxai²li² yain³txa² so¹lxi³ yain³weh³na²ki̱³te²ju²hẽ³li¹. Yxãn¹ta¹ yan¹ye³jen¹nãu³a¹ txa²wã¹yxo²kxai²li² ne³ki³son³ti³hit1sa²kxai³ yain³txa² ne³ki³son¹ti³hit1sa²kxai³ nxe³tu¹wa², Txa²wã¹sũ̱³na² hxi²ka²sa³. A²wi¹lhĩ¹nu¹tai²na² Txa²wã¹sũ̱³na² hi²sen³kxai³lu² a²nũ²a² we¹ta¹hxai²ti³ai¹ti²tu³wa². A²nxe³te²a² ko̱³nxe³thin¹sxã³ o²la³kxi²ki̱³ju³ta³nũ³a² sa²yxo²wet1si¹ki̱³jau³nũ³a² so¹lxi³ we¹txa³ha²kxai³ hãi¹sxã³ Txa²wã¹hxi²kan¹ta² Si³yxau³jah¹la² sa²yxo²wet1si¹ki̱³jau³nũ³a² we¹tha²kxai³ nxe³ta¹hxai²ti³ai¹ti²tu³wa². Nxe³hĩ¹nu¹tai²nãn¹ju³ta² so¹lxi³ yxau²xai³ki̱³tã³la². Nxe³ha²kxai³ wain³txi³ sa²yxo²wet1si¹ki̱³jau³nũ³a² Txa²wã¹hxi²kan¹ta² Si³yxau³jah¹la² ĩ³hxi²ka¹tũh¹sa²tẽ³nẽ³na³la².

Kolosẽnses 2:16

Nxe³ha²kxai³ a²nũ²a² a³la³kxi²nxa³tũ̱³ka̱³txi³su² te²a² ã³ke³tũ¹nx2tain¹sxã³ ĩ³kwa³na³nx2ti³kxai²nãn²tu̱³: — Kris²tu³jah¹la² ya³lu²kxi²nẽ³ti³ai¹ti²tu³wi¹. Yxãn¹ta¹ yu³tã̱³xa² tau³ton³kxi²nẽ³ju³ta³nũ³a² yũ²na³li¹. Nxe³ju³ta²sa¹: “‘Te²li² ĩ³yain³yah³lxi³txa³hẽ¹li¹.’ Ta̱³nxa²: ‘Jau¹xai²li² ĩ³na²yah³lxi³txa³hẽ¹li¹.’ Ta̱³nxa²: ‘I³la³kxai²na² ã³ki³wa³tãu³kxi²tãu³a² ã³ki³nũ²ki¹xi²sxã³ kãin² ĩ³yai³ni², sa²ba³to³nxe³ki̱³tãu³a¹ ã³ki³nũ²ki¹xi²sxã³ kãin² ĩ³yai³ni², nxe³jah³lxi³hẽ¹li¹.’ Ta̱³nxa² nxe³jah³lxi³hẽ¹li¹.” Nxe³jau³su² kwa³na³nx2tain¹nũn³na³li¹. Nxe³nx2ti³kxai²nãn²tu̱³ ĩ³we¹txain¹yah³lxi³txa³hẽ¹la². Ĩ³we¹tain¹yah³lxan³kxa²ha³ta̱³nxãn²txi³ wain³txi³ kãi³yah³lxi³hĩ̱³nxa¹lxa², ĩ³ye³kxi¹nx2tain¹jau³xa² wai³nxa³ha²kxai³lu¹.