Lukas 19:40 - Txa²wã¹sũ̱³na² Wãn³txa²

⁴⁰ Nxa²ha¹te¹ Je³su²jah³lai²na² wãn³txi³kxai³lu¹: — Ĩ³ka³nahx2ain¹ke³la³te²kxai³ txah³lxa³kxa³txa² sa²kxai³lu² ĩ³kaix1txai¹nhĩ̱³nx2na³li¹. Txa²wã¹sũ̱³na² wi¹lhin¹jau³su² ĩ³sa²nẽ¹kxai¹nhĩ̱³nx2na³li¹. Nxe³ta¹hxai²hẽ¹la².

Lukas 19:40 Iomraidhean Croise

Mateus 27:45

Nxa²ha¹te¹ ha³lo²a² whãi²na¹ ka³nxa³hi²khai¹nxe³ta¹hxai²hẽ¹la². A³lan²ta² ne³ka³ka³thĩ¹nãn¹tu̱³ ã³ka³nxa³hi²ta¹hxai²hẽ¹la². ósa²ti¹tã³xi²tãu³a² so¹lxi³ ha²te¹ti³ye²ta¹hxai²hẽ¹la².

Mateus 3:9

Nxe³yãn¹ta¹ wãn³txi³la³ ĩ³wa²lũ³xi²sah³lxin¹jau³la³ nxe² e³kxi²sah¹lxi³txa³hẽ¹li¹. Sah²lxan³te³nah¹lxi¹: “A³bra³ãu²ah³lu¹tai²na² a²ne³tah²nãu³su² ki̱³tã³li¹. Nxe³ki̱³ju³tan¹te²kxa³ya̱³lhu² wi¹lhxã³ ĩ²nẽ³tu¹wi¹.” Nxe² ĩ³ye³kxi²syah¹lxi³txa³hẽ¹li¹. Nxe³sxã³ A³bra³ãu²ah³lu¹tai²na² wxa²sũ̱³nu²khai³su² kxan²ti³ Txa²wã¹sũ̱³na² hxi²kan¹khaix1jah¹lai²la¹wi¹. Ten³kxai²nãn²tu̱³ kwa²txah³la³kai²na² tẽ³sxã³ A³bra³ãu²ah³lu¹tai²na² a²ne³tah²nãu³a² ka³te̱³na² wet1si¹jau³su² hxi²ka¹nhĩ̱³nx2na³li¹, Txa²wã¹sũ̱³na²su¹. Nxe³kxai²nãn²tu̱³ A³bra³ãu²ah³lu¹tai²na² wẽ³ha³lxi³su² ti³hi¹tai¹nhĩ̱³nx2na³li¹.

Lukas 19:41

Nxa²ha¹te¹ hã²wxãn³txa³ Je³ru³sa³lẽ²thĩ³na² ten³sa²tã³te³na¹ kãin² ĩ³ãin²ta³kxi²nha²ha²kxai³ ĩ³nã̱n³ta¹hxai²hẽ¹la².

2 Petro 2:6

Te²yã¹nxe³jut3su² kxã³nhxĩ¹nu¹tai²na² a²nũ²a²nãu³xu¹tai²na² So³to²ma² nũ̱³ka̱³txu¹tai²na² Ko³mo²ra² nũ̱³ka̱³txu¹tai²na² nxe³sxã³ kãin² ko̱³nxe³ti³ kãi³ain¹ta¹hxai²ti³ai¹ti²tu³wa². Nxe³ha²kxai³ Txa²wã¹sũ̱³na² hi²sen³kxai³lu² sxi²je³nu¹tã² ũ³thũ²hxa³tain¹ta¹hxai²ti³ai¹ti²tu³wa². Nxe³sxã³ Sũ̱³na² wãn³txa² a²ẽ¹nãn¹jau³kxai³lu¹: — A²nũ²a² ĩ²li³te²su² te²nũ³a² ko̱³nxe³ti³ kãi³ain¹kxa²ya̱n³ti³su² a²yo³ha² ko̱³nxe³ti³ ĩ³yĩ¹li²hai¹na¹kxe³nũ³su² a³la³kxain¹tũ¹xã¹. Nxe³nha²ta¹hxai²hẽ¹la².