Lukas 19:21 - Txa²wã¹sũ̱³na² Wãn³txa²

²¹ Nxa¹ka³tu̱³ta¹ wxãi²na² ha²ya̱³kxa² yen³kxa² a³lxi²jah¹lo²sxa³lxi¹. Wa³ko³nxã³kxan²ti³ a²nũ²a² yen³kxa² kwa² sa²so¹nha²kxai³ hai³sxa² ũ³whĩ¹nxã³kxan²ti³ yain³txa² kwa² sa²so¹nha²kxai³ nxĩn¹tai¹ti²tu³wi¹. Nxĩ¹nha²kxai³ yu̱h³lxi³nxa²ha¹hẽ¹li¹.” Nxe³nũ²nhai¹.

Lukas 19:21 Iomraidhean Croise

Lukas 19:20

A²sa²wi³sa² ã̱³xa² tĩ̱³sxã³ ĩ³ye³kxi²te³nah¹lxi¹: “Txa²hxi²kan¹jah¹lãi³. Ki¹ai²na² ũ³hũ¹san¹ki³ai³tã² wã²la²ka³lo³a² wxa²wã³lã̱u²kxi²sã²na¹ka³tu̱³ kan²txi³ ũ³ha¹a¹hẽ³li¹. Ki¹ai³ta³lxi²na³li¹.

Lukas 19:22

Nxa²ha¹te¹ ĩ³wa²lũ³xi²ti³an¹jau³kxai³lu¹: “Wxãi²na² ko̱³nxe³thin¹khai¹nxi¹lxi¹.” Nxe² e²kxi³san¹jau³xi³na²sa¹: “Wxãi²na² sa²kxai³lu² ha²ya̱³kxa² yen³kxa² a³lxi²jah¹lo²sxa³lxi¹. Wa³ko³nxã³kxan²ti³ yen³kxa² kwa² sa²so¹nha²kxai³ hai³sxa² ũ³whĩ¹nxã³kxan²ti³ yain³txa² kwa² sa²so¹nha²kxai³ nxe³te²si¹lxi¹.” Nxĩn¹jau³su² san¹ten¹tu³wi¹.

Romanos 8:15

Jut3su², Txa²wã¹sũ̱³na² Yãu³ka³jxah¹la² nxũ²kwa̱i³yxau³nẽ³kxai²nãn²tu̱³, Sũ̱³na² wẽ³ha³lxi³lo³tẽ³na³la². Wẽ³ha³lxi³lo³tẽ³lha²kxai³ yuh³lxi³jau³su² kwa² wa³ka³li³lot3sxã³ yxau²xai³ki̱³sxa³wa². Nxe³ki̱³sxa³ha²kxai³ a³lxi²sxã³ yxau²xai³ki̱³tã³la². Yxãn¹ta¹ wẽ³ha³lxi³lo³tẽ³ju³tan¹te²kxa³ya̱³lhu² Txa²wã¹wĩ³na² ĩ³ye³kxi²ki̱³kxai²nãn²tu̱³: — Wĩ³nãi³. Txa²wĩ³nu²si¹lxi¹. Nxe³ki̱³kxai²nãn²tu̱³, Sũ̱³na² Yãu³ka³jxah¹la² ĩ³ye³ti³hi¹tẽ³jau³su² e³hĩ̱³ki̱³tã³la².

Romanos 8:7

Nxe³ha²kxai³, yuh³xai²nãn¹te² yen³kxa² ko̱³nxe³thin¹kxa² yxo²kwa̱in³ki̱³jau³su² yxau²xai³ki̱³kxai²nãn²tu̱³, Txa²wã¹sũ̱³na² Si³yxau³tãu³a¹ ĩ³ko̱x1ko̱¹son²kxi²hĩ̱³ki̱³tã³la². Nxe³ki̱³kxai²nãn²tu̱³, Sũ̱³na² ĩ³kwa³na³nẽ³jau³xa² sa²yxo²we¹ki̱³ju³ta² yũ³nẽ³lhĩ̱³nx2nxa³wa², hxi²kan¹txi³ sa²yxo²we¹ki̱³sxa³ha²kxai³lu¹.

2 Timoteo 1:7

Txa²wã¹sũ̱³na² Yãu³ka³jxah¹la² nxũ²kwa̱i³yxau³nẽ³na³la². Nxe³ha²kxai³ a²nũ²a² yuh³lxain¹ki̱³ju³ta² yũ²nxa³wa². Te²yã¹nxe³sxã³ ĩ³nũ̱³kxũn³txi³nẽ³na²hẽ³la². A²nũ²a² yxo²ha³kxa¹ a³lxi²wa²so³tẽ³na²hẽ³la². Wi¹la̱in³nha²ti³hit1sain¹na²hẽ³la².

Tiako 2:10

Jã¹nxe³jut3su² Sũ̱³na² wãn³txa² yxau³ka³na³ka³na³kxan²ti³ sa²yxo²ã³in¹ke³la³te²kxai³ Sũ̱³na² kwa³na³jau³xai³tã² yxo²ha³kxa¹ yxau³ka³lxa¹kxan²ti³ sa²yxo²ã³in¹ju³ta² hxi²ki³te²la³ yah³lxi³hĩ̱³nxa¹lxa².

1 Joãu 4:18

Txa²wã¹sũ̱³na² a³lxi²nẽ³jau³su² yxau²xai³ki̱³kxai²nãn²tu̱³ hai³txi³ yuh³lxa³kxi²nha²sxã³ yxau²xai³lhĩ̱³ki̱³sxa³wa². A³lxi²ta³lu²nẽ³kxai²nãn²tu̱³ yuh³lxi³ki̱³ju³ta² hxan³kxi²nẽ³lhĩ̱³nx2na³la². Yxãn¹ta¹ yuh³lxi³ki̱³ke³la³te²kxai³: — Ko̱³nxe³ti³ kãi³a¹hẽ³na¹. Na¹ju³ta² wah³yu³ta² Sũ̱³na² khãuh³lxa³ti³hit1sa²te³lin¹ji². Nxe³ki̱³kxai²nãn²tu̱³ yuh³lxi³nẽ³lhĩ̱³nx2na³la². Jã¹nxe³ya³sah¹lxi³txa³hẽ¹la². — Yuh³lxi³sa³nhã¹. Nxe³ki̱³kxai²nãn²tu̱³ Sũ̱³na² a³lxi²nẽ³lhxã³ nxũ²kwa̱i³yxau³ta³lu²nẽ³lhĩ̱³nx2nxa³wa².

Jutas 1:15

A²nũ²a² a²yxo²ha³kxa¹ kãi³ain¹kxe³su² wi¹lhin¹ta̱³nxa² ko̱³nxe³thin¹ki³su² ta̱³nxa² nxe² a³ya³ti²yah³lxi³tu¹wi¹. Nxe³kxai²nãn²tu̱³ yxo²ĩ²xa³tũ̱³ka̱³txai²na² ko̱³nxe³ti³ kãi³ain¹ju³tai³tã² a³ya³txi²yah³lxi³tu¹wi¹. Tũ̱¹ka̱³txai²na² wãn³txai³tã² Txa²wã¹sũ̱³na² ko̱³nxe³ti³hin¹jau³su² e³kxain¹ta¹hẽ¹li¹. Nxe³jau³xai²na² a²yxo²ha³kxa¹ ko̱³nxe³khai¹nxe³ha²kxai³ ko̱³nxe³ti³ ĩ³yĩ¹li²si¹hain¹tu¹wi¹. E³no²kah³lo²nu¹tai²na² nxe³ta¹hxai²hẽ¹la².