Lukas 16:17 - Txa²wã¹sũ̱³na² Wãn³txa²

¹⁷ Kxã³nãu³a¹ txa²wã¹ha³lo²ai²na² oh³nãn¹ko³nãu³a² yuh³nãn¹ko³nãu³a² nxe³sxã³ tĩ¹hxa³kxi²nẽ³ju³ta² yũ³tu¹wi¹. Nxe³kxan²ti³nũ¹ Txa²wã¹sũ̱³na² wãn³txa² a³lu²xa³jau³su² jau³kxan²ti³ hai³txi³ tĩ¹hxa³kxi²nẽ³lxa³lho³li¹. Wãn³txu¹tai²na² e³kxi²jau³xu¹jã¹nxe² we¹thxa³tu¹wi¹.

Lukas 16:17 Iomraidhean Croise

Mateus 5:18

Ya²la³tu̱³ e³kxi¹nx2ta¹wi¹. Txa²wã¹ha³lo²ai²na² oh³nãn¹ko³nãu³a² yuh³nãn¹ko³nãu³a² nxe³sxã³ wa³su³txi³ tĩ¹hxan³kxi²nẽ³lxa³lho³li¹. Nxẽn²nxa³tãu³a² Txa²wã¹sũ̱³na² wãn³txu¹tai²na² tĩ¹hxan³kxi²nẽ³lxa³lho³li¹. Wãn³txai²na² yxau³ka³na³ka³na³kxan²ti³ yau³jũ¹lxi³jau³su² kxan²ti³ hai³txi³ tĩ¹hxan³kxi²nẽ³lxa³lho³li¹. Jã¹nxe³jau³xu¹tai²na² jau³xau³hxai²tẽx1ta² we¹ta³lun²sãn²tu¹wi¹.

Lukas 21:33

Oh³nãu³nũ¹ai²na² hxa³ni² ha³lo²a² yuh³xai²na² hxa³ni² nxe³ain¹tu¹wi¹. Nxe³yãn¹ta¹ txa²wãn³txa² so¹lxi³ ya²la³tu̱³ yxau²sa²tẽ³tu¹wi¹.

Romanos 3:31

Nxe³ki̱³kxai²nãn²tu̱³: — Je³su²jah³la² yxo²ĩ²a¹xã¹. Nxe³ki̱³kxai²nãn²tu̱³, hai³txi³ Moi³se²ah³lu¹tai²na² ĩ³kwa³na³nẽ³jau³xu¹tai²na² sa²yxo²wa²ya̱t1sĩ̱³ki̱³sxa³wa². A²ya³la³tu̱³, Moi³se²ah³lu¹tai²na² wain³txi³ e³kxi²nẽ³ta¹hxai²hẽ¹la². Nxe³jau³xu¹tai² yã¹nxe³sxã³ wi¹wi¹nxe² kãi³hĩ̱³ki̱³tã³la², Je³su²jah³la² yxo²ĩ²ki̱³kxai²nãn²tu̱³ta².

1 Petro 1:25

Yxãn¹ta¹, Txa²wã¹hxi²kan¹ta² Si³yxau³tãu³a² wãn³txa², kxã³nãu³a² ha³ta̱³nxãn²txi³ hxa³nxa³kxe³su² yxau²wa³to²hi²ki²sa²tẽ³jau³xai²la¹wi¹. Ta¹hxai²hẽ¹la². A²nxe³jau³xai²na² wi¹jau³xai²na² tah²yau³xai²na² Txa²wã¹sũ̱³na² ĩ³tih³nxe³nx2ti³na³la².

2 Petro 3:10

Nxe³ha²kxai³ Txa²wã¹hxi²kan¹ta² Si³yxau³jah¹la² wxã³ju³ta²nũ³a² wa³su¹txi³ wxã³tu¹wa². A²nũ²a² kuh³lxa³sin¹jah¹lai²li² yen³kxa² kãi³kxi²te³lhxã³ wa³su³txi³ wxã³ti³hũ̱³nxe³ Txa²wã¹hxi²kan¹ta² Si³yxau³jah¹la² wxã³ju³ta²nũ³a² wa³su¹txi³ wxã³tu¹wa². Nxe³kxai²nãn²tu̱³ o³sĩ̱³nai²li² kãin²nxon³sãn²sxã³ ne³ki³son³tu¹wa². U³je³na³kai²na² i³la³kxai²na² hi³ka²ta³ai²na² nxe³sxã³ kãin² ĩ³lat1sa²kxai³ i̱³hxa³nain¹tu¹wa². Yuh³xai²nãn¹ta² ko̱³xa² te²na² yuh³xan¹ta² yen³kxa² te²na² a²yxo²ha³kxa¹ ũ³thũ²ha²kxai³ i̱³hxan³tu¹wa².

Apokalipse 20:11

Nxa²ha¹te¹ ówxe³ka³lo³a² hxi²kan¹ta²si³yxau³ka³jah¹la² ã³wxe³ka³lo³a² hãn³ka³lo³a² o²khaix1nẽ³ka³lo³a² ĩ²a¹hẽ³la². A²nxe³ka³lo¹a² yxau³jah¹la² ĩ²a¹hẽ³la². A²nxe³jah¹lai²na² sa²kxai³lu² o²lha²ti³ye²ha²kxai³ oh³xan¹ko³xa² whãi²na¹ yuh³xan¹ko³xa² whãi²na¹ tĩ¹hxan³na²hẽ³la². A²nũ²a² yuh³lxain¹kxai²nãn²tu̱³ ã³nih³sa³tĩ¹ain¹te²ju²hẽ³la². Nxe³kxa²yã¹nxe³kxe³hũ̱³nxe² ko¹xai²li² whãi²na¹ tĩ¹hxan³na²hẽ³la².

Apokalipse 21:1

Nxe³nxa²ha¹te¹ txa²wã¹ha³lo²ai²na² txa²wã¹oh³sĩ̱³nai²na² txa²wã¹ĩ̱³ye³nai²na² yxo²ha³kxa¹ hxan³na²hẽ³la². Nxe³nũ²la² oh³sĩ̱³na² tah²sĩ̱³na² ĩ³yũt1sa²kxai³ txa²wã¹ha³lo²a² tah²ko³xa² ĩ³yũt1sa²kxai³ nxe³na²hẽ³la². Yxãn¹ta¹ ĩ̱³ye³na² kãin²je³na² ĩ³yũ¹txa³hẽ³la².

Apokalipse 21:4

Nxe³kxai²nãn²tu̱³ a²nũ²a² ha²ya̱³kxa² ĩ³nã̱n³si¹hain¹tu¹we¹. Ya³lu²ain¹ju³ta² yũ²nxa³ha²kxai³ ãin²tain¹ju³ta² yũ²nxa³ha²kxai³ nã̱³nain¹ju³ta² yũ²nxa³ha²kxai³ khãuh³lxa³txi³nain¹ju³ta² yũ²nxa³ha²kxai³ nxain¹tu¹we¹. Ha³lo²a² kxã³nxãn¹ju³tai³tã² ne³ki³son³sxã³ wa³to³hi²na³le¹. Nxe³na²hẽ³la².