Kálatas 4:22 - Txa²wã¹sũ̱³na² Wãn³txa²

²² Kxã³nhxĩ¹nu¹tai²na² A³bra³ãu²ah³lu¹tai²na² sa²kxai³lu² wẽ³sa² ha¹li¹ we¹ta¹hxai²ti³ai¹ti²tu³wa². A²wi¹lhĩ¹na² tu¹ha² nũ¹ha² a²wa³kxẽn³yah³lo²lot3sxã³ yxau³ta¹ka³lxa² ũ³whĩn¹ti³sxã³ wet1sãn²sxã³ a²ki³lha³lxa² a²wi¹lhĩ¹nãn¹te²a² hxi²kan¹te²nãn²ta³ a³li³lah¹ta¹hxai²ti³ai¹ti²tu³wa². A²yan¹nãu³a¹ a²sxe³xa³ka³lxu³khai³xa² ũ³whĩn¹ti³sxã³ sa²we²txi²nũn³sxã³ jã¹nxe² a³li³lah¹ye²nũn³ta¹hxai²ti³ai¹ti²tu³wa².

Kálatas 4:22 Iomraidhean Croise

Kálatas 4:23

Nxe³sxã³ a²ki³lha³lxa² hxi²kan¹txa² a²hã³ka³na² kwa²hãi¹nxe² wa³kon³kxi²sxã³ yxau³ta¹ka³lxa² kwa²hãi¹nxe² wẽh³ni³sxã³ we¹ta¹hxai²ti³ai¹ti²tu³wa². Yxãn¹ta¹ a²ki³lha³lxa² ã̱³sa²nũn³te²na² sa²kxai³lu² a²hã³ka³na² wẽh³ni³nxa³hĩ¹nu¹tai²na² wẽ³sai²na² a³li³lah¹si¹jau³nũ³su² Txa²wã¹sũ̱³na² a²yxo²wãn³txa² ĩ³ye³ũh¹ta¹hxai²ti³ai¹ti²tu³wa². A²nxe³jau³xai²na² yxo²ha³kxa¹ Txa²wã¹sũ̱³na² ũ³wha²li¹txã³nxu¹tai²na² nxe³ta¹hxai²ti³ai¹ti²tu³wa².

Kálatas 4:30

A²nxe³ju³kxai³lu² Txa²wã¹sũ̱³na² ũ³wha²li¹txã³nxu¹tai²na² nxe³te³nah¹lxi¹: — A²wa³kxẽn³yah³lo²lot3sxã³ yxau³ta¹ka³lxa² a²ki³lha³lxa² whãi²na¹ ã³waix3si¹hain¹jau³su² kwa³na³txai¹nhẽ³li¹. Nxe³sãn²nũ²la² A³bra³ãu²ah³la² a²sxe³xa² khai³xai²na² a²ki³lha³lxa² so¹lxi³ a¹yxau³te²a² so¹lxi³ ha²yan¹nãu³a² yen³kxa² ũ³wha¹kxi²kxa² yxo²ha³kxa¹ yũ³ain¹tu¹wi¹. Nxe³ta¹hxai²ti³ai¹ti²tu³wa².

Kálatas 4:31

Jã¹nxe³jut3su² txa²wã³tã̱³syah¹lxi¹lxa². A²wa³kxẽn³yah³lo²lot3sxã³ yxau³ta¹ka³lxa² wẽ³ha³lxi³sa²nũn³ki̱³sxa³wa². Moi³se²ah³lu¹tai²na² kwa³na³jau³xu¹tai²na² sa²yxo²we¹ju³ta³lon³ki̱³sxa³wa². Nxe³ki̱³sxa³ha²kxai³ a²sxe³xa³ka³lxi³khai³xa² a²wẽ³ha³lxi³hũ̱³ki̱³tã³la². Yxo²ĩ²tũ̱³ka̱³txi³su² ki̱³tã³la².