Joãu 11:3 - Txa²wã¹sũ̱³na² Wãn³txa²

³ Kãin² ĩ³ton³ju³tan¹te²ka̱³ya̱³tu̱³ti¹, a²ha³lĩ³ti³nãu³xai²na² wãn³txi³kxai³lu¹, Je³su²jah³la² u²lxi³ ĩ³ye³kxi²ti³hi¹nyha¹te³nah¹lxi¹: — Txa²hxi²kan¹jah¹lãi³. Txa²wã³tã̱³xai²na² a³lxin¹kxah³lo²su² te²a² ĩ³ton³kxi²sa¹sa²na³li¹. Ta¹hxai²hẽ¹la².

Joãu 11:3 Iomraidhean Croise

Lukas 7:13

Ĩ³ha¹txain¹nũ²la² Je³su²jah³lo²kxai³lu² ĩ³yan³ta³kxi²nha²sxã³ ĩ³ye³kxi²te³nah¹lxi¹: — Ĩ³nã̱n³ta̱³nxi¹. Nxe³ta¹hxai²hẽ¹la².

Joãu 11:1

Nxe³nxa²ha¹te¹ a²nũ²a² a²ĩ³lxa² La²sa³ro³jah³la² ta¹hxai²hẽ¹la². Sxi²je³na² Be³tãn²ya³thĩ³na² yxau³jah¹lo²su² ta¹hxai²hẽ¹la². A²nxe³te²a² a²ha³lĩ³ta³ka³lxa² Mar²ta³ka³lxa² yxau², a²ha³lĩ³ta³ka³lxa² ã̱³xa² Ma³ri²a³ka³lxa² yxau² nxe³yain¹ta¹hxai²hẽ¹la². A²nxe³ta¹ka³lxa² Ma³ri²a³ka³lxai²na² sa²kxai³lu², ye³je¹nhĩ¹kxai³lu², ĩ³ka³li³sxã³ hĩ³ne³kxa² wi¹lũ³tẽ³kxa² sa²so¹sxã³, Je³su²jah³la² a²yu³kxa² whãi²na¹ ũ³yhu̱³to¹la³kxi²ka³tu̱³, a²ne³kĩ̱³sa³nãu³a¹ ne³kĩ̱³sa³lu²kxi²kxe³su² wxa²so¹sxã³ Je³su²jah³lai²na² a²yu³kxa² ũ³yhu̱³ho³la³kxi², ta¹ka³lu³nũ³su² ta¹hxai²hẽ¹la². Yxãn¹ta¹, a²hĩ¹nai²na¹ ũ³yhu̱³to¹la³kxi²nxa³hĩ¹na¹, Ma³ri²a³ka³lxai²na² a²lon³yah³la² La²sa³ro³jah³la², kãin² ĩ³ton³yain¹ta¹hxai²hẽ¹la². Nxe³hĩ¹na², Je³su²jah³la² u²yxau³yain¹ta¹hxai²hẽ¹la².

Joãu 11:11

Na¹ha²kxai³, txa²wã¹ya̱³la² La²sa³ro³jah³la², ãu³xi²na³li¹. Ju¹ta¹ wxa²yũn³kxi²te³lhxã³ ã³nxai³la³kxi²na¹tu¹wi¹. Je³su²jah³la² wãn³txa² ta¹hxai²hẽ¹la².

Joãu 11:21

Ai¹nha²kxai³, Mar²ta³ka³lxai²na² wãn³txi³kxai³lu¹, ĩ³ha¹txi²sxã³ ĩ³ye³kxi²te²an¹jau³kxai³lu¹: — Txa²hxi²kan¹jah¹lãi³. Wxãi²na² he¹in¹ke³la³te²kxai³ txa²wã³tã̱³xa² ya³lu²hĩ̱³nx2nxa³i¹. Yxãn¹ta¹, ya³lu²kxa²ha³ta̱³nxãn²txi³, hĩ¹na² a²yen³kxa² a²te³nĩn¹kxa² Txa²wã¹sũ̱³na² Si³yxau³tãu³a¹ ĩ³wã̱³txai¹nĩn¹kxai²nãn²tu̱³, te²su² ũ³hũ¹nxain¹tu¹wi¹. Ta¹hxai²hẽ¹la².

Joãu 11:36

Nxe³ju³tan¹te²kxa³ya̱³tu̱³ti¹, Ju³te²a² nũ̱³ka̱³txai²na² wãn³txi³kxai³lu¹: — Kãin² a³lxi²khaix1nai¹nhxai²na²hẽ³li¹. Ĩ²jah¹lxi³hẽ¹li¹. Ta¹hxai²hẽ¹la².

Joãu 11:5

Nxe³ju³ta², Je³su²jah³la² Mar²ta³ka³lxain²txi³ a³lxi², Mar²ta³ka³lxai²na² a²ha³lĩn³ta³ka³lxain²txi³ a³lxi², La²sa³ro³jah³lain²txi³ a³lxi², ain¹to³ta¹hxai²hẽ¹la².

Joãu 13:13

Nxe³tãu³a² sa²kxai³lu¹: “Txa²sũ̱³nu²yah³lãi³, Txa²hxi²kan¹jah¹lãi³.” Nxe³sah¹lxi³to³hi¹lxi¹. Jau¹xai²na², wain³txi³ e³yah³lxi³to³hi¹lxi¹, wxa²sũ̱³nũ²sa¹ha²kxai³, wxa²hxi²kan¹txi³sa¹ha²kxai³, nxe³na¹i¹.

Joãu 13:23

A²nxe³tãu³a² a²sa³wi³sxa² Je³su²jah³la² a³lxi²khai¹nxe³kxah³lo²su² te²a² Je³su²jah³la² a²wi³lẽ³nãu³a¹ sa²nẽn¹kxi²khaix1nxe³je³nãu³a² ã³wxe³ain¹ta¹hxai²hẽ¹la².

2 Timoteo 4:20

E³ras²to³jah³lai¹tã² sa²kxai³lu² Ko³rĩn²to²thĩ³na² ã³ai¹na¹hẽ³la². A³li³xa³hẽ³la². Nxa²ha¹te¹ Tro³fi²mah³lai¹tã² sa²kxai³lu² ĩ³to³nha²kxai³ Mi³le²to²thĩ³na² ã³ai¹na¹hẽ³la².

Apokalipse 3:19

Jã¹nxe³na¹jut3su² a³lxi²khaix1na¹kxah³lo²su² ĩ³hau³kot3xai³na¹wi¹. Ĩ³kwa̱i²kxi²ta̱³nxa² ĩ³wai¹ta̱³nxa² nxai¹na¹jah¹lo²su² te²sa¹wi¹, wain³txi³ yxau²xai³lhi¹jau³su¹. Nxe³na¹jau³su² wi¹lain³kxix1sah¹lxi³hẽ¹li¹. Ĩ³ãin²ta³kxi²nha²sxã³ ko̱³nxe³ti³ kãi³ju³ta² ã³na¹jah¹lxi³hẽ¹li¹.