Efesios 5:11 - Txa²wã¹sũ̱³na² Wãn³txa²

¹¹ Ka³nxah³ta² kãi³ki̱³jut3sũ̱³nxe² kãi³yah³lxi³txa³hẽ¹la². Ko̱³nxe³ti³ kãi³ki̱³ju³tai²la¹wa². Yxãn¹ta¹ wi¹la̱in³nha¹jah³lxi³sã²nhẽ³la². Ko̱³nxe³kxai²nãn²tu̱³ ĩ³yau¹ũ³waun¹nha¹jah³lxi³hẽ¹la².

Efesios 5:11 Iomraidhean Croise

Mateus 18:15

Jã¹nxe³jut3su² wxa²wã³tã̱³xai²na² ko̱³nxe³ti³ kãi³ũh¹nx2ti³kxai²nãn²tu̱³ ĩ³yau¹ũ³txain¹yah³lxi³sã²nhẽ³li¹. Nxe³yah³lxi³sã²nĩn¹ka³tu̱³ wi¹lain³kxi¹nx2tain¹kxai²nãn²tu̱³ ã³nhãu²no³jah³lxi³hĩ̱³nxa¹lxi¹.

Lukas 3:19

Nxa²ha¹te¹ Jo³ãu² Ba³tis²jah³lo²nu¹ta²kxai³lu² E³ro²jah³la² ĩ³ye³kxi²ta¹hxai²hẽ¹la². Ĩ³ye³kxi²te³nah¹lxi¹: — E³ro²jah¹lãi³. Wxãi²na² ko̱³nxe³thin¹khaix1ni¹lxi¹. E³ro³ti²a³ka³lxa² so¹kxi²nyha¹hin¹ju³ta² ko̱³nxe³ti³ kãi³ju³tai²la¹wi¹. Wxa²lon³yah³la² a²sxe³xai²la¹wi¹. Nxe³ha²kxai³ wxãi²na² so¹kxi²nyha¹hin¹ju³ta² ko̱³nxe³ti³ kãi³ju³tai²la¹wi¹. Ta¹hxai²hẽ¹la². Nxe³ain¹kxan²ti³nũ¹ sa²yxo²we¹tai¹nxa³ha²kxai³la¹ ko̱³nxe³ti³ o²la³kxi² kãi²non³ta¹hxai²hẽ¹la².

Atos 26:18

Jã¹nxe³sxã³ sa²si¹hã³nxa²ha¹tãu³a² a²ẽ¹nãu³ai²na² sa²kxai³lu² Txa²wã¹sũ̱³na² wãn³txa² ã³ne³wxe³si¹hai¹nĩn¹jau³nũ³su² ĩ³yau¹ũ³ai¹nĩn¹tu¹wi¹. Nxe³sxã³ Sa³ta³na²jah¹lai²na² hxi²ka²nãu³a² a³li³yain¹si¹hain¹ka³tu̱³ Txa²wã¹sũ̱³na² hxi²ka²nãu³a² yxau²xai³lain¹ju³ta³nũ³su² yũ³ain¹tu¹wi¹. Nxai¹nha²kxai³ yxo²ĩ²sai¹nha²kxai³ a²ko̱³nxe³ju³ta² a²wẽ̱n³ta³te²la³ ĩ³ye³kxi¹nxa²hxa³lho³li¹. Nxe³sxã³ Txa²wã¹sũ̱³na² ĩ²sxã³ sa²so¹ai¹nha²kxai³ sa³wi³ha³lxi³su² te²lo³tai¹na¹tu¹wi¹. Hã²wxãn³txa³ Txa²wã¹sũ̱³na² yxau³ju³ta² ã³wi¹hain¹tu¹wi¹.” Nxe³sain¹na²hẽ³li¹.

Romanos 16:17

Nxe³jah³lxi³sa²lxa². Txa²wã³tã̱³yah³lxi¹lxa². Na¹ha²kxai³, txa²yxo²ka³nãu³ai²na² whãi²na¹ a̱u³txi³ a̱in³nha²sxã³ ĩ³ye³kxi¹nx2ta¹wa². Ain³kxi²sah¹lxi³hẽ¹la². A²nũ²a² ku̱³lhxa³thin¹te²a² ya³nx2ti³ha³ta²wa². A²nxe³tũ̱³ka̱³txa² wi¹lĩ³we¹yhu¹yah³lxin¹ju³ta² kho³te³lhxã³ o²la³kxi², Txa²wã¹sũ̱³na² sa²yxo²we¹jah³lxin¹ju³ta² ã³ke³tã³nã¹sih¹nxa²ti³jau³nũ³su² o²la³kxi², Txa²wã¹sũ̱³na² wãn³txa² sa²yxo²we¹jah³lxin¹jau³xa² sa²yxo²ã³si¹nx2ti³jau³nũ³su² ĩ³tih³nxe², nxe³nx2ti³ha³ta²wa². A²nxe³tũ̱³ka̱³txai²lẽ¹. Yxau²nũ²kah³lxi³txa³hẽ¹la². Hãi¹nxe³sxã³ ã³nhait1sxã³ ha³na³ka³lxi³ yxau³je²txain¹yah³lxi³hẽ¹la².

Romanos 6:21

Yxãn¹ta¹: — Ĩ³wi¹lxon³ki²nhyah¹lxin¹ju³ta³la³ yũ³ah³lxin¹ta¹te²sin²tai¹. Ya³nx2ta¹wa². Yxãn¹ta¹, yũ³ti³he¹xah³lxi³ta¹hxai²nxã³nhẽ³la². Hãi¹sxã³, ãu²li²to̱³nha²ki̱³ju³ta² so¹lxi³, ya³lu²ti³hi¹tẽ³ju³ta² so¹lxi³ kãi³yah³lxi³ta¹hxai¹nhẽ¹li¹. Ya³nx2ta¹wa².

Efesios 4:22

Jã¹nxe³sxã³ kxã³nxãn¹te² ĩ³nxai³tã² ko̱³nxe³ti³ kãi³yah³lxin¹te² ĩ³nxai³tã² ã³nã¹yah³lxin¹te²sin¹jai¹ti²tu³wa². Yah³lxi¹nha²kxai³ ha³ya³kxa²sin¹sxã³ kãi³yah³lxi³txa³hẽ¹la². Ĩ³ki³ha¹kxi²nx2ti³sxã³ ko̱³nxe³ti³ kãi²non³nxa²lxi³ha³ta²wa².

Efesios 5:12

A²nxe³te²na² hãi³a² kãi³ain¹ju³ta² ko̱³nxe³khai¹nxe³ha²kxai³ ĩ³hen³txi¹nx2ta¹kxe³su² ãu²li²to³nha²hĩ̱³na¹wa².

Efesios 5:7

Nxe³ha²kxai³ te³xai²yã¹nxe² kãi³ũh¹ah³lxi³txa³hẽ¹la².

Kolosẽnses 1:12

Yah³lxin¹kxai²nãn²tu̱³: — Txa²wã¹wĩ³nãi³. Ha³lo²a² ye³khãuh³lxa³ti³sa²sĩn¹jut3su² kxan²ti³nũ¹ ka³li³sa²sĩn¹tu¹wi¹. Wain³te²lot3sa²nhĩ¹nha²kxai³ hxi²waun³txi³nha¹ju³ta² yũ²nxa³wi¹. Nxa¹jau³su². Txa²wã¹wĩ³na² Si³yxau³jah¹la² ĩ³ye³kxi²ki̱³tã³la². Nxe³ha²kxai³ ha³lo²a² wi¹ju³ta² ha²tet1jut3sũ̱³ju³ta² Txa²wã¹wĩ³na² ũ³ha̱¹kxi²nẽ³na³la².

1 Tesalonisẽnses 5:7

Ka³nxa³hi²tãu³a² ãu³xi²ta̱³nxa² ũn³jau³xa² ĩ³na²sxã³ wen¹ta̱³nxa² ain¹te²ju²hẽ³la².

2 Tesalonisẽnses 3:14

Yah³lxin¹ju³ta² a²nũ²a² ĩ²li³te²a² ta²nxã¹nxai²na² wãn³txa² sa²yxo²wet1sah¹lxi³sĩ¹nxãn³kxai²nãn²tu̱³ ĩ²khai¹nxe³tai¹yah³lxi³hẽ¹la². Sa²ye³ya̱¹not3sxã³ ã³jxah¹lxi³hẽ¹la². Ain¹yah³lxin¹kxai²nãn²tu̱³ ãu²li²to³nha²hĩ̱³nx2na³la².

2 Tesalonisẽnses 3:6

Txa²wã³tã̱³nãu³xãi³. Wxa²nũ̱³ka̱³txa² ha³tih³ ĩ³nxai²na² u̱³txi³ wa³ko³nain¹te²su² ta¹hẽ¹la². Te²yã¹xah³lxi³txa³hẽ¹la². A²nxe³jah¹lai²li² txa²wã³tã̱³su² kxan²ti³ te²yã¹nxe² kãi³yah³lxi³txa³hẽ¹la². Nxe³jah¹lai²li² ã³sxã³ u²lxi³ ã³si³tu³lxi²sxã³ yxau³jah¹lxi³hẽ¹la². Te²yã¹nxe³jau³xa² e³kxi¹nx2ti³to³nha¹tai¹ti²tu³wa². Je³su² Kris²tu³jah¹la² Txa²wã¹hxi²kan¹ta² Si³yxau³jah¹lo²kxai³lu² jau³jau¹xai²na² ĩ³kwa³na³sain¹jau³jau¹xain²txi³ ĩ³kwa³na³nx2ti³nha¹wa².

1 Timoteo 5:20

Wxa²nũ̱³ka̱³txai²na² ha³tih³xa² ko̱³nxe³ti³ kãi³ain¹to³kxai²nãn²tu̱³ ã³nũ²kxi¹txai¹nhẽ³la². Ai¹nĩn¹kxai²nãn²tu̱³ jah¹la² e³lai²na¹ ĩ³kwa̱i²kxi¹txai¹nhẽ³la², a²nũ²a² ka³lxa¹txi³ ko̱³nxe³ti³ kãi³ain¹kxa²ya̱n³ti³sa². Nxe³sxã³ wi¹kãi³ain¹tu¹wa².

1 Timoteo 5:22

Wxa²hxi²kan¹ti³su² te²a² ĩ²sxã³ sa²so¹ti³ten³nxa²kxai²nãn²tu̱³ wa³su³txa³hẽ¹la². Jũ¹nxe² ha³lo³kxit1sã²nhẽ³la², ko̱³nxe³ti³ kãi³ju³ta² kãi³yxau²xai³te²sa² kxa²ya̱n³txi³sa². Nxe³te²su² kxai²nãn²tu̱³ wxãin²txi³ a²hxi²ki³te²la³nũ³nhĩ̱³nxa¹lxa².

1 Timoteo 6:5

Jã¹nxe³te²a² a²ẽ¹nãu³ai²na² ko̱³nxe³ti³ a̱in³nha²ju³ta² so¹lxi³ yũ³ha²kxai³ wãn³txa² ya²la³lyau³xa² ĩ³tih³nxai¹nxa³ha²kxai³ nxe³ju³tan¹te²kxa³ya̱³lhu² a̱n³ta³txi³ ĩ³ye³ye³kxi²nyhu¹ain¹na³la². — Kãin² yen³kxi³nha²te³lhxã³ yxo²ĩ²a¹tũ¹xã¹. Nxe³jau³su² nxe³hĩ̱³nx2na³la².

2 Timoteo 3:5

Nxe³sxã³ Txa²wã¹sũ̱³na² wãn³txa² kwa² sa²yxo²we¹kxan²ti³ a²ẽ¹nãu³ai²na² Txa²wã¹sũ̱³na² nũ̱³kxũn³ju³ta² yxo²ĩ²ai¹nxa³wa². Nxe³jah¹lo²su² kxai²nãn²tu̱³ ã³sxã³ ã³waix3txai¹nhẽ³la².

2 Timoteo 4:2

Nxe³ha²kxai³ Txa²wã¹sũ̱³na² wãn³txa² wi¹jau³xa² ya³lo³txi²sxã³ a²nũ²a² ĩ³yau¹ũ³tai¹nhẽ³la². Ain³kxi²te³lhxã³ wxã³ain¹kxai²nãn²tu̱³ ĩ³yau¹ũ³tai¹nhẽ³la². Yxãn¹ta¹ nxai¹nxa³kxan²ti³ ã³sxã³ ĩ³yau¹ũ³hain¹txa³hẽ¹la². Ko̱³nxe³ti³ kãi³ain¹kxai²nãn²tu̱³ ĩ³kwa̱i²kxi¹txai¹nhẽ³la². Yxo²ĩ²nxa²sxã³ hxi²tha³nhain¹kxai²nãn²tu̱³ ya³nãn³ta³ki²la²sxã³ ĩ³nxũ²kwa̱i³lxũ¹sxã³ ĩ³yau¹ũ³txai¹nhẽ³la².

Tito 2:15

A²nxe³jau³xai²li² ĩ³yau¹ũ³txai¹nhẽ³la². óne³to³hai¹nxa³kxai²nãn²tu̱³ wain³txi³ ĩ³tih³nxe³txai¹nhẽ³la². A²nũ²a² ha³tih³xa² te³nai¹nxa³kxai²nãn²tu̱³ wxi²kan¹sxã³ ĩ³kwa̱i²kxi¹txai¹nhẽ³la². Wãn³txai²li² e³kai¹nĩn¹jau³xa² sa²yxo²ã³nxain¹ju³ta² ten³sa²nxa³nha²wa².

Apokalipse 18:4

Nxe³nxa²ha¹te¹ oh³nãu³an¹jau³xa² wãn³txa² ain³kxi²na¹hẽ³la². Ain³kxi²na¹te³an¹jau³kxai³lu¹: — Nxe³jah³lxi³sa²lxi¹. Txa³nũ̱³ka̱³txi³su² te² ĩ³nxa² a³li³sxã³ ã³waix3kxi¹jah³lxi³hẽ¹li¹. Tũ̱¹ka̱³txai²na² ko̱³nxe³thin¹ju³ta² o²la³kxi²yah³lxin¹kxa²ya̱n³txi³su² a³li³sxã³ ã³waix3kxi¹jah³lxi³hẽ¹li¹. Nxe³yãn¹ta¹ tũ̱¹ka̱³txai²na² yã¹nxe² o²la³kxi²yah³lxin¹kxai²nãn²tu̱³ tũ̱¹ka̱³txai²na² yã¹nxe² ye³khãuh³lxa³thin¹nxa²lxi³nũ³nha³tai¹.