Luke 8:41 - Maiadomu

^41-42 We tamo tomoqo kanawavaqa Iailo, gumanina sinagogi kanatogumeta, imai menavekimatana isobwanu Ieisu kaqeneye ivelaukui-veluveluluna ivo, “Wayaqigu tainaqo guvanuqe natugu vavinena saiqanaqa inawapa kikavegiagiamaia. Natugunina kaiseotoqina kanadiqaba 12.” Beqa Ieisu taiauda inaqonaqo wete yoko bwaigina iemulieni iekaibibibineni, we Ieisu gamwaneye itautauya.

Luke 8:41 Iomraidhean Croise

Luke 13:14

We sinagogi kanatogumeta ikiseni kanakapoka ioqala paina Ieisu ikakavegiagiamai Kaiata Kabaveyawai waineye. Beqa togumetanina tomo'otoqa waidie ivesipupu ivo, “Kaiata 6 naqedie tailitulituqa. Kago kwaiviqa wayaqimi kwaivegiagiamai, kaiatanidiavo waidie kwaimai, we Kaiata Kabaveyawai waineye gebuka.”

Luke 17:16

We menavekimatana isobwanu Ieisu kaqena vivineye ivekaiwa waineye. Gumanina Samelia tomoqina.

Luke 5:8

Saimoni Pita wete enavo wageye nuadi ivilele paina iqana bouotoqidi ikonadi. Wete mesaida Saimoni enavo tamo waga waineye taiauda ilitulituqa kadiwavaqa Iemesa wete Ioni, Sebedi natunavo, nuadi ivilele. Saimoni iyagovi kabanuavilele isauyeni beqa kaqena iveketonokuyedi isobwanu Ieisu waineye ivo, “Tomwaya, kukiawegu paina yau tokapoina.” We Ieisu Saimoni ivoneni ivo, “Ge kigololo! Mesaida dede iqana kwakonakonadiqa, Yau aivevemi banikodiqa tomo'otoqa kwaikonadi kwaimaiedi waigue inavetumaqanegu.”

Luke 8:49

Tutuyanina Ieisu giladi iesipupu vavina waidie, tamo tomoqo imai Iailo navanuqe'eqa we ivoneni ivo, “Natumu vavinena gunabeida yawaina ikakava, beqa tovekaivevena ge kigiaveqauya.”

Apositolo Divalabubuna 13:15

Tamo tomoqo iwawawadi Mosese naloina wete Yaubada napalopitavo digilili waidie'eqa, matautauda sinagogi kanatogumetavo valea ivetuneni Paulo wete enavo waidie ivo, “Emavo, kago tamo valea kabakaivaisa waimie tomo'otoqa paipaidi, kwaimai kwaivesipupuyeni waimeye.”

Apositolo Divalabubuna 18:17

Isauyedi we Sosideni sinagogi kanatogumeta ivunuqi, we inigei vanuqa kabasivetonova mataneye. We Galio ikisedi divalabubunanina paipaidi ge idanuanuana.

Apositolo Divalabubuna 18:8

Sinagogi kanatogumeta kanawavaqa Kilisipa, we tomo'otoqa matatabudi navanuqe Tomwaya Ieisu waineye ivetumaqana. Wete tomo'otoqa puedi Kolinita waineye Ieisu valeana inoqai ivetumaqana we ibabitaisodi.

Apositolo Divalabubuna 9:38

Lida Iopa taoni vivineye, beqa tutuyanina tovetumaqanavo inoqai Pita Lida waineye imiamia tomoqovo kadikailuqa ivetunedi inaqo inavesipupu waineye inavo, “Vedimadimanaeqa kumai!”