Luke 4:16 - Maiadomu

¹⁶ Mulineye Ieisu inaqo Nasaleta nakabataulai waineye, we Kaiata Kabaveyawai waineye ilugu sinagogi naqeneye, navalabubuna mesaida. Disobwanu waineye tomo'otoqa matadie itovoi Yaubada Nabuki waineye inawawa.

Luke 4:16 Iomraidhean Croise

Luke 2:39

Loinanidiavo Iave waineye imai, gunabeida Meli wete Iosepa ivalabubuna-kakavadi, mulineye ivila ditaoni Nasaleta Galili Polovinisi naqeneye.

Luke 2:42

Tutuyanina Ieisu kanadiqaba 12 waineye taiauda ilaga kaninina waineye divalabubuna mesaida.

Luke 2:51

Matautauda Ieisu inana wete tamana taiauda ivila inaqo Nasaleta waineye divona iematamatanedi. We inana sakunidiavo matatabudi paipaidi nuapoudie inuanuanidi.

Luke 4:15

Me Diu disinagogi waidie Ieisu Yaubada valeana iekaivevena we tomo'otoqa matatabudi ididigeni.

Luke 4:17

Beqa buki kanatovekisabodaboda ikewai Ieisu iveleni, bukinina Yaubada napalopita Aisea kanagiligilili. We bukinina nununumina iyawaqi vonanina ibabaneni dede mesaida:

Luke 4:21

Ieisu ivesipupu waidie ivo, “Vonanina Iave Nabuki waineye awawai wete kwanoqai, kasiotoqa kanamwaqitana isauyeni.”

Luke 4:23

We Ieisu ivonedi ivo, “Ayagovi oge tamo vonawakedubala beqa kwaivonegu kwanavo, ‘Komu doketa taunimu kukavegiagiamaimu.’ Kananuakawananaqai, ‘Kabanuavilelenidiavo kanoqaidi kuvalabubunidi Kapeneumi taoni waineye wete mesaida kivalabubunedi mukabataulai Nasaleta waineye.’

Apositolo Divalabubuna 17:2

Paulo navalabubuna dede mesaida tutuyanina inalekwa tamo taoni waineye inanaqo sinagogi waineye we Yaubada navona iesipupuyedi tomo'otoqa taiauda. Dede mesaida ivavalabubunedi Kaiata Kabaveyawai kaitonu waidie.