Luke 3:1 - Maiadomu

¹ Me Loma ditoloina bwaigiotoqina kanawavaqa Sisa Taibiliasi, navetoloina kanadiqaba 15 gunabeida ibabaneni. Tutuyanina waineye Ponitio Pailato Iudia Polovinisi Kanagabemani we Elodi iloloineni Galili Polovinisi, taina Pilipi iloloinedi Itulia wete Tilakoniti Polovinisi, we Lisaniasi iloloineni Abilini Polovinisi.

Luke 3:1 Iomraidhean Croise

Kabavelamu 49:10

We Kini nawelavi Iuda dimaneye inakenokeno we tubuleleleqinavo inaloloina kanaketoava no tomo'otoqanina toniwelavi inamai we kabaloina matatabudi inavekimataneni.”

Malika 6:17

Dede vesipusipupunina. No tutuyanina waineye Ieisu navekaivevena ge idavelamu, we Elodi taina Pilipi mwanena inaqidi vavinenidi kadiwavaqa Elodiasa. Tutuyanina waineye Ioni Elodi waineye ivesipupu ivo, “Komu, ge kanasala taimu mwanena kinaqidi,” beqa Elodi natolauqaviavo ivetunedi inaqo Ioni ikavikavini iyoqoni deli waineye iginoleni. Tutuya puena Elodi wayaqina Ioni inamai waineye taiauda inaesipupu, we tutuyanina Ioni waineye iesipupu Elodi nuana ikapo wete nuana ivilele, paina vakai Ioni ivesipupuyedi nuana ikewai, we wayaqina inaevaneneqeni. Elodiasa kadikapoka ioqala-otoqa Ioni waineye wayaqidi inaluvewapai, we Elodi iyagovi Ioni gumanina tomoqo giamaiotoqina wete tonotonovina Yaubada mataneye beqa igololoyeni we italabodebodeni. No paipaina, Elodiasa ge kanasala Ioni inaketoqiluveni inaluvewapai.

Malika 6:21

We tutuyanina Elodi natubuqa patina ivalabubuni, we Elodiasa dikawasasa imai kaiatanina Ioni inaketoqiluveni inaluvewapai. Kaiatanina waineye kanikani ivalabubuni gabemani kaditogumetavo, tolauqavia kaditogumetavo wete Galili Polovinisi kanatomo'otoqavo guyoguyodi paipaidi.

Luke 13:31

No tutuyanina waineye tupwaidiavo Palisivo imai Ieisu ivoneni ivo, “Kini Elodi wayaqina inaluvewapamu beqa kideqa kinaqo sulineye.”

Luke 2:1

Tutuyanina Ioni siaineye, me Loma iloloinedi me Diu divikaie. Ditoloina bwaigiotoqina kanawavaqa Sisa Agusitusi, iloina wayaqina tomo'otoqanidiavo imiamia Loma nakabaloina matatabuna waineye kadiwavaqa inagililidi senisisi paipaina.

Luke 23:24

Beqa Pailato itagwana Ieisu inawapa mesaida tomo'otoqa dinuanuana.

Luke 3:19

We no tutuyanina Kini Elodi Galili Polovinisi iloloineni, we taina mwanena kadiwavaqa Elodiasa ivainaqodi inaqidi wete tupwaidiavo valabubuna kapoidi ivalabubunidi beqa Ioni ikawakapoyeni.

Luke 9:7

Kini Elodi, Galili Polovinisi kanatoloina, Ieisu nalituqa valeana inoqai nuana ivilele paina tupwaidiavo tomo'otoqa ivo, “Oge gumanina Ioni Tobabitaiso wapaeqa itovoi-vaituqana.”

Apositolo Divalabubuna 23:26

“Yau, Kolodiasi Lisiasi, agiligilili, Gabemani kaditogumeta bwaigimu Pilikesa, waimue. Avonamwasamwasanemu.

Apositolo Divalabubuna 24:27

Diqaba kailuqa ikakava mulineye, Posiasi Pesito imai Pilikesa iketopesali. Paina Pilikesa wayaqina me Diu inavenuagudadi beqa iloineni Paulo deli waineye inamiamia.

Apositolo Divalabubuna 26:30

Matautauda Kini Akalipa, Gabemani Pesito, Benaisa wete tomo'otoqa matatabudi itovoi tutudaba ikiaweni.

Apositolo Divalabubuna 4:27

“Dede mesaida Deibida ivonavaqata isauyeni. Dede Ielusalema taoni waineye Kini Elodi wete Pailato natolauqaviavo taiauda wete me Isileli imiakauqa dinuanuana ivalabubunidi mutolituqa maqemaqetana Ieisu nawapa paipaina, gumanina kuvetuneni Mesaia.