Luke 16:9 - Maiadomu

⁹ Wete Ieisu ivesipupu ivo, “Aivonemi, kwaikalaqei-maiqa tomo'otoqa yomuyomudi waidie miguyoguyovo wete misakuvo beqa kavagi inaveianemi. Tutuyanina kawaie guyoguyonidiavo wete sakunidiavo inakakava, Yaubada inavonamwasamwasanemi kwailugu nakabamiavaqata waineye.

Luke 16:9 Iomraidhean Croise

Luke 11:41

Beqa ilaubwainemi kwaikalaqei-maimaiqa tovelaulauyogu waidie, tadavona naqemi kwadagigiavemaqetadi valabubuna kapoidi waidie'eqa, we saku matatabudi waidie'eqa komi maqemaqetami.

Luke 12:33

Misakuvo kwaivegimwaneyedi, kaditutula kwaikewadi toveyomuyomu kwaiveledi, kavagi miguyoguyo inavepopoi abame. No waineye kanamane kabavedodoqa ge inavetutuwai wete inakawalabuki, we guyoguyonidiavo inakeno-vaqata paina tovainaqo gebuka wete naganaga ge inakavekapoidi.

Luke 14:14

Kabamwasana waimue tomo'otoqanidiavo kumaseagadi paipaina, paina ge kadisala inabaivilai. Kawaie Yaubada natomo'otoqa tonotonovidi ditovoi vaituqana waineye muvenapwayewanina kanabaivila kibabaneni.”

Luke 16:11

We kago Yaubada ge kanasala pwayapwaya kanaguyoguyovo waidie inavetumaqanemi, mwaqitanaotoqa abama kanaguyoguyovo waidie ge inavetumaqanemi.

Luke 16:13

“Tamo tolituqa ge kanasala togumetavo kadikailuqa waidie inalitulituqa. Tamo inabaileni wete inavedumwekaikaieni we tamo inavenapwayeweni wete inavematamataneni. Ge kamisala kwaivetolituqa Yaubada wete guyoguyo waidie.”

Luke 16:4

Gunabeida nuagu ikawananaqai ayagovi vakai aivalabubuni. Tomo'otoqa kadiloaga gutomwaya waineye aikavesiasiaidi kavagi tutuyanina aisauyegu lituqanina waineye ainaqo toloaganidiavo puedi inamaseagagu divanuqe aikanikani wete aikenokeno.’

Apositolo Divalabubuna 10:31

we ivesipupu ivo, ‘Konilio, Yaubada imwasana muvelaukui wete mukalaqei tomo'otoqa yomuyomudi waidie paipaina.

Apositolo Divalabubuna 10:4

Konilio anelosenina ikisakikikia igololo-otoqa. Ivelautoli ivo, “Tomwaya, vakai wayaqimu?” Anelose ibaivila ivo, “Yaubada imwasana muvelaukui paipaina wete mukalaqei tomo'otoqa yomuyomudi waidie, gumanidiavo mesaida velomu gabugabunina maqaina giamaina.