Luke 10:2 - Maiadomu

² Ieisu ivonedi ivo, “Bagula bwaigiotoqina wete gunabeida vuadi iyatodi ibwabwaku, we tolituqa ge puedi. Beqa kwaivelaukui Yaubada gumanina tonibagula waineye tolituqa puedi inavetunedi vuaqanidiavo inatavidi nabagula waineye.

Luke 10:2 Iomraidhean Croise

1 Kinivo 18:22

Matautauda Ilaitia ivesipupu waidie ivo, “Iave napalopitavo waidie'eqa yau kaisegu amiamia. We Ba'ala napalopitavo kadiyoko 450.

Malika 13:34

Tamo kabakisa aivonemi: We kago mesaida tamo tomoqo inatauya we navanuqa kanatolituqavo inayatoi dimadie inaekisabodebodeni, wete natolituqavo tamoqana tamoqana dilituqa inaveledi inavavalabubuni, we awa kanatomiagamata inavoneni inamialaugamasa inaekisabodaboda.

Malika 16:15

Ivonedi ivo, “Kwasauyemi kwanaqo taoni tamoqana tamoqana pwayapwaya matatabuna waidie Valea Giamaina kwalauguguyeni tomo'otoqa puepuedi waidie.

Malika 16:20

We kanatovemulivo inaqo vikai puena waidie Valea Giamaina ilalauguguyeni, we Tomwaya ikaivaisedi dilauguguya igiaveluveluluni paina naveluluna beqa kabanuavilele ivalabubunidi tomo'otoqa ikisedi.

Luke 9:1

Tamo tutuya Ieisu kanatovemulivo kadikuma 12 iqolekauqidi inaqo waineye, veluluna wete loina iveledi vaitabu kapoidi inakwavinedi wete toviqa inakavegiagiamaidi.

Apositolo Divalabubuna 11:19

Tutuyanina me Diu Sitibeni iluvewapai, tovetumaqanavo veviqa bwaigina iveleveledi. Beqa tovetumaqanavo iyavula inaqo vikai tupwaidiavo waidie mesaida Ponisia, Salu Saipilosi wete Anitioki taoni waineye. We iesipupu kedakeda Ieisu valeana paipaina we me Diu kaisediqa waidie.

Apositolo Divalabubuna 13:2

Tamo tutuya waineye Ieisu kanatovetumaqanavo imiakauqa Tomwaya waineye isobwasobwanu wete iekudiqana, we Vaitabu Maqemaqetana ivesipupu ivo, “Banabasi wete Saulo kwayatokedi paina avesinuedi inalituqa paipaigu.”

Apositolo Divalabubuna 13:4

Matautauda Vaitabu Maqemaqetana Banabasi wete Saulo Anitioki waineye'eqa ivetuneluguaqetedi inaqo Selusia taoni waineye. Iobu kwadeweye wageye idodoqa inaqo Salu Saipilosi waineye.

Apositolo Divalabubuna 20:28

“Komi tomoqovo bwaigimi taunimi kwavekisabodebodemi, wete tovetumaqanavo gumanidiavo Vaitabu Maqemaqetana imaiedi mivekisabodaboda naqeneye. Kwavekisabodebodedi mesaida sipi kaditovekisabodaboda nasipivo iekisabodebodedi. Gumanidiavo Yaubada natomo'otoqavo, natuna dayaqina beqa itakonadi.

Apositolo Divalabubuna 22:21

“We Tomwaya ivonegu ivo, ‘Kunaqo, Yau aivetunemu kinaqo kanikie Denitali waidie.”

Apositolo Divalabubuna 8:4

Tovetumaqananidiavo Ielusalemaeqa iyavula inaqo vikai tamoqana tamoqana waidie Ieisu Valeana Giamaina ilauguguyeni tomo'otoqa waidie.