Kabavelamu 46:1 - Maiadomu

¹ Beqa Iakobo nasakuvo matatabudi ivalabubunidi ilogwegwe inaqo Itipita pwayapwayana waineye nasusuvo taiauda. Tutuyanina ilekwa Bedisiba taoni waineye, kaisayanidiavo iluvewapadi igabunidi tamana Aisake na Yaubada waineye velomu paipaina.

Kabavelamu 46:1 Iomraidhean Croise

Kabavelamu 21:14

Beqa kawakawaiotoqe Ebelamo kadi wete kadibwasi kabagoi mebwasina gumanina kaisaya bunudieqa ivalabubunidi ikewadi, Ega kavaladie iveolidi. Matautauda Ega menatudi iveuqeuqedi itauya.

Kabavelamu 22:13

Matautauda Ebelamo idumalagata ikisanaqo sipi lamoqina ikiseni kanasito ivesikewedi welavi siaina waineye iepaisiwa. Beqa inaqo igiatakia imaieni iluvewapai isilagai, matatabuna igabuni ikalaguali didiqa tabwaneye navelomu Iave waineye natuna kanaketopesala.

Kabavelamu 28:10

Iakobo Bedisibaeqa itauya inaqonaqo Elana taoni waineye.

Kabavelamu 28:13

We Iave luvewananina tabwaneye itovotovoi ivona ivo, “Yau Iave, tubumu Ebelamo na Yaubada wete tamamu Aisake na Yaubada. Pwayapwayanina waineye kukenokeno, aivelemu wete tubuleleleqimwavo aiveledi.

Kabavelamu 4:4

Wete Ebeli tupwaidiavo nasipi natudiavo gumegumetadi iluvewapadi, we dukudi giamaiotoqidi ikewadi imaiedi navenapwayewa paipaina ikalaqeiedi Iave waineye. We Iave Ebeli taunina wete navenapwayewa paipaina imwasana,

Kabavelamu 45:28

Beqa Iakobo ivesipupu ivo, “Vona mwaqitana! Natugu Iosepa meyawaina ge idawapa. Ainaqo aikiseni mulineye aiwapa.”

Kabavelamu 8:20

Matautauda Noa didiqa Iave kanavelomu kabakanigabu ilauqi. Kaisaya maqemaqetadi, manuqa maqemaqetadi Iave itagwanedi kanavelomu paipaina ikewadi, beqa kaisayanidiavo velomu paipaina matatabudi igabunidi ikalagualidi didiqa tabwaneye Iave kanavekimatana paipaina.

Apositolo Divalabubuna 7:15

Beqa Iakobo inaqo Itipita waineye. Mulineye gumanina wete natunavo iwapa no waineye.

1 Samuela 3:20

Beqa me Isileli matatabudi Dani taoni waineye'eqa inaqo Bedisiba taoni waineye iyagova-otoqi Samuela Iave napalopita.