Kabavelamu 26:4 - Maiadomu

⁴ Yau tubuleleleqimwavo puedi aivelemu, kadiyoko mesaida mwatuia abame. We pwayapwaya dede matatabuna aivelemu wete aiveledi. Tubuleleleqimwavo waidie'eqa kabaloina matatabudi pwayepwayeye giamaina inababaneni,

Kabavelamu 26:4 Iomraidhean Croise

Kabavelamu 13:16

Tubuleleleqimwavo puedi aivelemu ge tamo aitoi kanasala inawawai. Kaia mesaida magama tubuleleleqimwavo ge tamo aitoi kanasala inawawai.

Kabavelamu 15:5

Matautauda Iave Ebelam iluguaqeteni maleweye ivoneni ivo, “Kukisalaga abama waineye mwatuia kukisedi. Komu kanasala mwatuia kiwawadi? Gebuka! Tutuya imaimaiqa tubuleleleqimwavo kadiyoko mwatuia mesaida. Gebuka tamo aitoi kanasala inawawa-kakavadi.”

Kabavelamu 28:14

We inayavula inanaqo youyaeqa (wesiti), bolimanaeqa (isiti), kotalaeqa (noti) wete kwaibogaeqa (sauti). Tubuleleleqimwavo aikavepue-otoqidi mesaida pwayapwaya kaupualina, gumanina ge tamo aitoi kanasala inawawai. Pwayepwayeye tomo'otoqa disusuvo matatabuna giamaina inababaneni komu wete tubuleleleqimwavo waimie'eqa.

Kabavelamu 28:3

We Yaubada Veluvelulunaotoqina inavonavenapwayewemu beqa komu kivenatuna we natumwavo inavepue-otoqa, we tubuleleleqimwavo kamukabeida tomo'otoqa kadiyoko bwaigidi we dikabaloinavo puedi.

Kabavelamu 35:12

Pwayapwaya dede gunabeida Ebelamo wete Aisake waidie avonadabadaba akalaqeieni wete avonadabadaba aikalaqeieni waimue, wete tubuleleleqimwavo mulimue waidie pwayapwaya dede aikalaqeieni waidie.”

Isauyedi 32:13

Kunuani mutolituqavo Ebelamo, Aisake wete Iakobo muvonadabadaba kamuwavaqaeqa kuveledi. Kuvonadabadaba kuvo, ‘Tubuleleleqimiavo aikavepue-otoqidi mesaida mwatuia abame, wete dede pwayapwayanina matatabuna aiveledi dipwayapwaya ge menakabakakava.”

Apositolo Divalabubuna 3:25

Komi dede palopitavo natudiavo, we komi naqeneye vonadabadaba Yaubada ivalabubuni tubumiavo taiauda. Paina Yaubada Ebelamo ivoneni ivo, ‘We kamukabeida tubuleleleqimwavo waidie'eqa tomo'otoqa matatabuna pwayepwayeye giamaina inababaneni.”