Kabavelamu 22:2 - Maiadomu

² Matautauda Yaubada ivo, “Natumu kaiseotoqina Aisake, gumanina nuapoumu, kumaseagai kwanaqo Molaia navikaie we tamo koya aivevemu. No waineye natumu kiluvewapai vovona matatabuna kigabuni muvelomu waigue.”

Kabavelamu 22:2 Iomraidhean Croise

Kabavelamu 17:19

We Yaubada ivo, “Gebuka. Mwanemu Sela waidie'eqa natumu inatubuqa kiqoleni Aisake. Gumanina waineye guvonadabadaba aivalabubuni wete tubuleleleqinavo imaimai waidie ge inakakava inakeno-vaqata.

Kabavelamu 21:12

We Yaubada Ebelamo ivoneni ivo, “Ge nuamu inakapo Isimeli wete inana paipaidi. Tubuleleleqimwavo avonadabadaba aivelemu gumanina Aisake waineye'eqa kawaie inasauyedi, beqa Sela kuvevaneneqedi mesaida kivalabubunedi.

Kabavelamu 21:3

Natudi itubuqa, we Ebelamo iqoleni kanawavaqa Aisake.

Kabavelamu 22:12

Iave na'anelose ivona ivo, “Iave ivo, ‘Natumu ge kiluvewapai wete ge vakai kivalabubuni waineye. Natumu kaiseotoqina ge kudavenualoloyeniqa waigue, beqa komu gunabeida ayagovimu Yau Iave mwaqitana kuvekimatanegu.’ ”

Kabavelamu 22:16

“Iave ivona, ‘Komu kuvekimatanegu. Natumu ge kudavenualoloyeniqa, natumu kaiseotoqina nuapoumu, beqa Yau kaguwavaqaeqa avonadabadaba waimue

Kabavelamu 22:3

Beqa ikawananaqai kawakawaie, Ebelamo itovoi nakaikweukweu igeidi navenapwayewa kanakai nadonikie idodoqidi. Natuna Aisake imaseagai wete natolituqavo kadikailuqa taiauda itauya inaqonaqo vikainina Yaubada ivesipupuyeniqa waineye.

Kabavelamu 22:9

Tutuyanina itauya inaqo vikainina Yaubada ivesipupuyeni waineye ilekwa, Ebelamo gileu ilauqi mesaida didiqa velomu kabakanigabu, we didiqanina tabwaneye kaikweukweu iliai. Matautauda natuna Aisake ikavekavini dimana wete kaqena iyoqonidi ikakava ikavalai isilagai kaikweukweu tabwaneye.

Kabavelamu 8:20

Matautauda Noa didiqa Iave kanavelomu kabakanigabu ilauqi. Kaisaya maqemaqetadi, manuqa maqemaqetadi Iave itagwanedi kanavelomu paipaina ikewadi, beqa kaisayanidiavo velomu paipaina matatabudi igabunidi ikalagualidi didiqa tabwaneye Iave kanavekimatana paipaina.