Kabavelamu 22:1 - Maiadomu

¹ Diqaba puedi ikakava mulineye, Yaubada Ebelamo navetumaqana ivekautovoni. Yaubada iveqole ivo, “Ebelamo! Ebelamo!” Inoqaya ivo, “Uuu, Yau sideqoigu.”

Kabavelamu 22:1 Iomraidhean Croise

Kabavelamu 15:1

Matautauda Iave Ebelam waineye kenokisakisaeqa iveveni ivoneni ivo, “Ebelam, ge kigololo. Yau kamubebela aibalabodebodemu. Kamukabei kamututula bwaigina aivelemu.”

Kabavelamu 21:11

Ebelamo ge idamwasana dede vonanina paipaina, paina Isimeli wete taunina natuna.

Kabavelamu 22:11

We Iave na'anelose abame'eqa iveqole waineye ivo, “Ebelamo! Ebelamo!” We Ebelamo inoqaya ivo, “Uuu, Yau sideqoigu.”

Kabavelamu 22:7

Inaqonaqo kedeye Aisake ivo, “Tamagu!” Ebelamo ivo, “Ee, natugu.” Aisake tamana ivelautolieni ivo, “Tamagu, kaikalakalata wete kaikweukweu dede we sipi natuvauna vakaiebei, kaigodi tailuvewapai taigabuni davelomu Iave waineye?”

Kabavelamu 37:13

Beqa tamadi Iakobo, Iosepa ivoneni ivo, “Tatamwavo bwaigidi Sikemi navikai waineye imiamia sipi we gouti iekisabodaboda. Wayaqigu aivetunemu kinaqo waidie.” Beqa itagwana ivo, “Giamaina, ainaqo.”

Kabavelamu 46:2

No lovananina Yaubada ivesipupu Iakobo kenokisakisaeqa waineye ivo, “Iakobo! Iakobo!” Ibaivila ivo, “Uu, Yau sideqoigu.”

Isauyedi 16:4

Matautauda Iave Mosese waineye ivesipupu ivo, “Kwavevaneneqa! Yau beledi aivoneni inayavuta abame'eqa mesaida kwei komi paipaimi. Kaiata tamoqana tamoqana tomo'otoqa dibaekwa waidie inasasauyedi beledi inakakaigwagwa kaiatanina tamoqana kanaketoava paipaina. Dede mesaida aivekautovonidi aiyagovidi oge guloinavo ivemuliedi o gebuka.

Isauyedi 3:4

Tutuyanina Iave Mosese ikiseni imaimai welavinina siaina iyabeyabela inakisa-vekavekaia, Yaubada iveqole welavinina waineye ivo, “Mosese-e! Mosese-e!” Mosese ibaivila ivo, “Uu, yau sideqoigu.”

Loina Kanaveluqa 8:16

Pwayapwayamaiqe mana beqa ivekanimi, kanikaninina tubumiavo base ge idakania. Wayaqina mwaunidiavo beqa inavekautovonimi kwainuaobu kavagi kabavekakava waineye inavalabubuna-giagiamai waimie.

Loina Kanaveluqa 8:2

Mosese me Isileli ivonedi ivo, “Kwainuanuani Iave mi Yaubada diqaba 40 naqedie ikedagumetemi pwayapwayamaiqe. No waineye wayaqina kwainuaobu we inavekautovonimi nuapoumi inakisedi oge naloina kwaivekimatanedi o gebuka.

1 Samuela 3:4

Iave iveqoleluguaqeta ivo, “Samuela!” Samuela ibaivila ivo, “Yau sidede.”