Kabavelamu 17:1 - Maiadomu

¹ Tutuyanina Ebelam kanadiqaba 99 waineye, Iave imai waineye ivesipupu ivo, “Yau Yaubada Veluvelulunaotoqina. Kiavegu kulaukiaveneni. Komu nuapoumu tamoqana kuyatoi gunuanuana waineye, we ge tamo kapoina kivalabubuni,

Kabavelamu 17:1 Iomraidhean Croise

Kabavelamu 12:1

Matautauda Iave Ebelam ivoneni ivo, “Kutovoi, muvikai, mumanuqa wete tamamu navanuqa kubailedi. Kunaqo vikainina kawaie aivevemu waineye.

Kabavelamu 12:7

No waineye Iave ilausimatala Ebelam waineye ivo, “Kenani pwayapwayanina dede tubuleleleqimwavo aiveledi.” Beqa Ebelam didiqa ilauqi no waineye Tomwaya kanavelomu kabakanigabu paipaina. Kenani pwayapwayana naqeneye, Ebelam menayokovo kaia isasasalamo vikai tamoqana tamoqana waidie. We vanuqa ge idayoqonidi kabamiavaqata paipaidi kaia ukwetaqa waidie imiamia. Kaiatanina inatauya mali vikaie, ukwetanina inakewai, inanunumi, kaisaya kanawavaqa kameli dumweneye inayatoi inakavalai taiauda inanaqo. We kanikani ge idabagubagula, we kaia kaisaya iekisabodebodedi. Tutuya puena dikaisaya meyokodi libi iekalakani beqa libi inalauala paipaidi. Kaiata tupwaidiavo dikaisaya waidie ikanikani wete tupwaidiavo dikaisaya tomo'otoqa igimwagimwane kadi paipaina. Ebelam menatomo'otoqavo kanikani witi igimwagimwane malitomo'otoqa waidie. Witi beqa pwalawa ivalabubuni wete beledi ietavoqidi.

Kabavelamu 18:1

Iave imai Ebelamo waineye Mamile nawelavi bwaigidi lamudie. Vesipusipupuna dede. Tutuyanina kaiatagamwana waineye yauyauta bwaigina, Ebelamo imiabui imiamia na'ukweta kana'awa waineye.

Kabavelamu 18:14

Ge tamo mwauna Yau waigue. Mesaida aivesipupuyedi, dede kaiatanina waineye diqaba imaimai aivila aimai komu waimue mwanemu Sela gwamana lamoqina inavenatuneni.”

Kabavelamu 26:2

Matautauda Iave ilausimatala Aisake waineye we ivoneni ivo, “Ge kinaqo Itipita, kaia dede waineye kimiamia kanaketoava lase inakakava, we Yau komu taiauda taimiamia aivonavenapwayewemu. Yau pwayapwaya dede matatabuna aivelemu wete tubuleleleqimwavo. We vakai avonadabadaba tamamu Ebelamo waineye aivalabubuni komu paipaimu.

Kabavelamu 28:3

We Yaubada Veluvelulunaotoqina inavonavenapwayewemu beqa komu kivenatuna we natumwavo inavepue-otoqa, we tubuleleleqimwavo kamukabeida tomo'otoqa kadiyoko bwaigidi we dikabaloinavo puedi.

Kabavelamu 35:11

Matautauda Yaubada ivoneni ivo, “Yau Yaubada Veluvelulunaotoqina. Kivenatuna kivepue-otoqa. Tubuleleleqimwavo kamukabeida tamo tomo'otoqa kadiyoko bwaigidi we dikabaloina puedi, we kabaloinavo kadikinivo komu tubuleleleqimwavo waidie'eqa kawaie inasauyedi.

Kabavelamu 46:3

Matautauda Yaubada ivo, “Yau tamamu na Yaubada. Ge kigololo kinaqo Itipita pwayapwayana waineye, paina kawaie Yau tubuleleleqinavo aikavepuedi dikabaloina inavebwaiga no vikainina waineye.

Kabavelamu 48:3

Matautauda Iakobo Iosepa ivoneni ivo, “Yaubada Veluvelulunaotoqina isauyeni waigue vanuqa Lusi Kenani waineye ivonavenapwayewegu,

Kabavelamu 6:9

Dede Noa wete tubuleleleqinavo vesipusipupudi dede mesaida: Noa natunavo kadikaitonu kadiwavaqa Semi, Ami, Iepeti. Noa kaisena tomoqo tonotonovina. Natutuya waineye gumanina kaiseotoqina kaia tomoqo giamaina pwayapwaya tabwaneye. Tutuya puena Yaubada taiauda ieiaiana.

Luke 1:6

Sakalaia wete Elisabeti divalabubuna tonotonovina Iave mataneye, naloina wete navemataluana matatabudi iematamatanidi.

Apositolo Divalabubuna 23:1

Paulo ikisanaqo Diu Kaniselevo waidie ivesipupu ivo, “Egwavo, tutuya puena guvalabubuna kaia tonotonovina Yaubada mataneye beqa nuapougu maqemaqetana.”

Apositolo Divalabubuna 24:16

Beqa tutuya matatabuna aekautovona aimia yawaina tonotonovina wete nuapougu maqemaqetana Yaubada wete tomo'otoqa matadie.

Loina Kanaveluqa 18:13

We komi ilaubwainemi tutuya matatabuna mivalabubuna tonotonovidi Iave mi Yaubada mataneye.