Kabavelamu 15:5 - Maiadomu

⁵ Matautauda Iave Ebelam iluguaqeteni maleweye ivoneni ivo, “Kukisalaga abama waineye mwatuia kukisedi. Komu kanasala mwatuia kiwawadi? Gebuka! Tutuya imaimaiqa tubuleleleqimwavo kadiyoko mwatuia mesaida. Gebuka tamo aitoi kanasala inawawa-kakavadi.”

Kabavelamu 15:5 Iomraidhean Croise

Kabavelamu 12:2

“Tubuleleleqimu puedi aivelemu, wete dimanuqa inavebwaiga wete veluvelulunidi. Waimue aivalabubuna giagiamai wete kamuavaqa aikavebwaigi. Beqa kawaie tupwaidiavo tomo'otoqa digiamaina inababaneni komu waimue'eqa.

Kabavelamu 13:16

Tubuleleleqimwavo puedi aivelemu ge tamo aitoi kanasala inawawai. Kaia mesaida magama tubuleleleqimwavo ge tamo aitoi kanasala inawawai.

Kabavelamu 17:2

beqa guvonadabadaba veluvelulunina aigiavepakali komu waimue, wete tubuleleleqimwavo aikavepue-otoqidi.”

Kabavelamu 22:17

avona-otoqa aivonavenapwayewemu we tubuleleleqimwavo aikavepue-otoqidi. Kadibou mesaida mwatuia abame wete magama kwadeweye, we wete kadiqaviavo inavelulunapeledi divikai inakewadi.

Kabavelamu 26:4

Yau tubuleleleqimwavo puedi aivelemu, kadiyoko mesaida mwatuia abame. We pwayapwaya dede matatabuna aivelemu wete aiveledi. Tubuleleleqimwavo waidie'eqa kabaloina matatabudi pwayepwayeye giamaina inababaneni,

Kabavelamu 28:14

We inayavula inanaqo youyaeqa (wesiti), bolimanaeqa (isiti), kotalaeqa (noti) wete kwaibogaeqa (sauti). Tubuleleleqimwavo aikavepue-otoqidi mesaida pwayapwaya kaupualina, gumanina ge tamo aitoi kanasala inawawai. Pwayepwayeye tomo'otoqa disusuvo matatabuna giamaina inababaneni komu wete tubuleleleqimwavo waimie'eqa.

1 Kinivo 3:8

Yau mutolituqa, mutomo'otoqavo vesivesinuadi gamwadie, kadiyoko bwaigiotoqina wawawayoqa.

Isauyedi 32:13

Kunuani mutolituqavo Ebelamo, Aisake wete Iakobo muvonadabadaba kamuwavaqaeqa kuveledi. Kuvonadabadaba kuvo, ‘Tubuleleleqimiavo aikavepue-otoqidi mesaida mwatuia abame, wete dede pwayapwayanina matatabuna aiveledi dipwayapwaya ge menakabakakava.”

Iosua 24:3

We Yau tubumi Ebelamo amaseagai Iupelesiti pwayapwayana waineye'eqa akedagumeteni amaieni Kenani pwayapwayana waineye. Natuna Aisake wete tubuna Iakobo waidie'eqa tubuleleleqinavo puedi aveleni.