Kabavelamu 12:7 - Maiadomu

⁷ No waineye Iave ilausimatala Ebelam waineye ivo, “Kenani pwayapwayanina dede tubuleleleqimwavo aiveledi.” Beqa Ebelam didiqa ilauqi no waineye Tomwaya kanavelomu kabakanigabu paipaina. Kenani pwayapwayana naqeneye, Ebelam menayokovo kaia isasasalamo vikai tamoqana tamoqana waidie. We vanuqa ge idayoqonidi kabamiavaqata paipaidi kaia ukwetaqa waidie imiamia. Kaiatanina inatauya mali vikaie, ukwetanina inakewai, inanunumi, kaisaya kanawavaqa kameli dumweneye inayatoi inakavalai taiauda inanaqo. We kanikani ge idabagubagula, we kaia kaisaya iekisabodebodedi. Tutuya puena dikaisaya meyokodi libi iekalakani beqa libi inalauala paipaidi. Kaiata tupwaidiavo dikaisaya waidie ikanikani wete tupwaidiavo dikaisaya tomo'otoqa igimwagimwane kadi paipaina. Ebelam menatomo'otoqavo kanikani witi igimwagimwane malitomo'otoqa waidie. Witi beqa pwalawa ivalabubuni wete beledi ietavoqidi.

Kabavelamu 12:7 Iomraidhean Croise

Kabavelamu 13:15

Komu wete tubuleleleqimwavo waidie aikalaqeieni pwayapwayanina matatabuna kukiseniqa we inakeno-vaqata paipaimi.

Kabavelamu 13:17

Dede pwayapwayanina matatabuna aivelemu beqa kunaqo kusasali we kuvetonova-vekavekaia.”

Kabavelamu 13:18

Beqa Ebelam itauya inaqo tamo tomoqo kanawavaqa Mamile nawelavi bwaigidi lamudie ivebaekwa Ebiloni taoni vivineye. No waineye didiqa ilauqi Iave waineye inasobwanu.

Kabavelamu 17:1

Tutuyanina Ebelam kanadiqaba 99 waineye, Iave imai waineye ivesipupu ivo, “Yau Yaubada Veluvelulunaotoqina. Kiavegu kulaukiaveneni. Komu nuapoumu tamoqana kuyatoi gunuanuana waineye, we ge tamo kapoina kivalabubuni,

Kabavelamu 17:3

Matautauda Ebelam inaqo ilaukabubu maiqinaeqa pwayapwaya waineye, wete Yaubada Ebelam waineye ivesipupu ivo,

Kabavelamu 18:1

Iave imai Ebelamo waineye Mamile nawelavi bwaigidi lamudie. Vesipusipupuna dede. Tutuyanina kaiatagamwana waineye yauyauta bwaigina, Ebelamo imiabui imiamia na'ukweta kana'awa waineye.

Kabavelamu 22:9

Tutuyanina itauya inaqo vikainina Yaubada ivesipupuyeni waineye ilekwa, Ebelamo gileu ilauqi mesaida didiqa velomu kabakanigabu, we didiqanina tabwaneye kaikweukweu iliai. Matautauda natuna Aisake ikavekavini dimana wete kaqena iyoqonidi ikakava ikavalai isilagai kaikweukweu tabwaneye.

Kabavelamu 28:13

We Iave luvewananina tabwaneye itovotovoi ivona ivo, “Yau Iave, tubumu Ebelamo na Yaubada wete tamamu Aisake na Yaubada. Pwayapwayanina waineye kukenokeno, aivelemu wete tubuleleleqimwavo aiveledi.

Kabavelamu 28:4

Base mesaida Yaubada ivonadabadaba tamamu Ebelamo ivonavenapwayeweni, beqa Yaubada inavonavenapwayewemu wete tubuleleleqimwavo. Kamukabei dede pwayapwayanina waineye tamiamia mesaida olaolaga komi kwaikewai mipwayapwaya, gumanina Yaubada ivonadabedabeni Ebelamo waineye.”

Kabavelamu 35:12

Pwayapwaya dede gunabeida Ebelamo wete Aisake waidie avonadabadaba akalaqeieni wete avonadabadaba aikalaqeieni waimue, wete tubuleleleqimwavo mulimue waidie pwayapwaya dede aikalaqeieni waidie.”

Kabavelamu 8:20

Matautauda Noa didiqa Iave kanavelomu kabakanigabu ilauqi. Kaisaya maqemaqetadi, manuqa maqemaqetadi Iave itagwanedi kanavelomu paipaina ikewadi, beqa kaisayanidiavo velomu paipaina matatabudi igabunidi ikalagualidi didiqa tabwaneye Iave kanavekimatana paipaina.

1 Kinivo 18:32

Gileunidiavo ikewadi beqa didiqa ilauqa-vaituqani Iave kanadidiga paipaina. We kanamwaleduba itavi-velauvivili didiqanina waineye, kanabwaiga mesaida 14 litasi bwasi.

Isauyedi 24:4

Matautauda Mosese Iave navona wete naloinavo matatabudi igililidi. We ikawananaqai kawakawaiotoqe itovoi gileu ilauqi didiqa velomu kabakanigabu paipaina koya dibuneye. Wete gileu bwaigidi 12 ivetovoidi me Isileli manuqa tamoqana tamoqana kadinuavekavina.

Isauyedi 32:13

Kunuani mutolituqavo Ebelamo, Aisake wete Iakobo muvonadabadaba kamuwavaqaeqa kuveledi. Kuvonadabadaba kuvo, ‘Tubuleleleqimiavo aikavepue-otoqidi mesaida mwatuia abame, wete dede pwayapwayanina matatabuna aiveledi dipwayapwaya ge menakabakakava.”

Apositolo Divalabubuna 7:5

“No tutuyanina waineye Yaubada ge tamo pwayapwaya Ebelamo idaveleni, ge tamo napwayapwaya siaina idaveleni mesaida kiaveda kanabwaiga, we Yaubada ivonadabadaba waineye kawaie dede pwayapwayanina matatabuna inaveleni wete tubuleleleqinavo inaveledi. No tutuyanina dede vonadabadaba Yaubada iveleni, Ebelamo ge menatuna.

Loina Kanaveluqa 34:4

Matautauda Iave Mosese ivoneni ivo, “Dede pwayapwayanina avonadabedabeni Ebelamo, Aisake wete Iakobo waidie avo, ‘Kawaie tubuleleleqimiavo aiveledi.’ Beqa atagwanemu pwayapwayanina matamueqa kikisenimo we ge kilugu waineye.”

Iosua 1:6

“Kiveluluna wete kinuavatu, tomo'otoqa kigumetedi kwailugu pwayapwayanina waineye kwaikewai kwaimiana, base avonadabedabeni tubudiavo waidie.