Kabavelamu 1:28 - Maiadomu

²⁸ Yaubada ivonavenapwayewedi ivonedi ivo, “Kwavenatuna natumiavo inavepue-otoqa pwayapwaya inaveadaqi. Kwavetoloina yoqoyoqo puepuedi pwayapwaya waineye. Kwaivetokisavekavina iqana ligwagweye, manuqa kawasaseye wete kaisaya puena yawayawaidi isasasala pwayapwaya waineye.”

Kabavelamu 1:28 Iomraidhean Croise

Kabavelamu 1:22

Yaubada sakunidiavo ivonavenapwayewedi ivona ivo, “Iqana kwavenatuna ligwagwa kwaveadaqi wete mesaida manuqa kwavenatuna natumiavo pwayapwaya waineye inavepue-otoqa.”

Kabavelamu 17:16

Mwaqitana, Sela aivonavenapwayewedi waidie'eqa natumu aivelemu, we natumunina waineye'eqa kabaloina puepuedi wete dikinivo inamai.”

Kabavelamu 17:20

Isimeli paipaina gunabeida muvelaukui anoqai. Aivonavenapwayeweni natunavo puedi aiveleni wete tubuleleleqinavo inavepue-otoqa. Gumanina togumetavo 12 tamadi wete tubuleleleqinavo aikavepuedi dikabaloina inavebwaiga.

Kabavelamu 8:17

Waga kwabaileni kwaobuma yoqoyoqo puena kuvonedi inaluguaqeta komi taiauda—manuqa yaveyaveqidi, kaisaya bwaigidi wete siaidi daledaledi—beqa kanasala inavenatuna inavepue-otoqa inasapayavula pwayapwaya waineye.”

Kabavelamu 9:1

Matautauda Yaubada Noa wete natunavo ivonavenapwayewedi ivo, “Kwavenatuna kwavepue-otoqa pwayapwaya kwaveadaqi.

Kabavelamu 9:7

“We komi kwavenatuna kwavepue-otoqa; kwasaila pwayapwaya matatabuna waineye kwaveadaqi.”