Kabavelamu 1:20 - Maiadomu

²⁰ Kaiata kanavedimana waineye Yaubada ivona ivo, “Kaisaya yawayawaimi matatabumi ligwagwa kwaveadaqi, we manuqa kawasaseye kwayaveyaveqa.”

Kabavelamu 1:20 Iomraidhean Croise

Kabavelamu 1:14

Kaiata kanavepuli waineye Yaubada ivona ivo, “Abamaligelige tabwaneye maqetanimiavo kwasauyemi tutuya kwaketovegeia kaiata wete lovana waidie'eqa; kwavekiakiaya kaiata, diqaba wete tutuya paipaidi;

Kabavelamu 1:19

No gunabeida lavilavi wete kawakawai kaiata kanavepuli.

Kabavelamu 1:21

We Yaubada kaisaya tageyoidi ligwagweye imiamia ivalabubunidi, wete tupwaidiavo kaisaya yawayawaidi ligwagweye ivalabubunidi mesaida dituaina, wete manuqa sulidi sulidi yaveyaveqidi ivalabubunidi mesaida dituaina. We Yaubada ikiseni ikawagiagiamaieni.

Kabavelamu 1:22

Yaubada sakunidiavo ivonavenapwayewedi ivona ivo, “Iqana kwavenatuna ligwagwa kwaveadaqi wete mesaida manuqa kwavenatuna natumiavo pwayapwaya waineye inavepue-otoqa.”

Kabavelamu 1:30

We kaisaya puena yawayawaidi matatabudi, manuqa kawasaseye wete kaisaya puena yawayawaidi isasasala pwayapwaya waineye, we kadi avelediqa mosomoso kalakalawidi waidie inakanikani.” We kaia kanamwaqitana mesaida isauyeni.

Kabavelamu 1:7

Yaubada kawasasa ivalabubuni we bwasi iketovegeia, bwasi ilaga kawayavata tabwaneye, we bwasi iobu kawayavata dibuneye. We kaia kanamwaqitana mesaida isauyeni.

Kabavelamu 2:19

Gunabeida Iave Yaubada pwayapwaya tupwaidiavo ikewadi we kaisaya wete manuqa matatabudi ivalabubunidi. Matautauda ikewadi imaiedi tomoqo waineye nakisedi vakai inaqoledi we vakai tomoqo iqoledi, kadiwavaqa kaia mesaida.

Kabavelamu 8:17

Waga kwabaileni kwaobuma yoqoyoqo puena kuvonedi inaluguaqeta komi taiauda—manuqa yaveyaveqidi, kaisaya bwaigidi wete siaidi daledaledi—beqa kanasala inavenatuna inavepue-otoqa inasapayavula pwayapwaya waineye.”

Apositolo Divalabubuna 17:25

We tomo'otoqa ge kadasala vakai tamo taivalabubuni taiveleni, paina vakai matatabuna dimaneye isauyedi wete yawaida lamuna.