Iosua 24:14 - Maiadomu

¹⁴ Wete Iosua me Isileli ivonedi ivo, “Iave kwaivekimataneni, nuapoumi matatabunaeqa kwailitulituqa paipaina. We yaubadavo kwaibailedi base tubumiavo waidie isobwasobwanu tutuyanina imiamia Bwasi Iupelesiti vikaineye wete Itipita waineye. We Iave kaisena kwaivekimataneni.

Iosua 24:14 Iomraidhean Croise

Kabavelamu 17:1

Tutuyanina Ebelam kanadiqaba 99 waineye, Iave imai waineye ivesipupu ivo, “Yau Yaubada Veluvelulunaotoqina. Kiavegu kulaukiaveneni. Komu nuapoumu tamoqana kuyatoi gunuanuana waineye, we ge tamo kapoina kivalabubuni,

Luke 8:15

Waipei tupwaidiavo ibeku iobu pwayapwaya giamaina waineye kananuanuana, mesaida tomo'otoqa Yaubada navona inoqai inuapwateni. Nuapoudi iveadaqidi nuanuana tonotonovidi wete giamaidi beqa. Ikalamaqiqita kanaketoava ivuaqa, we vuaqa giamaina.”

Apositolo Divalabubuna 9:31

Matautauda tovetumaqanavo kadiyoko imiamia Iudia, Galili wete Samelia Polovinisi imia niwalova, paina ge tamo aitoi veviqa bwaigina inaveleveledi. We Vaitabu Maqemaqetana tovetumaqanavo igiavepakalidi we divetumaqana igiaveluvelulunidi. Tovetumaqanavo kadiyoko ivebwaiga, we Tomwaya ivekimatana-otoqeni.

Loina Kanaveluqa 18:13

We komi ilaubwainemi tutuya matatabuna mivalabubuna tonotonovidi Iave mi Yaubada mataneye.

Iosua 24:2

We Iosua ivesipupu tomo'otoqa matatabudi waidie ivo, “Iave me Isileli da Yaubada ivesipupu ivo, ‘Basenaqaida tubumiavo Tila menatunavo Ebelamo wete Naoli imiamia Bwasi Iupelesiti vikaineye, we yaubadavo sulidi waidie isobwasobwanu.