Yelsom 1:3 - mzwDBL

³ He nosɔɔhsoma sɔɔh som, he sɔn do kɛŋɔ baa fuɡe nosɔɔhsoma ta. A waa ɡela bitoli bwa ɛɛ nyin he wa.

Yelsom 1:3 Iomraidhean Croise

Yela 133:2

A wer dɛ do kɛŋɔ, baa dɛ cheɡ Arɔn sɔfore ta, dɛ fuɡe noo a yoɡ aa kpeɡa do o nyu ta, a palɛ jo o tampona ta, dɛ ba le o batakaare baŋa ta ken.

Yela 45:14

O do batakaarejaŋ ba sɔh kwaa dawɛ o ta, baa ba o ne hen kooro be, o toli teŋɛ o nɛ, baa ba ba ɡe ne he be.

Kaala 33:12

Anee Mosis ŋɔ Korowii be ŋɔ, “N Naa Korowii, saŋ bɛlbwaa he yon ŋɔ n tɔ nɛra nɔ sie dɛ́ kpɔ ba kaa, kɛ nɛn waa ja n nɛɛ la te he ta ɡelɛ mɛɛ jemɔ. He berɔ ŋɔ he jem mɛ kɛrɛdɛ he sie ɛɛ lɛ n nɛ.

Kaala 33:19

Korowii ŋɔ, “Mɛɛ ɡeloo he na n wedɛɛɡa ne n jerema bwa, ásɛ n yerɛ n sɔndɛɛɡe maa dɔa la he be kɛŋɔ menee Korowii. Mɛɛ na nɛra maa dɛ nyin kɛ n na ba sum la sumii, dɛ́ dɔ tedoma tɛ banɔ la maa dɛ nyin ɡe.

Sɛɡla 27:9

Konsɔɔhsoma sɔɔh ɡelɔ nɛn sie ɛɛ lɛ, ɡɛɛ dansom tenten ɡe liire waa tɛɛ la do.

Wejereme 7:1

Sɔndɛɛɡe wer ɡwaa nosɔɔhsoma, ɡɛɛ seo tɔpere ɡe do wer ɡwaa lola tɔpere.

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

Yelsom 4:10

N hanfale ne n sɛnodɛɛɡe, na ɡɛ n sie aa lɛ he nyina haa dɛ nyin mɛ ta! He nyina dɔ pɛla kohona dɛ ɡwaa sen, asɛ he konsɔɔhsoma sɔɔh ɡwaa daawiile baa dɛ fuah sɔɔh.

Yelsom 5:13

O faɡra wer kɛŋɔ bodɛɛɡe baa du daa konsɔɔhsoma su o bwa. O nyotɔn do kɛŋɔ kpɔɡa fee aa wera, korobo noo pweoh.

Yelsom 5:5

N iro ŋɔ n yao ɡbera, n nonie ne n nɔɔra bwa maa korobo, ɡɛ saŋ maa lawɛ ɡbera la koŋkare kon la.

Yelsom 6:8

Dɛ haŋkoranar fifraanumɛl, ne sɛnanar fifraanuatoro, dɛ toli baa wola baala jemɛ mɔɔ, baa wola nyoa dɔe kwara baa che naa,

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Matiu 25:1

Yeesu berɔ ŋɔ, “Men Nɛn Bie bala la telaa, kenii Korowii Kora ɛɛ ba doe. O dɛ ba doe kɛŋɔ toli fi bane baa ira dɛ kpɔ ba kandere dɛɛ la ká cheme hanfale jaa.

Amanesoma Jɔn Aa Chwera Tɔn 12:3

Anee Mɛɛre kpɔ nosɔɔhsoma loŋbir a yoɡ aa kpeɡa kohona ba fuɡe ta Yeesu napaala ta, dɛ kpɔ o nyumpona dɛɛ feera. Asɛ dea la bini bwa sɔɔh do som ken.

2 Kɔrent 11:2

He waa dɛ we n bwara kɛŋɔ he wa aa dɛ we Korowii nɛɛ la. He do kɛ haah waa wola baa jemɛ bwa, asɛ n kpɔɔ tɛ baa bɛl yal ken. Yeesu Kristo ɡbaɡbaa a ɡɛ baa nɔ, o ɡboo chɛ kɛ ó ɛ he jaa.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.