Yela 127:3 - mzwDBL

³ Bii ɛ kwaa Korowii aa swee nɛra andɛɛɡa, dɛ kpɔ dɛɛ kɛ ba.

Yela 127:3 Iomraidhean Croise

Mumpar 1:28

Korowii swee andɛɛɡa tɛɛ ba dɛ ŋɔ, <>

Mumpar 24:60

Asɛ ba swee andɛɛɡa tɛ Rebɛka ŋɔ, “Ya nimambie, Korowii ɡel he ya kohona, he mun ya kohona aa wola nyoa dɔ, ásɛ he naanar yo lɛ ba dɔma bwɛɛre dɛɛ di a kpeɡri.”

Mumpar 33:5

Esɔ na haahna la ne bechale la, dɛ pɛɛro ŋɔ, “Aah bamewa ɡee ja he nɛɛ nɔɔ?” Asɛ Jekɔb chaŋe dɛ ŋɔ, “A ɡɛ bii nɔ, Korowiirii sune n nɛɛ dɛ kpɔ ba tɛ mɛ.”

Mumpar 4:1

Adam la o haah Hawa be, asɛ o kpoŋe tea dɛ lolɛ bie, asɛ haah la lii o nyu bini ŋɔ, “Korowii alaworomɛ, n dɔ bibaa, dɛ pa o sɔn Keen.”

Mumpar 48:4

O baɡ mɛ nyoa ŋɔ, ‘Mɛɛ ɡeloo he mun ya, ásɛ he naanar warɛ kohona. Mɛɛ kpɔ harɛ nɔɔ tɛ he naanar ó ɛ ba kon saŋ bɛlbwa dɛɛ la.’ ”

2 Samoɛl 3:5

binumɛl te la sɔne Itriam, Kooro Devid haah Eɡla biee. A ɡɛ bibaala nɔɔ Kooro Devid lolɛ Hɛbrɔn.

1 Webena 28:5

Korowii tɛ mɛ bibaala warɛ taeh, o le Solomɔn ba bini ŋɔ ó so Israel kora waa ɛ Korowii kon ta.

1 Webena 8:40

Ulam bibaala waa lol ba ɛ banyoola dɛ jemɛ to ne yoi kɛrɛdɛ. Ba dɔ bibaala ne naanar taeh, ba lɔ nɛra lafa fifraanue. Bɛnjamen naanaree ba nɔ bwa.

Job Tɔn 1:2

O lolɛ bibaala banuanɛ dɛ bihaahna batoro,

Aesaya 13:18

Baa kpɔ ba tori ne hɛmaa le bonɔɔna nɛɛ dɛ́ kpoo ba. Ba te waane laa bechasɔɔhne wa, ba ta tedoma dɔe tɛ bechajeɡre ɡe.

Aesaya 8:18

N ne bechale Korowii aa tɛ mɛ laanee la. Nemenɛ Korowii waa soɡe Saayɔn Bwejen ta la ɡelɔ ya che tɛ waa aa dɛ ba ɛɛ Israel tena bini.

Mmarare 28:11

Wɛɛ tɛ heyaa biirii taeh, dɛ́ tɛ heyaa nae kohona, ásɛ dɛ berɛ ɡel he dɔ koo kondikwaa kohona, harɛ waa baɡɛ he naawa nyoa ŋɔ wɛɛ kpɔɔ tɛ heyaa la ta.

Mmarare 28:4

Wɛɛ swee andɛɛɡaa tɛ heya dɛ́ tɛ heyaa lol, dɛ́ berɛ ɡel he kooni do wer, ásɛ he kondɛɛra kɛŋɔ nae ne peera ya.

Sitɔɔla 12:9

Dɛ o dɔ bibaala fifraatoro dɛ bihaahna ɡe fifraatoro. O kpɔ o bihaahna la tɛ baala baa wola o dea ta leɛ ba mo. Asɛ dɛ ka mo toli fifraatoro baa wola o dea ta leɛ tɛ o bibaala la. Ibsan tɔ Israel tena sie bene anuanɛ.

1 Samoɛl 1:27

N kpɔɔ bil Korowii sie ŋɔ ó tɛ mɛ bie nɔ, asɛ o sɛh n nyoa dɛ tɛ mɛ.