Yela 127:1 - mzwDBL

¹ Dɛ Korowii ta chae ba ma dea aa, mamaala koeh bwa ɛ pɛɛ. O ɡbabir ta bwɛɛ daahnɛ aa, nɛra baa dɛ daah la dɛ koh pɛɛ.

Yela 127:1 Iomraidhean Croise

1 Koranar 5:12

Korowii tɛ Kooro Solomɔn wejema ɡɛ waa bola la. O ne Kooro Hiram baah do wer, asɛ ba fɔwɛ deŋnesɔɔhna fɔo.

1 Webena 28:10

Jemɛ kɛŋɔ henee Korowii le ŋɔ he do o Dea tɛo. Gel he siwi beɡre dɛ́ ɛ ɡɛ waa doe la bwa.”

1 Webena 28:20

Kooro Devid berɔ ŋɔ o bie Solomɔn be ŋɔ, “Dɔ bambile dɛ́ che kiŋkiŋ, dɛ́ ɛ toma la. Dɛɛ berɛ ɔma, Korowii maa dɛ tomɛ la ja he nɛ. Waa he habɔɔ le bwa ka tel kɛŋɔ Dea la toma bɛlbwa aa tona.

1 Webena 29:19

Gel n bie Solomɔn kpɔ o bambile bwa dɛɛ teŋɛ wobɛlbwa haa doo ta, ó won ma Korowii Dea maa kpɔ o laala tɛo nɔ.”

Yela 120:1

N fa aa lɔ wenaale ta la, n wio no Korowii, asɛ o chaŋ mɛ.

Yela 121:1

N ha sie nyiŋi bwejena dor. Umee n dɔ ó ba cha mɛ nɔ?

Yela 122:1

N sie lɛo kɛ baa ŋɔ n be ŋɔ, “Ir ya la Korowii Dea.”

Yela 123:1

N Naa Korowii, he siwi taa mɛɛ nyiŋi nyundua, bela haa dɛ di kora la.

Yela 124:1

Dɛ Korowii fe ta ya nɛɛ jae yaa, ɛrɛɛ ya fe ɛɛ ba doe yɔ? Israel tena, hé bwa chaŋe!

Yela 125:1

Nɛra baa kpɔ ba te dawɛ Korowii nɛɛ la do kɛŋɔ Saayɔn Bwejen. Baa yiiɡi bwa, dɛ che kiŋkiŋ saŋ bɛlbwa dɛɛ la.

Yela 126:1

Korowii aa bera lawɛ yaa ba Jerusalam la, dɛ a do kɛŋɔ deera ken ya be.

Yela 72:1

N Naa Korowii, baɡle kooro ɡɛ waa bol wa, dɛɛ pa bole aŋwɛnɛ ta, ɡɛ he wa aa toɡra. Baɡlo o do ɡɛ haa doa la,

Yela 78:69

Belaa o ma o Dea, o do jaŋne kɛ bwejena ken. O mao o che kɛ harɛ waa tao nɔ, dɛ che kiŋkiŋ saŋ bɛlbwa dɛɛ la.

Sɛɡla 16:9

Nɛn nyubini liire nee wɛɛ maɡle wa, kɛ Korowiirii dɛɛ baɡle waa waa ɛ.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Yelsom 3:3

Nɛra baa dɛ daah bwɛɛ la ɡaaɡɔ dɛ ba puu mɛ, asɛ n bɔɔ ba ŋɔ, “He na nɛn n bambile aa lawɔ mɛɛ nyinu kohona la aa?”

Yelsom 5:7

Nɛra baa dɛ daah bwɛjen la ɡaaɡɔ dɛ ba chem mɛ o bini. Ba lɔɔ mɛ, dɛ do mɛ bol, dɛ lɛ n yal kaa.

Aesaya 27:3

“Men Korowiirii dɛɛ nyiŋi o ta, menee dɛɛ do nee o ta tɔpere bɛlbwa, chɔɔ ne jwaana bwaa mɛɛ daahno, ásɛ nomɛlbwa bɛ on ba chɔɡ.

Aesaya 56:10

Nomonome baa ɛ sitɔɔla dɛɛ daah n nɛra Israel tena la, ba do kɛŋɔ nyoŋa ken, baa waa mun no. Ba do kɛŋɔ nyootena aa wola won wor dɛ chɔ dɛɛ dee ɡbo, dɛɛ nyin chɔe.

Aesaya 62:6

Jerusalam, n kpɔ nɛra ba so he danjwɛɛre ta baa daahne. Baa nyoa tɔ webaŋa ne jwaana bwa. Baa lii Korowii o nyobaɡa la waa, ásɛ o bɛ he waa soh.

Jeremia 51:12

Hé ir fraŋkaa ásɛ laa tena jemɛ dɛ́ ba kuuɡi Babelɔn danjwɛɛre. Hé le laa tena la bane ba ba ja dɛɛ daah bwɛɛ la dahare, bane ɡe chɔ baro.” Korowii dɔɔ kpɔ liire ŋɔ wɛɛ chɔɡ Babelɔn tenaa.

Jeremia 51:31

Nae toroma na teŋɛ dɛ kaa bol Babelɔn kooro be ŋɔ, ba kuuɡi o bwɛjen la danjwɛjen dɛ jo o bini.

1 Kɔrent 15:14

Dɛ Korowii ta Yeesu Kristo ire seo ta te naa, amɔ te waa yaa dɛ baɡle heyaa la, ne yarada haa dɛ yarada Yeesu Kristo la bwa ɛ pɛɛpɛɛ.

1 Kɔrent 3:7

Anomanta, nɛn waa dɛ du kwaa ne onɔ la waa dɛ do nee a ta la te bɛlbwa aa won waane ɛ. Korowii ɡbosoroo won waa ɛɛ, dɛkalkɛŋɔ onee ɡela kwaa won lee, dɛɛ kpeɡ.

Galaasia 4:11

He waa dɛ we n nɛ. Amɔ toma maa ɛa he be la bwa ɛ pɛɛ aa?

Mmarare 8:18

Hé lii Korowii haa dɛ tomɔ la wa, dɛkalkɛŋɔ onee tɛ heyaa wejema he kondɔɔh dɔe ta. Anee ɡela o nyoa waa baɡɛ he naawa la chɔ le ba le fini la.

Josua 2:2

Dɛ Jeriko kooro noɔ kɛŋɔ Israel tena bane sɔɔh ba jo bwɛɛ la ta awola jwaana la ne, dɛ́ ba sɔh nyiŋi harɛ la.