Wepila 4:3 - mzwDBL

³ Naate waa soɡe o ta la dɛ nyɛɡle al-al kɛŋɔ bwedɛɛɡa answɛɛma aa dɛ nyɛɡle. Dɛ bwaala deŋɡare bɛl bar o kookara la, dɛ do kɛŋɔ bwelwɛɛne ane aa dɛ nyɛɡle.

Wepila 4:3 Iomraidhean Croise

Kaala 24:10

dɛ ka na Korowii Israel tena aa dɛ tomɛ la. Harɛ waa cheɡɛ o ta la ɛ bobɛl baa mao bwea ne o ir nyundua, dɛ do ɡereŋ kɛŋɔ bwedɛɛɡe baa dɛ yerɔ safaaya la, dɛ ɛ burum kɛŋɔ nyundua ken.

Kaala 28:18

Anɔ la aa teŋa nɛɛ la ɛ bwe burum baa dɛ yerɔ tɛɛkoes, ne bwe waa ɛ burum kohona baa yerɔ safaaya, dɛ bwe waa ɛ onlwɛɛ dɛ do ɡereŋ baa yerɔ ɛmeral.

Kaala 39:11

Anɔ la aa teŋa nɛɛ la ɛ bweburum peihpeih tɛɛkoes, ne bweburum kohona safaaya, dɛ bwelwɛɛ ɡereŋ emirad.

Aesaya 6:1

A bena Kooro Ussia aa sewa, men Aesaya na Korowii chaahna ta, dɛ o soɡe kookara waa daŋa dɛ ɡwaa komɛlbwa ta, asɛ o laala tɔ Korowii Dea bela harɛ bwa.

Ɛsekeɛl 1:26

Kon waa bɔle hweera kwaa la nyundua la, n na komɛl waa do kɛŋɔ kookara, ba kpɔ bwedɛɛɡa ane aa ɛ burum baa yera safaaya ɛ o doa, asɛ a do kɛŋɔ nɛn soɡe kookara la ta ken.

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Ɛsekeɛl 10:1

Men Ɛsekeɛl nyiŋi kon waa bɔle Kerobim la doa, dɛ na komɛl kɛŋɔ kookara baa kpɔ bwedɛɛɡa ane aa ɛ burum baa yera safaaya ɛo.

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

Wepila 10:1

Anɔ bwa habɔɔ la, n berɔ na nyundua torome bokpeɡa te bɛl, o le nyundua dɛɛ tu. O kpɔ baama tɔ kɛŋɔ yal ken. Bwaala deŋɡare bar o nyu, o siebɔr ɛɛ chaah kɛŋɔ wee, asɛ o nakpale ɡe do kɛŋɔ nii.

Wepila 21:11

Dɛ Korowii jirima ɡelɔ o bwa ɛɛ nyɛɡle kɛŋɔ bwedɛɛɡe baa dɛ yerɔ jasepa o do wer kohona dɛ do ɡereŋ la.