Wepila 1:2 - mzwDBL

² Jɔn baɡle waa waa naa bwa. Korowii waa ne Yeesu Kristo webaɡla ne waa waa naa dɛ no bwaa o chwerɛ.

Wepila 1:2 Iomraidhean Croise

Amanesoma Jɔn Aa Chwera Tɔn 1:32

Jɔn bol Yeesu waa ja ŋɔ, “N na Korowii Doma la aa le nyundua kɛŋɔ borɔnoma, dɛ ba so o nɛ.

Amanesoma Jɔn Aa Chwera Tɔn 12:17

Dɛ nɛnlaa Yeesu aa yerɛ Lasorɔs lalbɔɔ bini, o ir seo ta ba siwi ta la bol ɡɛ waa ɛa la bwa dɛɛ baɡle nɛra.

Amanesoma Jɔn Aa Chwera Tɔn 19:35

Naate waa di waa nɔ danseɛ la naa siwi ne, dɛ jemɛ kɛŋɔ kasinteŋii, dɛɛ bola ásɛ he ɡe no dɛ́ yarada.

Amanesoma Jɔn Aa Chwera Tɔn 21:24

A ɡɛ habɔteŋre nɔɔ baɡle ɡɛ waa nɔ dɛ chwerɛ a bwa bil. Ya jemɔ kɛŋɔ a ɛ kpela.

Amanesoma Jɔn Aa Chwera Tɔn 3:11

Kasinteŋ, n dɛ ŋɔ he be, waa yaa jema la, ne waa ya sie aa naa la, anee yaa bol, kɛ haa ya be no.

We-ɛɛla 22:15

O ɛ ɡɛ ásɛ he won di danseɛ tɛo nɛra bwa be waa haa naa bwa ta, ne waa haa noa bwa ta.

We-ɛɛla 26:16

Ir che! N dɛ nyin n lee ásɛ he ɛ n bonɔɔ dɛ valɛ dɛɛ bol waa haa naa fini nɔ, ne anɔ la haa naa kerekere la nɛra be. A waa n kpɔ n te chaɡle la.

We-ɛɛla 4:20

Waa ya ɡbaɡba aa naa dɛ no la, yaa won ɡel a bola bwa!”

1 Kɔrent 1:6

Yeesu Kristo waa la ya fa aa bol he be la jo he bambile bini kɛrɛdɛ.

1 Kɔrent 2:1

Yabala, a ɡɛ saŋ n fa aa ba he be dɛ ba di Korowii waa danseɛ he be la, nyotor ne nɛwɛnyini wejema laa n kpɔ bol waa baɡle heya.

1 Jɔn 1:1

Waa yaa dɛ ba a waa he be bola nɔ ɛ nɛn waa ɛ Korowii Nyoa Wobol dɛ dɔ mkpa dɛ do le le mumpar la bwa wa. Ya no o waa dɛ nao. Ya nyiŋu dɛ kpɔ ya nɔɔra leɡo.

1 Jɔn 4:14

Ya na o Bie la dɛ di danseɛ kɛŋɔ Korowiirii ɡela o ba harɛ nɔ ta dɛ ba ɛ nɛwɛnyini Lɛɛ.

3 Jɔn 1:12

Gasi toole Demetreɔs ɡe nɛ. Nomɛlbwa dɛ bol o waa ɡa. Kasinteŋ la waa dɛ teŋɛ o ta la ɡe dɛ diu danseɛ. Ya ɡba dɛ diu danseɛ ɡɛ. He jemɔ kɛŋɔ yaa nyosone teŋe.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”

Wepila 1:19

Chwerɛ waa haa naa nɔ, ne anɔ la aa lole taraken, ne anɔ la aa dɛ ba bala anɔ nɔ habɔɔ.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

Wepila 12:17

Asɛ kontuuɡi damanta la baah di haah la nɛɛ kohona, o kpɔ ka tɔ haah la naanar baa kaa dɛɛ no Korowii Waa dɛɛ teŋɛ Yeesu danseɛ waa ba dɛ di la ta la nɛ.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

Wepila 22:21

Yá Dɔɔ Yeesu cha he bwa sekwaraa haa ɛ Korowii nɛra la. Aamen.

Wepila 6:9

Asɛ Pebie la swe kwaa baa kpɔa marɛ tɔn nuete la. Waa sweo la, n nyiŋi Korowii Dea bela baa dɛ ɛ saraha dɛɛ tɛ Korowii la harɛbɔr, dɛ na lala baa koh Korowii Waa la wa, ne cheɡa baa cheɡa tɛo waa dɛ kpoo ba la.