Wejereme 9:3 - mzwDBL

³ Waa aa ɛ wechɔɡa, dɛ do wobɛlbwa aa lɔ harɛ nɔ ta laanee nɔ. Webeŋkpoŋ laanee chɔ le tɛ nɛwɛnyina bwa. Wechɔɡa su nɛra bambili ɡɛ saŋ ba taa soɡe le dɛɛ ɡɛn, ásɛ mɔɔ bá piɡri sewɛ.

Wejereme 9:3 Iomraidhean Croise

Mumpar 6:5

Korowii aa baa na ɡɛ nɛwɛnyina nyubinikpeɡ aa kana kohona harɛ nɔ ta dɛ dɔ liichɔɡa ɡbosoroo tɔpere bɛlbwa la,

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

Job Tɔn 15:16

nɛn te pɔɔh, wechɔɡa suu kɛŋɔ waa dɛ nyɔ ne.

Job Tɔn 21:26

Ba bwa dɛ́ sewɛ baa huɡ ba, ásɛ kwaa di ba ola.

Job Tɔn 9:22

A bwa beŋkpoŋ, a waa n ŋɔ, ‘Korowii dɛ chɔɡ nɛra ba wa aa toɡra, ne wechɔɡ-ɛɛra bwa la.’

Yela 51:5

N lola saŋ bwaa n le ɛ wechɔɡa, hale saŋ n nya aa kpoŋe n tea.

Yela 64:7

Korowii ɛɛ tɛr ba deŋnee, ba ne jara dɛ ba choɡlo chɔ, kɛŋɔ baa ta hɛma yaɡ ba ken.

Sɛɡla 14:32

Wechɔɡ-ɛɛ we-ɛɛlaa dɛɛ ba o chɔɡa ne, nɛn o wa aa toɡra dɔ hwɛɡa, hale seo ta.

Wejereme 1:17

N siwi beɡrɔ n berɛ dɛɛ nyin ń jemɛ ɡɛ wejema ne ɡɛnewaa aa doa, dɛ na kɛ a bwa ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini ken.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Wejereme 2:14

Wejereme bɛlbwa dɛ na bela waa dɛ kaa, kɛ ɡɛne te, biro binii o do dɛɛ ɡaaɡe, waa jemɛ bela waa dɛ kaa. Kɛ ane a bwa, n nao kɛŋɔ, sewee chɔ le tɛ ba bwa.

Wejereme 7:2

A wer kɛŋɔ nɛn la lwe mun, dɛ ɡwaa kɛ waa la bela baa dɛ di kondikonjena, dɛɛ lɛ ba sie, dɛkalkɛ nomɛlbwa ɛɛ sewɔɔ. A chɛ kɛ nomɛlbwa ɛɛ do waa nɔ dɛɛɡɔ.

Wejereme 7:25

Anomanta, n kpɔ n liire bwa do a ta, dɛ́ won jemɛ a mun, dɛ́ nyiŋi wejema ne ŋwɛnɛ aa cheɡɛ a ta waanee yon dɛɛ ɛ, dɛ́ na ɡɛnewaa aa lɔ nyubinikpeɡ ne ɡɛna ta.

Wejereme 8:11

Nɛn ɛ wechɔɡa ba ta o deŋnetɛra kpɔe tɛo warane naa, nɛra dɛ dɔ liifala dɛ kpɔ dɛɛ ɛ wechɔɡa.

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Wejereme 9:2

Nyokala beŋkpoŋii chɔ le dɛ tɛ ba bwa, nɛra ba wa aa toɡra ne wechɔɡ-ɛɛra, nɛndɛɛɡa ne nɛnchɔɡa, banɔ la baa kah doŋa, ne banɔ la baa wola doŋa kaeh, dɛ banɔ la baa dɛ ɛ sarahare, dɛ banɔ la baa wola sarahare ɛ bwa. Waa aa chɔ le tɛ nɛndɛɛɡe la, ɡɛɛ a chɔ tɛ wechɔɡ-ɛɛ ɡe, ɡɛ aa doa dɛ tɛ nɛra baa dɛ ŋwɛɛ ntam la, ɡɛɛ a do tɛ banɔ la baa dɛ ɔmɛ ŋwɛɛra.

Wejereme 9:4

Kɛ nomɛlbwa waa wola sewɛ mɔɔ, dɛ ta so harɛ nɔ ta dɔ hwɛɡa. Nyoate waa wola sewɛ ɡwaa nyujente waa sewa.

Jeremia 16:12

kɛ he wedoŋa berɔ ɡwaa anɔ la he naawa aa ɛa. He bwa ɛ deŋnekpeɡ tena dɛɛ ɛ wechɔɡa, haa men duu.

Jeremia 17:10

Men Korowii te, n dɛ nyiŋi nɛn liire bini, dɛ́ jemɛ anɔ la bwa aa lɔ o bambile ta. Dɛ́ che bɛlbwa we-ɛɛla ta tɛo, o kembɔr ɡɛ aa chɛo.”

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

Amanesoma Luk Aa Chwera Tɔn 15:17

Asɛ o sie aa baa ba harɛ la, o soɡo dɛ lii o mɛɛ waa dɛ ŋɔ, ‘N mɛɛ bonɔɔna kwaraa baa lɔ o sie la di kwaa dɛɛ ka, asɛ n do bonɔ lɔr ɛɛ kpo mɛ la.

Amanesoma Luk Aa Chwera Tɔn 6:11

Belaa Tɔnjerema la ne Farisii tena la baah di baa bol dɔŋa be ɡɛ aa chɛ kɛ bá ɛ Yeesu.

We-ɛɛla 12:23

Kooro Hɛrɔd aa wola ɡelɛ ba kpɛɛ Korowii, dɛ lɛ kpɛɛra la tɛ o te la, kerabeŋkpoŋ dɛ Korowii nyundua torome baa lɔɔ bil, asɛ kpaloɡlare diu o sewɛ.

We-ɛɛla 26:11

Dɛ n dɛ la cheremi deene bini saŋ bɛlbwa dɛ kaa ɛɛ ba hɔhɔrɔwa taeh, dɛ fe ɛɛ nyin kɛŋɔ ba bol Korowii nɛnhɛlwaa ásɛ n laɡ ba. Ba waa aa dɛ di n baah kohona nomanta, n ti ba dɛɛ la bwɛɛre aa wola Juu tena bwɛɛre ɛɛ kwaraa ta, dɛ kaa ɛɛ ba hɔhɔrɔwa.

We-ɛɛla 26:24

Pɔɔl aa dɛ bol waa ken la, Koojen Fɛstɔs kɔro ŋɔ, “Pɔɔl, choɡlaa dɛɛ wee kɛɛ? He tɔn jema kohona laanee dɛɛ wee choɡla la!”

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

2 Pita 2:16

Korowii fa ɡelɔ keeɡo bol waa o be dɛ kaoh o wechɔɡa la ta. Keeɡo ɡe fe aa waa bol. Anomanta, Korowii keame nɔ ɡel o choɡla waa la.