Wejereme 9:18 - mzwDBL

¹⁸ Wejema wer ɡwaa dɔmkwaa baa dɛ yo ane, kɛ ɡɛne beŋkpoŋ ɛɛ won chɔɡ waa aa wera kohona.

Wejereme 9:18 Iomraidhean Croise

2 Koranar 21:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

Job Tɔn 35:8

He wechɔɡa ɡelɔ nɛra bane ɛɛ na wa, he waa toɡraa, nɛra banee a dɔ tɔnɔ tɛ.

Wejereme 10:1

Koŋɡaahle sewɔ aa, o sɔɔh won nosɔɔhsoma sɔɔh chɔɡa, ɡɛɛ ɡɛnewa tamaa bini do tɔɡre ɡwaa wejema ne jirima.

Wejereme 10:10

Dɛ kpanfɛ nyoa taŋɔ, ba ta on sarɛ aa, bokpeɡa nee hɛɛ ba o ne toma ɛɛ, kɛ he wejema taa aa ba cheɡa he won tonɛ.

Wejereme 2:13

N nao kɛŋɔ wejema wer ɡwaa ɡɛna, ɡɛ bɔr chaahna aa do wer ɡwaa biro la.

Wejereme 7:12

Wejema dɛ tɔ nɛn nɛ, kɛŋɔ suuɡa aa won nɛn lɛɛ la ken. Wejema dɔe kohona ɛɛ won ɡel naate la so sodɛɛɡa, dɛ́ dɔ mkpa.

Wejereme 7:19

Wejema ɛɛ won ɡel nɛmbeŋkpoŋ di kpeɡri, dɛ́ ɡwaa koranar fi baa lɔ bwɛjen ta.

Wejereme 9:16

Anomanta, n ŋɔ, “Wejema ɡwaa kpeɡri.” Kɛ baa la waa nyaa dɛ dɔ wejema la, nɛra ta on bui, nomɛlbwa ta o waa kwaraa liire kpa.

2 Timoti 3:8

Gɛ Janes ne Jambɛs aa vuuɡi Mosis la, ɡɛɛ a ɡɛ baala nɔ ɡe ɛɛ vuuɡi kasinteŋ waa la. Ba liire aa were. Baa vɛh kasinteŋ waa la yaradae nomanta, Korowii vɛɛh ba.

Josua 22:20

Hé lii ɡɛ saŋ Sɛra bibaa Akan aa ɛ deŋnekpeɡ kwaa baa lea cheɡ tɛ Korowii la wa. Korowii baah ta Israel tena bwa nɛɛ dii o tɛr ba deŋne aa? Akan ɡbo laa sewa o wechɔɡa wa.”

Josua 7:1

Israel tena la ɛ deŋnekpeɡ, dɛ kpɔ kwaa baa lea cheɡ tɛ Korowii waa ŋɔa ba bɛ kpɔ la ta. Baa bɛl baa dɛ yerɔ Akan, o mɛɛ sɔne Kaami. Kaami ɡe mɛɛ sɔne Simri, asɛ o nabaa sɔne Sɛra, o le Juda dea. A ɡɛ Akan nɔɔ kpɔ kwaa baa lea cheɡ tɛ Korowii waa ŋɔa ba bɛ kpɔ la, asɛ a che a ta Korowii baah di ba nɛɛ kohona la.

Josua 7:5

Ai tena doŋi Israel tena la le ba bwɛɛ doonyojen ta, dɛ kaa ba ne bobɛl baa dɛ pɛɡre bwea baa yerɔ Sebarem, dɛ kpoo ba nɛra fifraatoro dɛ banumɛl ŋwɛnɛ waa chɔa tu deŋɡare la ta. Israel tena baa ka dem la aa no waa la, ba bwara yɔrɔ taeh, ba sɔɔh kɛŋɔ noo ken.

1 Samoɛl 14:30

Dɛ laa tena nɔ fe dɔ kondikwa baa paa laa ta le ba dɔma be nɔ ane di aa, ba bwara fe kpeɡri. Filisti tena baa kpoora fe ta ken ɡwaalaa?”